ദയാവധം; അന്തിമ തീരുമാനം ഭരണഘടനാ ബഞ്ചിന് വിട്ടു
മെഡിക്കല് ഉപകരണങ്ങള് കൊണ്ട് ജീവന് നിലനിര്ത്തുന്നവര്ക്കുള്ള ദയാവധത്തില് അന്തിമതീരുമാനം സുപ്രിംകോടതി അഞ്ചംഗ ഭരണഘടനാ ബഞ്ചിന് വിട്ടു.
ദയാവധം അനുവദിക്കുന്നതിന് സാമൂഹികപരമായും വൈദ്യശാസ്ത്രപരമായുള്ള കാര്യങ്ങള് മാത്രം പരിശോധിച്ചാല് പോരെന്നും ഭരണഘടനാപരമായ സാദ്ധ്യതകള് കൂടി പരിശോധിക്കേണ്ടതുണ്ടെന്ന് ചീഫ് ജസ്റ്റിസ് പി സദാശിവം അദ്ധ്യക്ഷനായ മൂന്നംഗ ബെഞ്ച് ചൂണ്ടിക്കാട്ടി.
കോമണ്കോസ് എന്ന എന്ജിഒ സംഘടന സമര്പ്പിച്ച ഹര്ജിയി പരിഗണിക്കവെയാണ് സുപ്രിംകോടതിയുടെ ഈ നടപടി. ദയാവധത്തിന് അനുവദിക്കണമെന്നാവശ്യപ്പെട്ട് 2008ലായിരുന്നു ഹര്ജി സമര്പ്പിച്ചത്. ഡോക്ടര്മാരുടെ അഭിപ്രായത്തില് ജീവിതത്തിലേക്ക് മടങ്ങിവരാന് കഴിയാത്ത വിധമുള്ള അവസ്ഥയിലായ ഒരാളെ ദയാവധത്തിന് വിധേയമാക്കുന്നതില് തെറ്റില്ലെന്നായിരുന്നു ഹര്ജിക്കാരുടെ വാദം. കേസില് കേന്ദ്ര ആരോഗ്യ, നിയമ മന്ത്രാലയങ്ങളുടെ അഭിപ്രായം നേരത്തെ തേടിയ കോടതി തേടിയിരുനനു. രാജ്യത്ത് ആത്മഹത്യ അനുവദിക്കാനാവില്ലെന്നായിരുന്നു ഹര്ജിക്കാരുടെ വാദത്തിനെതിരെ കേന്ദ്രസര്ക്കാരിന്റെ നിലപാട്.
https://www.facebook.com/Malayalivartha
