മോഡിയുടെ ബിരുദരേഖകള് നല്കാത്തതിനു പിഴയിട്ട വിവരാവകാശ കമ്മീഷണറെ ചുമതലയില്നിന്നു നീക്കി
പ്രധാനമന്ത്രി നരേന്ദ്ര മോഡിയുടെ ബിരുദം സംബന്ധിച്ച വിവരം നല്കാത്തതിന് ഡല്ഹി സര്വകലാശാലയ്ക്ക് പിഴയിട്ട വിവരാവകാശ കമ്മീഷണറെ എച്ച്ആര്ഡി ചുമതലയില് നിന്നും നീക്കി. കേന്ദ്ര വിവരാവകാശ കമ്മീഷണര് എം ശ്രീധര് ആചാര്യലുവിനെയാണ് കാരണമൊന്നും കൂടാതെ നീക്കിയത്. മുഖ്യ വിവരാകാശ കമ്മീഷണര് ആര് കെ മാതുറിന്റതാണ് നടപടി. പകരം മജ്ജുള പരേശ്വറിനെ നിയമിക്കും. രണ്ട് ദിവസം മുമ്പാണ് ഡല്ഹി സര്വകലാശാല വിവരാവകാശ ഓഫീസറില് നിന്ന് 25,000 രൂപ പിഴ ഈടാക്കാന് ആചാര്യലു ഉത്തരവിട്ടിരുന്നത്. ചോദ്യത്തിന് ഉത്തരം നല്കാതിരിക്കുകയും ആവശ്യമായ വിവരം രേഖകളടക്കം നല്കാതിരുന്ന ഡല്ഹി സര്വകലാശാല നടപടി കാല്ക്കാശിന് വിലയില്ലാത്തതാണെന്ന് ആചാര്യലു നേരത്തെ പറഞ്ഞിരുന്നു.
ഡല്ഹി സ്വദേശി മുഹമ്മദ് ഇര്ഷാദ് എന്ന അഭിഭാഷകനാണ് മോഡിയുടെ ബിരുദത്തെ കുറിച്ചുള്ള വിവരം അന്വേഷിച്ച് അപേക്ഷ നല്കിയത്. ഒരു വിദ്യാര്ത്ഥിയുടെ വ്യക്തിപരമായ വിവരങ്ങള് ആവശ്യപ്പെടുന്നത് വിവരാവകാശ നിയമത്തിനു കീഴില് വരുന്നതല്ല എന്ന ന്യായം പറഞ്ഞായിരുന്നു ഡല്ഹി സര്വകലാശാല അപേക്ഷ തള്ളിയത്. അപേക്ഷയുടെ ഫീസായി പോസ്റ്റല് ഓര്ഡര് നല്കിയത് അംഗീകരിക്കാനാവില്ലെന്ന് സര്വകലാശാല പറഞ്ഞിരുന്നു.
1978 ല് വിദൂര വിദ്യാഭ്യാസം വഴി നരേന്ദ്ര മോഡി ഡല്ഹി സര്വകലാശാലയില് നിന്നും പൊളിറ്റിക്കല് സയന്സില് ബിരുദം നേടിയിട്ടുണ്ട് എന്നാണ് ബിജെപിയുടെ അവകാശ വാദം. ഡല്ഹി സര്വകലാശാല രജിസ്ട്രാര് ഇതു സ്ഥിരീകരിച്ചിരുന്നു. മോഡിയുടെ ബിരുദം വ്യാജമാണെന്നാരോപിച്ച് കൂടുതല് തെളിവുകള് ആവശ്യപ്പെട്ട് അരവിന്ദ് കെജ്രിവാള് അടക്കമുള്ളവര് രംഗത്ത് വന്നിരുന്നു.
https://www.facebook.com/Malayalivartha
