മല്സരയോട്ടത്തിനുള്ള കുതിര ഓടി ബാറില് കയറി!
കുതിരയെ വെള്ളത്തിനടുത്തേക്ക് നിങ്ങള്ക്ക് നയിക്കാനാവും,പക്ഷേ കുടിപ്പിക്കാനാവില്ല എന്നാണ് പഴഞ്ചൊല്ല്. ന്യൂജെന് കുതിരകള് അത് മാറ്റിയെഴുതിക്കുമെന്നാണ് തോന്നുന്നത്. വെള്ളത്തിനടുത്തേക്ക് ആരും നയിക്കേണ്ട, തനിയെ വന്നുകൊള്ളാം എന്നു പറയുന്നതുപോലെ ആയിരിക്കുന്നു സ്ഥിതി.
കാര്യം എന്താണ് എന്നോ ...മത്സരയോട്ടത്തിന് ശേഷം ഒരു കുതിര ഓടിച്ചെന്ന് ബാറില് കയറി. പാരീസിലാണ് സംഭവം. തന്റെ സവാരിക്കാരനെ മത്സരയോട്ടത്തിനു ശേഷം എടുത്തെറിഞ്ഞശേഷമാണ് കുതിര തൊട്ടടുത്തുള്ള ബാറിലേക്ക് ഓടിക്കയറിയത്.
ബാറിലെ സിസിടിവി ദൃശ്യങ്ങളില് പതിഞ്ഞ വീഡിയോയില് പരിഭ്രാന്തരായി പുറത്തേക് ഓടിമാറുന്ന ആളുകളെയും കസേരകള് തെറിപ്പിച്ചുകൊണ്ട് ബാറിലേക്ക് ഇടിച്ചു കേറുന്ന കുതിരയെയും കാണാം.
റേസിനുള്ള കുതിരകള്ക്കുള്ള കുതിരലായത്തില് നിന്ന് ഓടിയ കുതിര തിരക്കേറിയ റോഡും ഒരു ട്രാഫിക് സിഗ്നലും മറികടന്നാണ് ബാറില് എത്തിയത്. സംഭവത്തില് ആളപായമില്ലെന്ന് റിപ്പോര്ട്ട്. ബാറില് വിശ്രമിക്കാന് കയറിയ കുതിരയുടെ വീഡിയോ ബാറുടമയായ സ്റ്റെഫനിയാണ് സാമൂഹികമാധ്യമങ്ങളില് പങ്കുവച്ചത്.
https://www.facebook.com/Malayalivartha
