മാറ്റം ഉദിച്ചു വരുന്ന സൗദിയിൽ അഗ്​നിശമന സേനയിൽ രണ്ട്​ സ്വദേശി വനിതകളുമുള്ളതായി റിപ്പോർട്ട്.ഇതാദ്യമായാണ് ​ അഗ്​നിശമന ജോലി രംഗത്ത്​ സൗദി സ്​ത്രീകൾ രംഗത്തു കടന്നുവരുന്നത് . ആരാംകോം കമ്പനിയാണ്​ അഗ്​നിശമന രംഗത്തെ പതിവുപരിശീലന പരിപാടിയിൽ രണ്ട്​ സ്​ത്രീകളെ ഉൾപ്പെടുത്തിയത്.

ആദ്യമായാണ്​ അഗ്​നിശമന ജോലി രംഗത്ത്​ സൗദി സ്​ത്രീകൾ രംഗത്തുവരുന്നതെന്നും​ ഇത് വളരേയേറെ സന്തോഷത്തിന്​ വക നൽകുന്ന കാര്യമാണിതെന്നും ​പ്രോഗ്രാം മേധാവി ഗസാൻ അബുൽഫറജ് പറഞ്ഞു.

അഗ്​നിശമന വിഭാഗത്തിൽ ചേരുകയെന്നത്​ വലിയ സ്വപ്​നമായിരുന്നുവെന്നും ഇപ്പോഴത്​ യഥാർഥ്യമായെന്നും പരിശീലനം നേടിയ ജാസി അൽ ദോസരി പറഞ്ഞു.അഗ്​നിശമന ജോലിക്കാരാനായിരുന്നു പിതാവ്. താൻ പിതാവിന്റെ പാത പിന്തുടരുന്നതിൽ അദ്ദേഹം അഭിമാനം കൊള്ളുന്നതായും അവർ പറഞ്ഞു.

കമ്പനിയിലെ അഗ്​നിശമന ജോലിക്കാരിൽ ഒരാളാവാൻ കഴിഞ്ഞതിൽ അഭിമാനിക്കുന്നതായി പരിശീലനം പൂർത്തിയാക്കിയ വനിത അബീർ അൽജബർ പറഞ്ഞു. സ്​ത്രീകൾക്ക്​ കൂടി അഗ്​നിശമന രംഗത്ത്​ പരിശീലനം നൽകുന്നതി​ലൂടെ ജോലികളിൽ എല്ലാവർക്കും തുല്യ അവസരം നൽകുകയാണ്​ ആരാംകോ ചെയ്​തിരിക്കുന്നതെന്നും അവർ പറഞ്ഞു.