111 കുടുംബങ്ങളുടെ കണ്ണീരൊപ്പാന് ആ വ്യവസായി.... പിതാവ് മരണപ്പെട്ട 111 പെണ്കുട്ടികള്ക്ക് വിവാഹം നടത്തിക്കൊടുക്കുന്നു
കോടിക്കണക്കിന് രൂപ ഒരൊറ്റ കല്യാണത്തിന് ചെലവഴിക്കുന്ന വാര്ത്തകള് കേള്ക്കുന്ന ഇക്കാലത്ത് വ്യത്യസ്ഥനായി ഒരു വ്യവസായി. 111 പെണ്കുട്ടികള്ക്ക് മംഗല്യഭാഗ്യം ഒരുക്കുകയാണ് സൂററ്റ് വ്യവസായി മഹേഷ് സവാനി. പിതാവ് മരണപ്പെട്ട 111 പെണ്കുട്ടികള്ക്കാണ് വിവാഹം നടത്തിക്കൊടുക്കുന്നത്.
ജാതിമത പരിഗണനകള് കൂടാതെയാണ് ഇദ്ദേഹം വിവാഹത്തിന് അര്ഹരായ പെണ്കുട്ടികളെ തെരഞ്ഞെടുത്തത്. വിവാഹിതരാകുന്ന ഓരോ പെണ്കുട്ടികള്ക്കും 4.5 ലക്ഷം രൂപയുടെ ആഭരണങ്ങളും വീട്ടുപകരണങ്ങളും മഹേഷ് സമ്മാനിക്കും.
ഡയമണ്ട്, റിയല് എസ്റ്റേറ്റ് മേഖലയില് പ്രവര്ത്തിക്കുന്ന വ്യവസായിയാണ് മഹേഷ്. വര്ഷങ്ങള്ക്ക് മുമ്പ് തന്റെ മുത്തശ്ശന് വെറും 70 രൂപയും കൊണ്ടാണ് സൂററ്റില് വന്നിറങ്ങിയത്. അവിടെ നിന്നാണ് ഇന്നത്തെ വ്യവസായ സാമ്രാജ്യം കെട്ടിപ്പെടുത്തത്. അതുകൊണ്ടുതന്നെ സമൂഹത്തിന്എന്തെങ്കിലും മടക്കി നല്കണമെന്ന ആഗ്രമാണ് പിതാവില്ലാത്ത പെണ്കുട്ടികളുടെ വിവാഹം നടത്താന് കാരണമെന്ന് മഹേഷ് പറഞ്ഞു.
ഇതിനായി താന് ആരുടെയും സംഭാവന സ്വീകരിക്കില്ലെന്നും മഹേഷ് പറഞ്ഞു. വിവാഹത്തിന്റെ മുഴുവന് ചെലവും താന് സ്വയം വഹിക്കുമെന്ന് അദ്ദേഹം അറിയിച്ചു.
സൂററ്റിലെ അഭ്രാമ മേഖലയിലെ ഒരു സ്കൂള് മൈതാനത്താണ് വിവാഹം നടക്കുക. ഇവിടെ ഒരുക്കങ്ങള് പൂര്ത്തിയായി വരുന്നു. പരസ്പരം മാല അണിഞ്ഞുകൊണ്ടാകും വിവാഹം. ഇതിലൂടെ വിവാഹത്തിന് ആഡംബരം ഒഴിവാക്കുകയെന്ന സന്ദേശമാണ് നല്കാന് ആഗ്രഹിക്കുന്നതെന്ന് അദ്ദേഹം വ്യക്തമാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha