ഒരുകാലത്ത് യുവാക്കളെ ഇളക്കി മറിച്ച ഷക്കീല രാഷ്ട്രീയത്തിലേക്ക്. സിനിമാ-രാഷ്ട്രീയക്കാരുടെ തട്ടകമായ തമിഴ്‌നാട്ടിലെ രാഷ്ട്രീയത്തിലാണ് ഷക്കീലയിറങ്ങുന്നത്.

തമിഴ്‌നാട് മുന്‍ മുഖ്യമന്ത്രി ജയലളിതയുടെ നേതൃത്വത്തിലുള്ള എ.ഐ.എ.ഡി.എം.കെയിലൂടെയാണ് ഷക്കീലയുടെ രാഷ്ട്രീയ പ്രവേശം. ഒരു തമിഴ് മാസികയ്ക്ക് നല്‍കിയ അഭിമുഖത്തിലാണ് ഷക്കീല തന്റെ രാഷ്ട്രീയ മോഹം തുറന്ന് പറഞ്ഞത്.
തമിഴ് ജനതയുടെ അമ്മയായ ജയലളിതയെ പിന്തുണയ്ക്കുന്നുവെന്നും പാര്‍ട്ടിയില്‍ ചേരാന്‍ ആഗ്രഹമുണ്ടെന്നും ഷക്കീല പറഞ്ഞു. തനിക്ക് ചെറുപ്പം മുതല്‍ ജയലളിതയെ ഇഷ്ടമാണ്. അതുകൊണ്ടു തന്നെ ജയയുടെ പാര്‍ട്ടിയില്‍ ചേരാന്‍ ആഗ്രഹിക്കുന്നു. തന്നോടൊപ്പം മറ്റ് 15 നടിമാര്‍ കൂടി പാര്‍ട്ടിയില്‍ ചേരും. ഇതിനായി പാര്‍ട്ടിയുടെ ക്ഷണം കാത്തിരിക്കുകയാണെന്നും ഷക്കീല പറഞ്ഞു. അനധികൃത സ്വത്ത് സമ്പാദന കേസില്‍ ശിക്ഷിക്കപ്പെട്ട് ജയലളിത ജയിലിലായപ്പോള്‍ തനിക്ക് വളരെയധികം ദുഖഃമുണ്ടായി. ജനങ്ങള്‍ക്ക് വേണ്ടി ഗുണകരമായ ഭരണം കാഴ്ചവച്ച ജയലളിതയുടെ നേതൃത്വത്തില്‍ പ്രവര്‍ത്തിക്കണമെന്നത് തന്റെ ആഗ്രഹമാണെന്നും ഷക്കീല പറഞ്ഞു.
90കളുടെ അവസാനം മലയാളത്തിലുണ്ടായ ബി ഗ്രേഡ് സിനിമകളുടെ തരംഗത്തില്‍ താരമായ ഷക്കീല ഇപ്പോള്‍ ഏറെ വര്‍ഷങ്ങളായി സിനിമയില്‍ സജീവമല്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha