ഐന്സ്റ്റീനേക്കാള് ബുദ്ധിയുള്ള ബാലന്
ബുദ്ധിയുടെ നിലവാരം പരിശോധിക്കുന്നതിനുള്ള ഐ. ക്യു. ടെസ്റ്റില് ബ്രിട്ടണിലെ 11 വയസ്സുകാരന് വിജയം. അന്തര്ദ്ദേശീയ സ്ഥാപനമായ മെന്സ നടത്തിയ ഐ.ക്യു. ടെസ്റ്റില് 162 പോയിന്റു നേടിയ റാമര്നി വില്ഫ്രഡ് ആണ് ഇപ്പോള് ബ്രിട്ടനിലെ ശ്രദ്ധാകേന്ദ്രം. ഇതിനു മുന്പ് മെന്സ-യുടെ ഐ.ക്യു ടെസ്റ്റില് പങ്കെടുത്തിട്ടുള്ള അതിപ്രഗല്ഭരായ പലരും നേടിയ സ്കോറിനെ പിന്നിലാക്കിയതിനെ തുടര്ന്നാണ് 11-കാരനായ റാമര്നിയെ ബ്രിട്ടനിലെ ഏറ്റവും ബുദ്ധിയുള്ള കുട്ടിയായി മാധ്യമങ്ങള് എടുത്തുകാട്ടാന് തുടങ്ങിയത്.
ആല്ബര്ട്ട് ഐന്സ്റ്റീന്റെ പ്രൊഫ. സ്റ്റീഫന് ഹോക്കിംഗ്, ബില് ഗേറ്റ്സ്, എന്നിവരെല്ലാം ഈ ടെസ്റ്റില് നേടിയത് 160 പോയിന്റാണ്. അതുകൊണ്ടാണ് 162 പോയിന്റ് നേടിയ ഈ ബാലനെ യു.കെ. യിലെ ഏറ്റവും ഉയര്ന്ന ബൗദ്ധികനിലയുള്ള 1% പേരുടെ കൂട്ടത്തില് ഉള്പ്പെടുത്തിയിരിക്കുന്നത്. തീരെ കുഞ്ഞായിരുന്നപ്പോഴേ അവന്റെ ബുദ്ധികൂര്മ്മത വെളിപ്പെട്ടിരുന്നു. ചെറുപ്പത്തില് തന്നെ എഴുതാനും വായിക്കാനും പഠിച്ച അവന്റെ ഏറ്റവും പ്രിയപ്പെട്ട പുസ്തകം എന്സൈക്ലോപീഡിയയായിരുന്നു.
10-ാം വയസ്സില് പ്രൈമറി ക്ലാസ്സില് വച്ച് അവന് ഇരട്ടക്ലാസ് കയറ്റം നല്കി ഉയര്ന്ന ക്ലാസിലാക്കാമെന്ന് അധ്യാപകര് പറഞ്ഞെങ്കിലും അവന്റെ അമ്മ ആന്തിയ സമ്മതിച്ചില്ല. സമപ്രായക്കാരോടൊപ്പം അവന് കളിച്ചുവളരട്ടെ എന്നായിരുന്നു അവരുടെ കാഴ്ചപ്പാട്. മെന്സയുമായി ചേര്ന്നു പ്രവര്ത്തിക്കാന് ഇപ്പോള് അവന് അവസരം കിട്ടിയതിനാല് അവനെപ്പോലെ ചിന്തിക്കുന്നവരുമായി ഇടപെടാന് അവന് ഇടയാകുന്നതില് സന്തോഷമുണ്ടെന്ന് ആന്തിയ പറഞ്ഞു.
എങ്കിലും ഡിസ്നി ചാനല് കാണുകയും കോമിക് പുസ്തകങ്ങള് വായിക്കുകയും ചെയ്യുന്ന സാധാരണ കുട്ടിയായിത്തന്നെയാണ് അവന് വളരുന്നത് എന്ന് അവര് ഓര്മ്മിപ്പിച്ചു. ഉയര്ന്ന ഐ.ക്യു. ഉള്ളതുകൊണ്ടുമാത്രം ആരും പ്രഗല്ഭമതികളാവില്ലെന്നും, സ്വന്തം മേഖലയില് വന്നേട്ടങ്ങള് സ്വന്തമാക്കിയ പ്രശസ്തരോടൊപ്പം താരതമ്യം ചെയ്യപ്പെടാവുന്ന ഒന്നും ചെയ്തിട്ടില്ലെന്നുമാണ് റാമര്നിയുടെ വിനീതമായ നിലപാട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha