വെള്ളപ്പൊക്കത്തില്പ്പെട്ട സ്വന്തം കുഞ്ഞിനെ രക്ഷിക്കുന്ന നായുടെ ഹൃദയസ്പര്ശിയായ ദൃശ്യങ്ങള്
കനത്ത മഴയും തുടര്ന്നുണ്ടായ പ്രളയവും കെടുതി വിതച്ച കേരളത്തില് വിവിധയിടങ്ങളില് അനേകായിരം ജനങ്ങളാണ് കുടുങ്ങിക്കിടക്കുന്നത്. ഒരു കുടുംബത്തിലെ അംഗങ്ങള് പലയിടങ്ങളിലായി ചിതറിപ്പോയ അവസ്ഥയാണ് സംജാതമായിരിക്കുന്നത്.
കുട്ടികളും ഗര്ഭിണികളും വയോധികരുമൊക്കെ ആരെങ്കിലും തങ്ങളെ കൈപിടിച്ചുയര്ത്തും എന്ന പ്രതീക്ഷയിലാണ് തുരുത്തുപോലെ ഒറ്റപ്പെട്ട വീടുകളില് കഴിയുന്നത്. എന്നാല് ഈ പ്രളയം ബാധിച്ചിരിക്കുന്നത് മനുഷ്യനെ മാത്രമല്ലെന്നും മനുഷ്യന്റെ എല്ലാ സഹജീവികളെയും കൂടിയാണെന്നും നാം ഓര്ക്കുന്നത് ചില രംഗങ്ങള് കണ്ണില്പെടുമ്പോഴാണ്.
നമുക്കു മാത്രമല്ല കുടുംബമെന്നും നമ്മുടെ മാത്രം മനസില് തോന്നുന്ന വികാരമല്ല സ്നേഹമെന്നും നാം അപ്പോള് തിരിച്ചറിയും.
വെള്ളത്തിന്റെ ഒഴുക്കില്പെട്ട് കൈവിട്ടുപോയ തന്റെ കുട്ടിയെ തേടിയെത്തുന്ന നായ ഒടുവില് തന്റെ കുട്ടിയെ കണ്ടെത്തുന്നതും രക്ഷപ്പെടുത്തുന്നതിന്റെയും ഹൃദയസ്പര്ശിയായ വീഡിയോയാണ് ഇപ്പോള് വൈറലാവുന്നത്.
പ്രളയക്കെടുതിക്കിടയില് നിരാശയുടെ ഇരുട്ടു പരന്നിരിക്കുന്ന മനസില് സ്നേഹത്തിന്റെയും ബന്ധത്തിന്റെയും ഊഷ്മളത പ്രകാശിപ്പിക്കുന്ന വീഡിയോ സോഷ്യല് മീഡിയയില് ഇപ്പോള് വ്യാപകമായി പ്രചരിക്കുകയാണ്.
https://www.facebook.com/Malayalivartha