അർബുദം പോലെ മരണകാരണമായേക്കാവുന്ന രോഗങ്ങൾക്കു കാരണം ഓരോരുത്തരുടെയും മുൻകാല തെറ്റുകളാണെന്ന വിവാദപ്രസ്താവനയുമായി ആ​സാം ആരോഗ്യമന്ത്രി ഹിമാന്ത ബിശ്വശർമ രംഗത്തെത്തിയിരുന്നു. ബിശ്വശർമയുടെ പ്രസ്താവനയ്ക്കെതിരെ രൂക്ഷ വിമർശനവുമായി രാഷ്ട്രീയ നേതാക്കളും അർബുദ രോഗികളും ഉൾപ്പെടെയുള്ളവർ രംഗത്തെത്തിയിരുന്നു.

എ​ന്നാ​ൽ താ​ൻ പ​റ​ഞ്ഞ​തി​നെ മാ​ധ്യ​മ​ങ്ങ​ൾ വ​ള​ച്ചൊ​ടി​ക്കു​ക​യാ​യി​രു​ന്നെ​ന്നും ആ​സാം ആ​രോ​ഗ്യ​മ​ന്ത്രി ഹി​മാ​ന്ത ബി​ശ്വ ശ​ർ​മ പ​റ​ഞ്ഞു. ത​ന്‍റെ പ്ര​സ്താ​വ​ന​യി​ൽ കാ​ൻ​സ​ർ രോ​ഗി​ക​ൾ​ക്കു വേ​ദ​നി​ക്കേ​ണ്ട​താ​യൊ​ന്നു​മി​ല്ല. എ​ന്നി​രു​ന്നാ​ൽ ത​ന്നെ​യും ആ​ർ​ക്കെ​ങ്കി​ലും ത​ന്‍റെ വാ​ക്കു​ക​ളി​ലൂ​ടെ ബു​ദ്ധി​മു​ട്ടു​ണ്ടാ​യെ​ങ്കി​ൽ മാ​പ്പു പ​റ​യു​ന്ന​താ​യും മ​ന്ത്രി പ​റ​ഞ്ഞു. സ​ർ​ക്കാ​ർ സ്കൂ​ളി​ലെ പാ​വ​പ്പെ​ട്ട വി​ദ്യാ​ർ​ഥി​ക​ൾ​ക്കു​വേ​ണ്ടി​യാ​ണ് സം​സാ​രി​ച്ച​ത്. അ​വ​രെ അ​വ​ഗ​ണി​ക്ക​രു​തെ​ന്ന് അ​ധ്യാ​പ​ക​രോ​ട് ആ​വ​ശ്യ​പ്പെ​ടു​ക​യും ചെ​യ്തു. ജി​ല്ലാ വി​ദ്യാ​ഭ്യാ​സ വ​കു​പ്പി​നെ ഉ​ദ്യേ​ശി​ച്ചു​ള്ള സ​ന്ദേ​ശ​മാ​യി​രു​ന്നു. അ​ധ്യാ​പ​ക​രെ അ​വ​ഹേ​ളി​ക്കാ​നാ​യി​രു​ന്നി​ല്ലെ​ന്നും അ​ദ്ദേ​ഹം പ​റ​ഞ്ഞു.

ബി​ശ്വ ശ​ർ​മയുടെ വിവാദപ്രസ്താവന ഇങ്ങനെയായിരുന്നു;

'നാം തെറ്റു ചെയ്യുമ്പോഴാണ് ദൈവം നമുക്കു സഹനങ്ങൾ നൽകുന്നത്. ചിലർ ചെറുപ്രായത്തിൽ തന്നെ അപകടങ്ങളിൽ മരിക്കുന്നതും ചിലർക്ക് ചെറുപ്രായത്തിൽതന്നെ അർബുദം പോലുള്ള അസുഖങ്ങൾ വരുന്നതും നാം കാണാറുണ്ട്. ഇതേക്കുറിച്ച് വിശദമായി പഠിച്ചാൽ ഇതു ദൈവീക നീതിയാണെന്നു നമുക്കു ബോധ്യമാകും. അതു നാം സഹിച്ചേ തീരൂ. ഈ ജൻമത്തിലോ മുൻ ജന്‍മത്തിലോ നാം ചില തെറ്റുകൾ വരുത്തിയിരിക്കാം. അല്ലെങ്കിൽ നമ്മുടെ പൂർവികരാകും തെറ്റു ചെയ്തത്. അതിന് ചെറുപ്പക്കാരായ നാമും ചില സഹനങ്ങൾ ഏറ്റെടുക്കേണ്ടി വരും. ഒരാളുടെ കർമഫലമാണിത്. ഇതേക്കുറിച്ച് ഭഗവത് ഗീതയിലും ബൈബിളിലും പരാമർശങ്ങളുണ്ട്. ഇതിൽ സങ്കടപ്പെട്ടിട്ടു കാര്യമില്ല. എല്ലാവർക്കും അവരുടെ കർമങ്ങൾക്ക് ഈ ജൻമത്തിൽത്തന്നെ ഫലം കിട്ടും. ഈ ദൈവീക നീതി എന്നും നിലനിൽക്കുന്നതാണ്. ഇതിൽനിന്ന് ആർക്കും രക്ഷപ്പെടാനാകില്ല'.