ബംഗ്ലാദേശ് പ്രധാനമന്ത്രി ഷേഖ് ഹസീനയെ വധിക്കാനുള്ള ശ്രമം തകര്ത്ത് ഇന്ത്യ
ബംഗ്ലാദേശ് പ്രധാനമന്ത്രി ഷേഖ് ഹസീനയെ സുരക്ഷാ ഉദ്യോഗസ്ഥരുടെ സഹായത്തോടെ വധിക്കാനുള്ള ഭീകരരുടെ ശ്രമം ഇന്ത്യന് രഹസ്യാന്വേഷണ ഏജന്സികള് തകര്ത്തു. നാലാഴ്ച മുന്പാണ് നീക്കം. ഇന്ത്യയുടെ മുന് പ്രധാനമന്ത്രി ഇന്ദിരാ ഗാന്ധിയെ സിഖ് ഭീകരര് കൊലപ്പെടുത്താന് തെരഞ്ഞെടുത്ത രീതിയെയാണു ജെ.എം.ബി. മാതൃകയാക്കിയത്. ബംഗ്ലദേശ് ആസ്ഥാനമായി പ്രവര്ത്തിക്കുന്ന നിരോധിത ഭീകരസംഘടനയാണ് ജെ.എം.ബി. ആഗസ്റ്റ് 24ന് ഹസീനയുടെ പ്രത്യേക സുരക്ഷാ ഗാര്ഡുകളിലെ ഏഴു പേരാണ് വധിക്കാന് ശ്രമം നടത്തിയത്.
കഴിഞ്ഞ ഓഗസ്റ്റ് 24നു ഹസീനയെ വധിക്കാനായിരുന്നു തീരുമാനം. പതിവുള്ള സായാഹ്ന സവാരിക്കായി ഓഫിസില്നിന്നു പുറത്തിറങ്ങുമ്പോള് പ്രധാനമന്ത്രിയെ വധിക്കാനായിരുന്നു പദ്ധതി. ആക്രമണത്തിനു മുന്നോടിയായി പ്രധാനമന്ത്രിയുടെ ഓഫിസ് സ്ഥിതി ചെയ്യുന്ന മേഖലയില് തുടര് സ്ഫോടനങ്ങള് നടത്താനും പദ്ധതിയിട്ടിരുന്നു. സുരക്ഷാ ഉദ്യോഗസ്ഥരുടെ ശ്രദ്ധമാറ്റാനായിരുന്നു സ്ഫോടന പദ്ധതി.
സ്ഫോടന സ്ഥലത്തേക്ക് ഉദ്യോഗസ്ഥര് നീങ്ങുമ്പോള് ഹസീനയുടെ അംഗരക്ഷര് അവരെ വധിക്കുന്ന രീതിയിയിലായിരുന്നു പദ്ധതി തയാറാക്കിയിരുന്നത്. വധശ്രമവുമായി ബന്ധപ്പെട്ട് ഭീകരരും അംഗരക്ഷകരും തമ്മിലുള്ള സംഭാഷണം ഇന്ത്യന് ഇന്റലിജന്സ് ഏജന്സികളില്നിന്നു ബംഗ്ലദേശിനു ലഭിക്കുകയായിരുന്നു.
തുടര്ന്നു ഹസീനയ്ക്കു പ്രത്യേക സുരക്ഷ ഒരുക്കുകയും സംഭവത്തില് ഉള്പ്പെട്ട അംഗരക്ഷകരെ കസ്റ്റഡിയിലെടുക്കുകയുമായിരുന്നു. ഇവരെ ചോദ്യം ചെയ്തുവരികയാണ്.
https://www.facebook.com/Malayalivartha
