സോളാർ വിഷയം ആളിക്കത്തുന്നു... ഗണേഷ് കുമാറിന്റെ മുന് പേഴ്സണല് സ്റ്റാഫ് അംഗം സുധീര് മലയില്..കൊട്ടാരക്കര ഒന്നാം ക്ലാസ് ജുഡീഷ്യല് മജിസ്ട്രേറ്റ് കോടതിയില് നല്കിയ രഹസ്യമൊഴി..ഇപ്പോള് ഗണേഷിന് തിരിച്ചടിയാകുന്നു..
വീണ്ടും ഒരു തിരഞ്ഞെടുപ്പ് കാലം വീണ്ടും സോളാർ വിഷയം ആളിക്കത്തുന്നു. മുന് മുഖ്യമന്ത്രി ഉമ്മന്ചാണ്ടിയെ സോളാര് പീഡനക്കേസില് കുടുക്കാന് മന്ത്രിയായിരുന്ന കെ.ബി. ഗണേഷ് കുമാര് ഗൂഢാലോചന നടത്തിയെന്ന വെളിപ്പെടുത്തല് കേരള രാഷ്ട്രീയത്തില് വന് വിവാദത്തിന് തിരികൊളുത്തുന്നു. ഗണേഷ് കുമാറിന്റെ മുന് പേഴ്സണല് സ്റ്റാഫ് അംഗം സുധീര് മലയില് കൊട്ടാരക്കര ഒന്നാം ക്ലാസ് ജുഡീഷ്യല് മജിസ്ട്രേറ്റ് കോടതിയില് നല്കിയ രഹസ്യമൊഴിയാണ് ഇപ്പോള് ഗണേഷിന് തിരിച്ചടിയാകുന്നത്.
ഉമ്മന്ചാണ്ടിയെ പാഠം പഠിപ്പിക്കുമെന്നും അദ്ദേഹത്തെയും മറ്റ് യു.ഡി.എഫ് നേതാക്കളെയും പീഡനക്കേസില് കുടുക്കുമെന്നും ഗണേഷ് കുമാര് തന്നോട് പലവട്ടം പറഞ്ഞിരുന്നുവെന്നാണ് സുധീറിന്റെ മൊഴി. വരാനിരിക്കുന്ന നിയമസഭാ തിരഞ്ഞെടുപ്പില് ഈ വിഷയം സജീവ ചര്ച്ചയാകുമെന്ന് ഉറപ്പായതോടെ എല്.ഡി.എഫിനും ഗണേഷ് കുമാറിനും ഇത് വലിയ പ്രതിസന്ധിയാണ് സൃഷ്ടിക്കുന്നത്. ഗണേഷ് കുമാര് മന്ത്രിയായിരുന്ന കാലയളവില് പേഴ്സണല് സ്റ്റാഫിലുണ്ടായിരുന്ന വ്യക്തിയാണ് സുധീര് മലയില്.
സോളാര് പീഡനക്കേസിലെ പരാതിക്കാരിയുമായി ഗണേഷ് കുമാറിന് അടുത്ത ബന്ധമുണ്ടായിരുന്നുവെന്നും മന്ത്രിയുടെ ഔദ്യോഗിക വസതിയിലും ഓഫീസുകളിലും അവര് സ്ഥിരം സന്ദര്ശകയായിരുന്നുവെന്നും മൊഴിയിലുണ്ട്.കുടുംബവഴക്കിനെത്തുടര്ന്ന് മന്ത്രിസ്ഥാനം രാജിവെക്കേണ്ടി വന്ന ഗണേഷിനെ തിരികെ മന്ത്രിസഭയില് ഉള്പ്പെടുത്താന് ഉമ്മന്ചാണ്ടി തയ്യാറാകാതിരുന്നതാണ് വൈരാഗ്യത്തിന് കാരണമെന്നാണ് പറയപ്പെടുന്നത്.
ഉമ്മൻചാണ്ടി മന്ത്രിസഭയിൽ മന്ത്രിയായിരുന്ന ഗണേഷ് ഭാര്യ നൽകിയ ഗാർഹിക പീഡന പരാതിയെ തുറന്നു രാജി വച്ചിരുന്നു. മന്ത്രിസ്ഥാനം തിരികെ ലഭിക്കണമെന്ന് ആവശ്യപ്പെട്ട് ഉമ്മൻചാണ്ടിയെ സമീപിച്ചെങ്കിലും പല കാരണങ്ങൾ കൊണ്ട് നടന്നില്ല.മന്ത്രിയാക്കാത്ത ഉമ്മൻചാണ്ടിയെ പാഠം പഠിപ്പിക്കുമെന്നും അദ്ദേഹത്തെയും യുഡിഎഫ് നേതാക്കളെയും പീഡനക്കേസിൽ കുടുക്കും എന്നും തന്നോട് പലവട്ടം പറഞ്ഞു എന്നും സുധീർ മജിസ്ട്രേറ്റ് കോടതിയിൽ നൽകിയ മൊഴിയിൽ പറയുന്നുഇതിന്റെ പ്രതികാരമായി സോളാര് പരാതിക്കാരിയുടെ കത്തില് നാല് പേജുകള്
അധികമായി കൂട്ടിച്ചേര്ത്ത് ഉമ്മന്ചാണ്ടിയുള്പ്പെടെയുള്ളവരെ കേസില് കുടുക്കാന് ഗൂഢാലോചന നടത്തിയെന്നാണ് ആക്ഷേപം.ഉമ്മന്ചാണ്ടിയോടുള്ള വൈകാരിക ബന്ധം വോട്ടര്മാര്ക്കിടയില് സജീവമായിരിക്കുന്ന സാഹചര്യത്തില്, ഈ പുതിയ വെളിപ്പെടുത്തലുകള് തിരഞ്ഞെടുപ്പില് യു.ഡി.എഫ് പ്രധാന ആയുധമാക്കും. 2011 മുതല് 13 വരെ ഉമ്മന്ചാണ്ടിയുടെ പേഴ്സണല് സ്റ്റാഫായിരുന്ന സുധീര് മലയിലാണ് കഴിഞ്ഞദിവസം കൊട്ടാരക്കര ജുഡീഷ്യല് ഫസ്റ്റ്ക്ലാസ് മജിസ്ട്രേറ്റ് കോടതിയില് മൊഴിനല്കിയത്. ഉമ്മന്ചാണ്ടിയെ അപകീര്ത്തിപ്പെടുത്താന് സോളാര് കേസ് പ്രതിയുടെ കത്തില് നാലുപേജ് ഗൂഢാലോചന നടത്തി അധികമായി എഴുതിച്ചേര്ത്തെന്ന കേസിലാണ് നാലാം സാക്ഷിയായി സുധീര് മലയില് മൊഴിനല്കിയത്.
https://www.facebook.com/Malayalivartha
