ലോക്ഡൗണ് കാലത്ത് ബാര്ബര് ഷോപ്പുകള് അടച്ചതോടെ മൊട്ടയടി മേളം!
ലോക്ഡൗണ് കാലത്ത് ബാര്ബര് ഷോപ്പുകള് അടച്ചതോടെ മുടിയും താടിയും വെട്ടി മിനുക്കാന് കഴിയാതായതോടെ മിക്കവരും തല മൊട്ടയടിക്കുകയാണ്.
ചെറുപ്പക്കാരും മുതിര്ന്നവരും അവസരം മുതലാക്കി മുടിയിലും താടിയിലും വിവിധ പരീക്ഷണങ്ങള് നടത്തുന്നുമുണ്ട്. തല മൊട്ടയടിക്കാന് സമ്മതിക്കാത്ത മക്കളുടെ തലമുടി മാതാപിതാക്കള് അവര്ക്ക് അറിയാവുന്ന രീതിയില് വെട്ടി നല്കുന്നുണ്ട്.
ഇതിന്റെയൊക്കെ ചിത്രങ്ങള് സമൂഹമാധ്യമങ്ങളില് പങ്കു വയ്ക്കുന്നുണ്ട്. ക്ലീന് ഷേവ് ചെയ്ത് ഓഫിസുകളില് പോയിരുന്നവര് പലരും ഇപ്പോള് താടി പരീക്ഷിക്കുകയാണ്. വൈദികരും തല മൊട്ടയടിച്ചും ക്ലീന് ഷേവ് ചെയ്തും മുടി പറ്റെ വെട്ടിയും പരീക്ഷണം നടത്തി.കടുത്തുരുത്തിയില് ചെറുപ്പക്കാരും കുട്ടികളും കഴിഞ്ഞ ദിവസം കൂട്ടത്തോടെ തല മൊട്ടയടിച്ചു.
കടുത്തുരിത്തിയില് സുഹൃത്തുക്കളാണ് പരസ്പരം തല മൊട്ടയടിച്ചത്. സജി കാര്ത്തിക, ഫിജിന് ഫിലിപ്പ്, ജോഷി ചാക്കോ, വി ആര്. അഭിലാഷ്, ആദിനാഥന്, മാത്യു ഫിലിപ്പ്, രാഹുല് എം ജേക്കബ്, ലിയോണ് , ലിബിന്, സേറ എന്നിവരാണ് കൂട്ടത്തോടെ 'മൊട്ടയായവര്'. ഫിജിന് ഫിലിപ്പ് പത്താം ക്ലാസുകാരനായ മകന് എമിലിന്റെ മുടി മൊട്ടയടിക്കാന് ശ്രമം നടത്തിയെങ്കിലും തന്റെ മനോഹരമായ മുടി വെട്ടാന് സമ്മതിക്കാതെ, 14-ന് ലോക്ഡൗണ് അവസാനിച്ച ശേഷം ബാര്ബര് ഷോപ്പില് പോയി മുടി വെട്ടിക്കൊള്ളാം എന്നു പറഞ്ഞ് എമില് രക്ഷപ്പെട്ടു!
https://www.facebook.com/Malayalivartha