സൗദിയിലെ തുറമുഖങ്ങളുടെ ചരി​ത്രം പറയുന്ന ജനാദിരിയയിലെ സ്​റ്റാളുകൾ കാണാൻ സന്ദർശകരുടെ വൻ തിരക്ക്.പൂർവികരുടെ തുറമുഖം, ഭാവി തുറമുഖം’ എന്ന പേരിൽ സൗദി തുറമുഖ അതോറിറ്റിയാണ്​ വലിയ സ്​റ്റാളുകൾ ഒരുക്കിയിരിക്കുന്നത്.

രണ്ട്​ ഭാഗമായിട്ടാണ് ​ പ്രദർശനം​. ഒന്ന്​ പഴയ ​തുറമുഖങ്ങളുടെ ചരിത്രവും വിവരിക്കുന്നതും, രണ്ടാമത്തേത് നിലവിലുള്ള തുറഖങ്ങളുടെ വർത്തമാനം വിവരിക്കുന്നതുമാണ്. പഴയ ​തുറമുഖങ്ങളുടെ ചരിത്രം വിവരിക്കുന്നതിനായി ഒരുക്കിയ സ്​റ്റാൾ നാവിക നിരീക്ഷണ ടവറിന്റെ മാതൃകയിലാണ് സജ്ജീകരിച്ചിരിക്കുന്നത് . ഇതിൽ സൗദിയിലെ പഴയ തുറമുഖങ്ങളുടെ നേർചിത്രം കാണിക്കുന്ന 30 പഴയ ചിത്രങ്ങളുമുണ്ട്]

കപ്പലുകളിൽ ഉപയോഗിച്ചിരുന്ന വ്യത്യസ്​ത വലിപ്പത്തിലുള്ള യന്ത്രസാമഗ്രികളും ഉപകരണങ്ങളും പ്രദർശനത്തിനുണ്ട്​. രണ്ടാമത്തെ സ്​റ്റാൾ​ ചരക്ക്​ കണ്ടെയ്​നർ രൂപത്തിലാണ്​. വിവിധ വലിപ്പത്തിലുള്ള കപ്പലുകളുടെ ചിത്രങ്ങളും രാജ്യത്തെ തുറമുഖങ്ങളെ പരിചയപ്പെടുത്തുന്ന വലിയ സ്​ക്കെച്ചുകളും ഇതിലുണ്ട്​. പോർട്ടിലെ പ്രധാന ജോലികളും മറ്റും സന്ദർശകർക്ക്​ പറഞ്ഞു കൊടുക്കാനും സംശയങ്ങൾ തീർക്കാനും കൗണ്ടറുകളും വലിയ സ്​ക്രീനുകളും ഒരുക്കിയിട്ടുണ്ട്​.