ശബരിമല സ്വര്‍ണക്കൊള്ളയിലെ എസ്.ഐ.ടി അന്വേഷണം നിലച്ചിരിക്കുകയാണ് എന്ന ആരോപിച്ച് പ്രതിപക്ഷ നേതാവ് വി.ഡി . 90 ദിവസം കഴിഞ്ഞിട്ടും പ്രഥമിക കുറ്റംപത്രം പോലും നല്‍കാതെ പ്രതികള്‍ ജയിലില്‍ മോചിതരാകുകയാണ്. ഉണ്ണികൃഷ്ണന്‍ പോറ്റിയും സി.പി.എം നേതാക്കളായ മൂന്നു പേരും ജയിലില്‍ നിന്നും ഇറങ്ങുമെന്നും അദ്ദേഹം പറഞ്ഞു.

എല്ലാവരെയും ജയിലില്‍ നിന്നും ഇറക്കാന്‍ അന്വേഷണം മരവിപ്പിച്ച് പ്രഥമിക കുറ്റപത്രം നല്‍കാതെ എസ്.ഐ.ടി അന്വേഷണം നിലച്ച സാഹചര്യമാണ്. ഇതുവരെ തെളിവുകളൊന്നും കിട്ടിയിട്ടില്ല. പത്മകുമാര്‍ എന്ന മുന്‍ ദേവസ്വം ബോര്‍ഡ് പ്രസിഡന്റ് രജിസ്റ്റര്‍ തിരുത്തിയാണ് ദ്വാരപാലക ശില്‍പം കടത്തിയത്. അതിന്റെ ഫോറന്‍സിക് പരിശോധന പോലും മൂന്ന് ദിവസം മുന്‍പാണ് നടത്തിയത്. എല്ലാ വൈകിപ്പിക്കുകയാണ്. പ്രതികള്‍ പുറത്തിറങ്ങി എല്ലാ തെളിവുകളും നശിപ്പിച്ച് ശബരിമല സ്വര്‍ണക്കൊള്ള എങ്ങും എത്തിക്കാതിരിക്കാനുള്ള ശ്രമമാണ് നടത്തുന്നത്. അതിനെതിരായ പോരാട്ടമാണ് യു.ഡി.എഫ് നിയമസഭയ്ക്കുള്ളിലും പുറത്തും നടത്തുന്നത് എന്നും അദ്ദേഹം പറഞ്ഞു.

മന്ത്രിമാരുടെ വ്യാഖ്യാനങ്ങളെല്ലാം തെറ്റാണ്. ഏത് കോടതിയാണ് ശബരിമല വിഷയത്തില്‍ പ്രതിപക്ഷത്തെ വിമര്‍ശിച്ചത്? കോടതി വിമര്‍ശിച്ചത് എസ്.ഐ.ടിയെയാണ്. തദ്ദേശ തിരഞ്ഞെടുപ്പ് കാലത്ത് മുഖ്യമന്ത്രിയുടെ ഓഫീസ് സമ്മര്‍ദ്ദം ചെലുത്തി അന്വേഷണത്തെ മരവിപ്പിച്ചെന്ന് പ്രതിപക്ഷം പറഞ്ഞത് പിന്നീട് കോടതി ശരിവച്ചു. എസ്.ഐ.ടി അന്വേഷണത്തില്‍ മന്ദതയുണ്ടായെന്ന് തീയതി സഹിതം കോടതി പറഞ്ഞു. കുറ്റപത്രം നല്‍കാത്തതിനെ തുടര്‍ന്നാണ് പ്രതികള്‍ക്ക് സ്വാഭാവിക ജാമ്യം കിട്ടുന്നതെന്നും കോടതി നിരീക്ഷിച്ചിട്ടുണ്ട്. എന്നിട്ട് എന്തിനാണ് പ്രതിപക്ഷത്തെ വിമര്‍ശിച്ചെന്ന് പറയുന്നത്? കോടതി പറഞ്ഞ കാര്യങ്ങള്‍ തന്നെയാണ് പ്രതിപക്ഷവും പറയുന്നത് എന്നും അദ്ദേഹം പറഞ്ഞു.

യു.ഡി.എഫിന്റെ കാലത്തെ കുറിച്ച് അന്വേഷിക്കണമെന്നാണ് നിയമമന്ത്രി ഇന്ന് നിയമസഭയില്‍ പറഞ്ഞത്. അന്വേഷിച്ചോ. ഹൈക്കോടതി നിയോഗിച്ച അഡ്വക്കേറ്റ് കമ്മിഷന്റെ സന്നിധ്യത്തിലാണ് വാജീ വാഹനം കൈമാറിയത്. അത് ശരിയാണെന്ന് കോടതി നിരീക്ഷണമുണ്ട്. ആ ചുമതല നിര്‍വഹിച്ചതിന് അഡ്വക്കേറ്റ് കമ്മിഷണറെ കോടതി അഭിനന്ദിച്ചിട്ടുമുണ്ട്. 2019-ല്‍ സി.പി.എം കേരളം ഭരിക്കുമ്പോള്‍ കടകംപള്ളി സുരേന്ദ്രനായിരുന്നു ദേവസ്വം മന്ത്രി. സി.പി.എം നേതൃത്വത്തിലുള്ള ദേവസ്വം ബോര്‍ഡിന്റെ അനുമതിയോടെയാണ് സ്വര്‍ണക്കൊള്ള നടന്നത് എന്നും അദ്ദേഹം പറഞ്ഞു.