ഭാര്യയുടെ സ്വകാര്യ സംഭാഷണങ്ങള് രഹസ്യമായി റെക്കോര്ഡ് ചെയ്ത കേസില് ഭര്ത്താവിന് ശിക്ഷ വിധിച്ച് കോടതി
ഭാര്യയുടെ സ്വകാര്യ സംഭാഷണങ്ങള് അവരുടെ അനുമതിയില്ലാതെ റെക്കോര്ഡ് ചെയ്ത കേസില് ഭര്ത്താവിന് ശിക്ഷ വിധിച്ച് ബഹ്റൈന് കോടതി. ഭാര്യയുടെ സ്വകാര്യ സംഭാഷണങ്ങള് ചോര്ത്തിയെടുക്കാന് ബെഡ്റൂമിലും വാഹനത്തിലും ഇയാള് റെക്കോഡിംഗ് ഉപകരണങ്ങള് രഹസ്യമായി ഘടിപ്പിച്ചു. ഭാര്യ മറ്റ് ആളുകളുമായി സംസാരിക്കുന്നത് ഇയാള് മറ്റ് ബന്ധുക്കള്ക്ക് കേള്പ്പിച്ച് കൊടുക്കുകയും ചെയ്തു. ഇതോടെയാണ് ഭാര്യ നിയമ നടപടിയുമായി മുന്നോട്ട് പോകുന്നത്.
ഭാര്യയേയയം ബന്ധുക്കളേയും തമ്മില് തെറ്റിക്കുന്നതിനായാണ് ഇയാള് ഇത്തരത്തില് പ്രവര്ത്തിച്ചത്. 2022-ലാണ് കേസിന് ആസ്പദമായ സംഭവം. തന്റെ ഫോണ് കോളുകള് അനുമതിയില്ലാതെ ഭര്ത്താവ് റെക്കോര്ഡ് ചെയ്തെന്നാരോപിച്ച് യുവതി കോടതിയെ സമീപിക്കുകയായിരുന്നു. പരാതി സത്യമാണെന്ന് തെളിഞ്ഞതടെ ഇയാള്ക്ക് ബഹ്റൈനിലെ കാസേഷന് കോടതി 50 ദിനാര് ശിക്ഷ വിധിച്ചു.
കേസ് ആദ്യം പരിഗണിച്ച കീഴ്ക്കോടതി, ഭാര്യയുടെ അനുമതിയില്ലാതെ അവരുടെ സ്വകാര്യ സംഭാഷണങ്ങള് പകര്ത്തിയത് ക്രിമിനല് കുറ്റമാണെന്ന് കണ്ടെത്തുകയും ഭര്ത്താവിനെതിരേ ക്രിമിനല് ഉത്തരവ് ഇറക്കുകയും ചെയ്തു. അതോടൊപ്പം 20 ദിനാര് പിഴയൊടുക്കാനും കൃത്യത്തിനായി ഉപയോഗിച്ച ഉപകരണങ്ങള് പിടിച്ചെടുക്കാനും കോടതി ഉത്തരവിട്ടു.
ശിക്ഷയില് ഉള്പ്പെടുത്തിയിരിക്കുന്ന ക്രിമിനല് കുറ്റം ഒഴിവാക്കണമെന്ന് കാണിച്ച് ഇയാള് മറ്റൊരു ഹര്ജി നല്കിയതോടെയാണ് ക്രിമിനല് കുറ്റം ഒഴിവാക്കി പിഴ 50 ദിനാറാക്കി ഉയര്ത്തിയത്. എന്നാല് ഇതിനെതിരെ യുവാവ് അപ്പീല് കോടതിയെ സമീപിക്കുകയായിരുന്നു. കേസ് പരിഗണിച്ച അപ്പീല് കോടതി, കീഴിക്കോടതിയുടെ ഉത്തരവ് ശരിവയ്ക്കുകയാണ് ചെയ്തത്. ഇതിനെതിരേ യുവാവ് കാസേഷന് കോടതിയില് ഹര്ജി നല്കിയെങ്കിലും അവിടെയും ഹരജി തള്ളി.
https://www.facebook.com/Malayalivartha
