ബഹ്‌റൈനിൽ സന്ദർശക വിസയിലെത്തിയ മലയാളി കെട്ടിടത്തിന് മുകളിൽ നിന്നും താഴേയ്ക്ക് വീണു മരിച്ചതായി റിപ്പോർട്ടുകൾ. നിലമ്പൂർ ചക്കാലക്കുത്ത്​ കോട്ടായി ഹൗസിൽ അഷീർ (37) ആണ്​ മരണപ്പെട്ടത്​. ഇന്ന് പുലർച്ചെയായിരുന്നു സംഭവം.

ഗുദൈബിയ പഴയ രാജധാനി ഹോട്ടലിനു സമീപത്തെ ഫ്ലാറ്റിൽ നിന്ന് അഷീർ താഴേയ്ക്ക് വീഴുകയായിരുന്നു. ഇയാൾ കെട്ടിടത്തിൽ നിന്ന്​ താഴേക്ക്​ വീഴുന്ന ദൃശ്യങ്ങൾ സി.സി.ടി.വിയിൽ പതിഞ്ഞിട്ടുണ്ട്​. ഒന്നരവർഷം മുമ്പ്​ ബഹ്​റൈനിൽ നിന്ന്​ നാട്ടിലേക്ക്​ പോയ അഷീർ കഴിഞ്ഞ മാർച്ച്​ 28 നാണ്​ സന്ദർശക വിസയിൽ തിരിച്ചെത്തിയത്​.

ഭാര്യ ഷബ്​നയും മക്കളും നാട്ടിലാണ്​. പൊലീസ്​ എത്തി മൃതദേഹം ആശുപത്രിയിലേക്ക്​ മാറ്റി. സാമൂഹിക പ്രവർത്തകരായ സുബൈർ കണ്ണൂർ, സലാം മമ്പാട്ടുമൂല എന്നിവർ ആശുപത്രിയിലെത്തി മൃതദേഹം നാട്ടിലെത്തിക്കാനാവശ്യമായ നടപടി ക്രമങ്ങൾക്ക്​ നേതൃത്വം നൽകുന്നുണ്ട്.