സമൂഹമാധ്യമത്തില് നഗ്നചിത്രം പ്രചരിപ്പിച്ചു; യുപി മുഖ്യമന്ത്രിക്കെതിരെ ആദിവാസി യുവതി
ഉത്തര്പ്രദേശ് മുഖ്യമന്ത്രിയായ യോഗി ആദിത്യനാഥും അസം എംപി റാം പ്രസാദ് ശര്മയും തന്റെ നഗ്നചിത്രം സമൂഹമാധ്യമത്തില് പ്രചരിപ്പിച്ചുവെന്നാരോപിച്ച് ആദിവാസി യുവതി കോടതിയില് പരാതി നല്കി.
പത്തുവര്ഷം മുന്പ് ഗുവാഹത്തിയില് നടന്ന പ്രക്ഷോഭത്തിനിടെ എടുത്ത ഫോട്ടോയാണു കഴിഞ്ഞ 13നു സമൂഹമാധ്യമത്തില് യുപി മുഖ്യമന്ത്രി പോസ്റ്റ് ചെയ്തതെന്നു പരാതിക്കാരിയായ ലക്ഷ്മി ഒറാങ് സബ് ഡിവിഷനല് മജിസ്ട്രേട്ട് കോടതിയില് നല്കിയ പരാതിയില് പറഞ്ഞു. ഈ ഫോട്ടോ പങ്കുവച്ചതിനാണു ശര്മയ്ക്കെതിരെ പരാതി. 2007 നവംബര് നാലിനു ഗുവാഹത്തിയിലെ ബെല്ടോലയില് ഓള് ആദിവാസി സ്റ്റുഡന്റ്സ് അസോസിയേഷന് അസം (എഎഎസ്എഎ) നടത്തിയ പ്രക്ഷോഭത്തില് താന് പങ്കെടുത്തത് ഏതെങ്കിലും രാഷ്ട്രീയ പാര്ട്ടിയുടെ പേരിലല്ലെന്നും യുവതി പറഞ്ഞു. ലക്ഷ്മി ഒറാങ്ങിന്റെ മൊഴി രേഖപ്പെടുത്തിയ മജിസ്ട്രേട്ട് കേസ് 22ലേക്കു മാറ്റി.
യുവതിയുടെ നഗ്നചിത്രം പോസ്റ്റ് ചെയ്ത യോഗി ആദിത്യനാഥിന്റെ പേജിലുള്ള ഫെയ്സ് ബുക് അക്കൗണ്ട് വ്യാജമാണെന്ന് അന്വേഷണത്തില് തെളിഞ്ഞതായി പൊലീസ് പറഞ്ഞു.
https://www.facebook.com/Malayalivartha
