പ്രളയത്തിൽ മുങ്ങിയ കേരളത്തിന് സഹായഹസ്തവുമായി കുവൈറ്റിലെ എറണാകുളം നിവാസികളുടെ കൂട്ടായ്മയായ (KERA) രംഗത്തെത്തിയിരിക്കുകയാണ്. കുവൈറ്റ് പ്രവാസികളില്‍ നിന്നും സ്വരൂപിച്ച മൂന്നരലക്ഷം രൂപ മുഖ്യമന്ത്രിയുടെ ദുരിതാശ്വാസനിധിയിലേക്ക് പ്രവർത്തകർ കൈമാറി.

KERA യുടെ അബ്ബാസിയ, ഫര്‍വാനിയ, മംഗഫ്,ഫഹീല്‍ യൂണിറ്റുകള്‍ സംയുക്തമായി രണ്ടുദിവസം കൊണ്ടാണ് ഈ തുക കണ്ടെത്തിയത്.

ദുരിതാശ്വാസനിധി സമാഹരണവുമായി ബന്ധപ്പെട്ട് മലയാളി സമൂഹത്തില്‍ നിന്നും ഇതരസംസ്ഥാനക്കാരായ പ്രവാസി സഹോദരങ്ങളില്‍ നിന്നും മികച്ച സഹകരണം ലഭിച്ചു. . ഈ ഉദ്യമം വിജയത്തിലെത്തിച്ച മുഴുവന്‍ ആളുകളോടുമുള്ള ഭാരവാഹികള്‍ നന്ദിരേഖപ്പെടുത്തി.