യു.എ.ഇയില്‍ 518 പേര്‍ക്ക്​ കൂടി ​കോവിഡ്​ സ്​ഥിരീകരിച്ചു. രാജ്യത്ത്​ ആദ്യമായാണ്​ ഒരു ദിവസം 500ലേറെ പേര്‍ക്ക്​ രോഗം റ​ിപ്പോര്‍ട്ട്​ ചെയ്യുന്നത്​. രോഗബാധിതരുടെ എണ്ണം 8756ലേക്ക്​ ഉയര്‍ന്നു. വ്യാ​ഴാഴ്​ച നാല്​ മരണം കൂടി റിപ്പോര്‍ട്ട്​ ചെയ്​തതോടെ മരിച്ചവരുടെ എണ്ണം 56 ആയി. മരണപ്പെട്ട നാല്​ പേരും ഏഷ്യന്‍ രാജ്യങ്ങളില്‍ നിന്നുള്ളവരാണ്​. 1637 പേരാണ്​ ഇതുവരെ ​സുഖം പ്രാപിച്ചത്​. വ്യാഴാഴ്​ച 91 പേര്‍ രോഗമുക്​തരായി.

ബഹ്‌റൈനില്‍ കോവിഡ് 19 ബാധിച്ചു ചികിത്സയില്‍ കഴിഞ്ഞ പ്രവാസി മരിച്ചു. 36 വയസുള്ള പ്രവാസിയാണ് മരിച്ചത്. ഇതോടെ ബഹ്‌റൈനില്‍ കോവിഡ് ബാധിച്ചു മരിച്ചവരുടെ എണ്ണം എട്ടായി.

കോവിഡ്​ ബാധിച്ച്‌​ വ്യാഴാഴ്​ച സൗദി അറേബ്യയില്‍ ആറ്​​ വിദേശികളും ഒരു സ്വദേശിയും മരിച്ചു. 23നും 67നും ഇടയില്‍ പ്രായമുള്ള ആറ്​ വിദേശികള്‍ മക്കയിലും ജിദ്ദയിലുമാണ്​​ മരിച്ചത്​. മക്കയില്‍ നാലും ജിദ്ദയില്‍ രണ്ടും വിദേശികളാണ്​ മരിച്ചത്​. ജിദ്ദയില്‍ മരിച്ച സൗദി പൗരന്​ 69 വയസുണ്ട്​. ഇതോടെ രാജ്യത്തെ ആകെ മരണസംഖ്യ 121 ആയി ഉയര്‍ന്നു. പുതുതായി 1158പേരിലാണ്​ രോഗം സ്ഥിരീകരിച്ചത്​.

ആരോഗ്യവകുപ്പ് ഏഴാം ദിവസവും തുടര്‍ന്ന ഫീല്‍ഡ്​ സര്‍വേയിലൂടെയാണ്​ ഇത്രയും രോഗികളെ ക​ണ്ടെത്തിയത്​. പുതിയ രോഗികളില്‍ 15 ശതമാനം മാത്രമാണ്​ സ്വദേശികള്‍. 85 ശതമാനവും വിദേശികളാണെന്നും ഇൗയാളുകളെ മുഴുവന്‍ കണ്ടെത്തിയത്​ ആരോഗ്യവകുപ്പ്​ താമസകേന്ദ്രങ്ങളിലും ഗല്ലികളിലും മറ്റും നേരിട്ട്​ ചെന്ന്​ നടത്തിയ ആരോഗ്യ പരിശോധനയിലൂടെയാണെന്നും ആരോഗ്യമന്ത്രാലയ വക്താവ്​ ഡോ. മുഹമ്മദ്​ അബ്​ദു അല്‍അലി വാര്‍ത്തസമ്മേളനത്തില്‍ പറഞ്ഞു.

ഇതോടെ കോവിഡ്​​ ബാധിതരുടെ ആകെ എണ്ണം 13930 ആയി. ഇവരില്‍ 1925 പേര്‍ സുഖം പ്രാപിച്ചു. ബുധനാഴ്​ച 113 പേര്‍ക്കാണ്​ രോഗമുക്തിയുണ്ടായത്​. 11884 പേര്‍​ രാജ്യത്തെ വിവിധ ആശുപത്രികളില്‍ ചികിത്സയിലാണ്​​​. ഇവരില്‍ 93 പേര്‍​ ഗുരുതരാവസ്ഥയിലും​​. തീവ്രപരിചരണ വിഭാഗത്തിലാണ് ഇവര്‍​​.

ആരോഗ്യ വകുപ്പി​​െന്‍റ 150ലേറെ മെഡിക്കല്‍ ടീമുകളാണ്​ രാജ്യത്തെ വിവിധ ഭാഗങ്ങളിലായി ഫീല്‍ഡ്​ സര്‍വേയുമായി രംഗത്തുള്ളത്​. നാലുപേര്‍ കൂടി പുതുതായി മരിച്ചതോടെ മക്ക മേഖലയിലെ കോവിഡ്​ ബാധിച്ചുള്ള മരണസംഖ്യ 49 ആയി​.

പുതിയ രോഗികള്‍:മദീന 293, മക്ക 209, ജിദ്ദ 208, റിയാദ്​ 157, ഹുഫൂഫ്​ 78, ദമ്മാം 43, ജുബൈല്‍ 40, ത്വാഇഫ്​ 32, അല്‍ഖോബാര്‍ 28, ഉനൈസ 13, ബുഖൈരിയ 11, തബൂക്ക്​ 10, ഹാഇല്‍ 9, അല്‍ഹദ 5, റാബിഗ്​ 5, യാംബു 4, അബഹ 1, ഖത്വീഫ്​ 1, ദഹ്​റാന്‍ 1, അല്‍ബാഹ 1, അറാര്‍ 1, നജ്​റാന്‍ 1, അഖീഖ്​ 1, ദറഇയ 1, ഹഫര്‍ അല്‍ബാത്വിന്‍ 1, അല്‍ഖുറുമ 1, ഉമുല്‍ ദൂം 1, അല്‍മന്‍ദഖ്​ 1, വാദി അല്‍ഫറഅ്​ 1

മരണസംഖ്യ:മക്ക 49, മദീന 32, ജിദ്ദ 22, റിയാദ്​ 6, ഹുഫൂഫ്​ 3, ജീസാന്‍ 1, ഖത്വീഫ് 1​, ദമ്മാം 1, അല്‍ഖോബാര്‍ 1, ഖമീസ്​ മുശൈത്ത് 1​, ബുറൈദ 1, ജുബൈല്‍ 1, അല്‍ബദാഇ 1, തബൂക്ക്​ 1.