ദുബായ് പൊലീസിനെ കുറിച്ച് ഓര്ക്കുമ്പോള് നന്ദിയുടേയും കടപ്പാടിന്റേയും ഒരു ചിരിവിരിയും ഇനി ഈ ഏഷ്യന് കുടുംബത്തില്...ദുബായില് വച്ച് നഷ്ടപ്പെട്ട വസ്തു, വിമാനം പറക്കും മുന്പ് കണ്ടുപിടിച്ച് എത്തിച്ചു!
ആതിഥ്യമര്യാദ, ജനങ്ങളോടുള്ള പെരുമാറ്റം എന്നിവ കൊണ്ടും കേസുകളിലെ നിര്ണായകമായ ഇടപെടല് കൊണ്ടും എല്ലാവരുടെയും ശ്രദ്ധയും സ്നേഹവും നേടിയെടുത്തവരാണ് ദുബായ് പൊലീസ്. ദുബായിലെ യാത്രയ്ക്കിടയില് ഏഷ്യന് സഞ്ചാരികളുടെ കുടുംബത്തിലെ ഒരാളുടെ സ്വര്ണ ബ്രേസ്ലെറ്റ് എവിടെയോ നഷ്ടപ്പെട്ടു എന്ന വിവരം പൊലീസില് അറിയിച്ചു.
ഉടന് തന്നെ അതേ കുറിച്ച് അന്വേഷണം നടത്താന് ഒരു സംഘത്തെ നിയോഗിക്കുകയും അന്വേഷണം ആരംഭിക്കുകയും ചെയ്തു. ബ്രേസ്ലെറ്റുമായി ബന്ധപ്പെട്ട വിവരങ്ങള് പൊലീസ്, ദുബായിയില് വിരുന്നുകാരായ ഏഷ്യന് കുടുംബത്തില് നിന്നും ചോദിച്ചു മനസിലാക്കി.
തുടര്ന്ന്, ദുബായിലെ അവരുടെ യാത്രയെപറ്റിയും പോയ സ്ഥലങ്ങളെക്കുറിച്ചുമെല്ലാം കുടുംബം വ്യക്തമാക്കി. ഒരു ദിവസം മരുഭൂമി സഫാരിക്കായി എസ്യുവി വാഹനത്തില് യാത്ര ചെയ്തിരുന്ന കാര്യവും സംഘം പറഞ്ഞു. ഒരു പക്ഷേ, ഇവിടെ ബ്രേസ്ലെറ്റ് നഷ്ടപ്പെടാന് സാധ്യതയുണ്ടെന്നു മനസിലാക്കിയ പൊലീസ് ഇക്കാര്യം അന്വേഷിക്കുകയായിരുന്നു. പൊലീസിന്റെ ഊഹം തെറ്റിയിരുന്നില്ല. നഷ്ടപ്പെട്ട സ്വര്ണ ബ്രേസ്ലെറ്റ് കണ്ടെത്തി.
വിമാനത്തില് തിരികെയുള്ള യാത്ര ആരംഭിക്കുന്നതിനു മുന്പ് ദുബായിലെ ഒരു റസ്റ്ററന്റില് ഭക്ഷണം കഴിക്കുകയായിരുന്ന കുടുംബത്തെ പൊലീസ് കണ്ടെത്തുകയും നഷ്ടപ്പെട്ടുവെന്ന് അവര് കരുതിയ സ്വര്ണ ബ്രേസ്ലെറ്റ് തിരികെ ഏല്പ്പിക്കുകയും ചെയ്തു.
ദുബായ് വിട്ടു പോകുന്നതിന് മുന്പു തങ്ങളുടെ നഷ്ടപ്പെട്ട സാധനം തിരികെ ലഭിച്ചത് വിശ്വസിക്കാന് സാധിച്ചില്ലെന്നും അതിയായ സന്തോഷമുണ്ടെന്നും കുടുംബാഗംങ്ങള് പറഞ്ഞതായി ടൂറിസ്റ്റ് പൊലീസ് ഡിപാര്ട്ട്മെന്റ് ഡയറക്ടര് ലഫ്. കേണല്. ഡോ. മുബാറക് ബെന്വാസ് അറിയിച്ചു. ദുബായ് പൊലീസിന്റെ വേഗത്തിലുള്ള നടപടിക്ക് സംഘം നന്ദി പറഞ്ഞു. ആതിഥ്യമര്യാദ ഓര്മിക്കുവാന് ദുബായ് പൊലീസ് ഉദ്യോഗസ്ഥന് ഏഷ്യന് സംഘത്തിന് സുവനീറുകള് നല്കി.
https://www.facebook.com/Malayalivartha