പഠിക്കാന് അനുവദിച്ചില്ല, പതിനാറുകാരി ഭര്ത്താവിനോട് ചെയ്തത്...
ഏതൊരു പെണ്കുട്ടിയുടെയും വലിയ ആഗ്രഹമാണ് ഉയര്ന്ന വിദ്യാഭ്യാസം നേടുക എന്നത്. എന്നാല് ഇന്ത്യയിലെ പല സ്ഥലത്തും ഇന്നും കുടുംബത്തിന്റെയും സമൂഹത്തിന്റെയും സമ്മര്ദത്തിന് വഴങ്ങി സ്വന്തം ഇഷ്ടങ്ങളും ആഗ്രഹങ്ങളും മനസില് ഒതുക്കി ജീവിക്കേണ്ടി വരാറുണ്ട് മിക്കവാറും പേര്ക്ക്. എന്നാല് ഇതിന് ഒരു അപവാദമായി മാറിയിരിക്കുകയാണ് പശ്ചിമ ബംഗാളിലെ മന്ദിര് ബസാര് സ്വദേശിയാ മംബി ഖാതൂണ് എന്ന പതിനാറുകാരി. വിവാഹശേഷം തുടര്പഠനം അനുവദിക്കാത്തതിന് തുടര്ന്ന് മംബി ഭര്ത്താവുമായി പിരിയാന് തീരുമാനിക്കുകയായിരുന്നു.
2015ലാണ് മാതാപിതാക്കളുടെ നിര്ബന്ധത്തിന് വഴങ്ങി മംബി വിവാഹിതയാകുന്നത്. അന്ന് ഒമ്പതാം ക്ലാസിലായിരുന്ന മംബിക്ക് ഭര്ത്താവിന്റെ വീട്ടുകാര് തുടര് വിദ്യാഭ്യാസം അനുവദിച്ചിരുന്നു. എന്നാല് പത്താം ക്ലാസ് കഴിഞ്ഞ് പതിനൊന്നിലേക്ക് കടന്നതോടെ ഭര്ത്താവിന്റെ വീട്ടുകാര് വിദ്യാഭ്യാസത്തിന് എതിരായി. അതോടെ പെണ്കുട്ടി സ്വന്തം വീട്ടിലെത്തി തുടര്പഠനം ആരംഭിച്ചു. മംബി പഠനം തുടരുന്നെന്ന കാര്യം അറിഞ്ഞതോടെ ഭര്ത്താവും പെണ്കുട്ടിയുടെ വീട്ടിലെത്തി പഠനം നിര്ത്തണമെന്ന് ആവശ്യപ്പെട്ടു.
എന്നാല് പഠനം തുടരാന് തന്നെയായിരുന്നു മംബിയുടെ തീരുമാനം. അച്ഛനും അമ്മയും അവള്ക്ക് പിന്തുണ നല്കുകയും ചെയ്തു. അതേതുടര്ന്ന് മംബി ഭര്ത്താവിനെ മൊഴി ചൊല്ലുകയായിരുന്നു. മകളുടെ താത്പര്യം മനസിലാക്കാതെ അവളെ വിവാഹം കഴിപ്പിച്ച് അയച്ചത് തെറ്റായിപ്പോയെന്നാണ് മംബിയുടെ മാതാപിതാക്കള് ഇപ്പോഴാണ് മനസ്സിലായത്.
https://www.facebook.com/Malayalivartha
