കാണാതായ വളര്‍ത്തു പൂച്ചയ്ക്കു വേണ്ടി തെരഞ്ഞപ്പോള്‍ കണ്ടത് ഭീമന്‍ മുതലയെ
കാണാതായ വളര്‍ത്തു പൂച്ചയ്ക്കു വേണ്ടിയുള്ള തെരച്ചിലിനിടെ കണ്ടെത്തിയത് ഭീമന്‍ മുതലയെയാണ്.
മിസിസിപ്പിയിലാണ് ഏറെ അമ്പരപ്പുണ്ടാക്കിയ സംഭവം അരങ്ങേറിയത്. ബ്രൂക്ക് സ്‌നോ എന്നയാളും വളര്‍ത്തുമകളുമാണ് കാണാതായ പൂച്ചയ്ക്കു വേണ്ടി തെരഞ്ഞത്.
തെരച്ചിലിനൊടുവില്‍ ഇവര്‍ വീടിനു മുന്‍പിലുള്ള റോഡിലുള്ള അഴുക്കുചാലില്‍ നിന്നും ഒരു മുതലയെ കണ്ടെത്തുകയായിരുന്നു.
ആദ്യം കണ്ടപ്പോള്‍ എനിക്ക് കണ്ണുകളെ വിശ്വസിക്കാനായില്ലെന്നും അല്‍പ്പ സമയമെടുത്താണ് അത് ഒരു മുതലയാണെന്ന് മനസിലാക്കിയതെന്നും ബ്രൂക്ക് സ്‌നോ പറഞ്ഞു.
പിന്നീട് മുതലയുടെ ചിത്രം പകര്‍ത്തിയ ബ്രൂക്ക് സമീപവാസികളോട് സംഭവത്തെക്കുറിച്ച് അറിയിക്കുകയായിരുന്നു. മാത്രമല്ല ആനിമല്‍ കണ്‍ട്രോള്‍ അധികൃതരെയും വിവരം ധരിപ്പിച്ചു.
ഏകദേശം നാല് മീറ്ററിലേറെ നീളമുള്ള മുതലയായിരുന്നു അത്. അഴുക്കു ചാലില്‍ നിന്നും മുതലയെ പിടികൂടുന്നതിന്റെ വീഡിയോ ദൃശ്യങ്ങള്‍ ഇതിനോടകം തന്നെ വൈറലായി മാറിയിരിക്കുകയാണ്.
https://www.facebook.com/Malayalivartha
