കാമുകി ഉപേക്ഷിച്ച കാമുകനൊപ്പം യാത്രചെയ്യാന് പതിനെട്ട് സുന്ദരികള്
നിങ്ങള് നിങ്ങളുടെ കാമുകിയുമായി ലോകം ചുറ്റിയടിക്കാന് തയ്യാറായിരിക്കുമ്പോഴാണ് അറിയുന്നത്
കാമുകിക്ക് നിങ്ങളോടൊപ്പം യാത്രചെയ്യാന് പറ്റില്ലെന്ന് ! അങ്ങനെ പറഞ്ഞാല് നിങ്ങള് എന്ത് ചെയ്യും? ഇതുപൊലൊരു അവസ്ഥയിലായിരുന്നു കുറച്ചുനാള് മുമ്പ് വരെ ജോര്ദാന് അക്സാനിയെന്ന ചെറുപ്പക്കാരനും.
ഒരുമിച്ചൊരു ലോകസഞ്ചാരത്തിന് ഒരുങ്ങുമ്പോഴാണ് ജോര്ദാന് അക്സാനിയെ പ്രതിശ്രുതവധു ഉപേക്ഷിച്ചുപോയത്. കാമുകിയോട് പലപ്രാവശ്യം കാര്യങ്ങള് പറഞ്ഞുമനസിലാക്കാന് ശ്രമിച്ചിട്ടും ഫലമൊന്നുമുണ്ടായില്ല. പോരാത്തതിനു ലോകയാത്ര മുടങ്ങുമെന്ന അവസ്ഥയുമായി.
യാത്ര ഉപേക്ഷിക്കാമെന്ന് വെച്ചാല് എല്ലാത്തിനും മുന്കൂറായി പണമടച്ചുപോയി. ഇനി അടച്ച പൈസ തിരിച്ച് കിട്ടുകയുമില്ല. എന്തായാലും യാത്രപോകാന് തന്നെ ജോര്ദാന് തീരുമാനിച്ചു. പക്ഷേ ഒരു പ്രശ്നം,
തന്റെയും കൂട്ടുകാരി എലിസബത്ത് ഗാലഘെറിന്റെയും പേരിലായിരുന്നു വിമാന ടിക്കറ്റുകള് വാങ്ങിയത്. കാമുകിയുടെ പേരില് വാങ്ങിയ ടിക്കറ്റ് മറ്റാരുടെയും പേരിലേക്ക് മാറ്റാനും പറ്റില്ല. ടിക്കറ്റ് വേണ്ടെന്നുവച്ചാല് പണം തിരിച്ചു കിട്ടുകയുമില്ല.
അവസാനം ജോര്ദാന് അക്സാനി വെബ്സൈറ്റില് ഒരു പരസ്യമിട്ടു. എലിസബത്ത് ഗാലഘെര് എന്നുപേരുള്ള പെണ്കുട്ടിയെ ലോകസഞ്ചാരത്തിനു ക്ഷണിച്ചുകൊണ്ടുള്ളതായിരുന്നു പരസ്യം.
ഒരാളെങ്കിലും വിളിച്ചാലായി എന്നായിരുന്നു അക്സാനിയുടെ പ്രതീക്ഷ. ആ പ്രതീക്ഷ തെറ്റിച്ചുകൊണ്ട് 18 പെണ്കുട്ടികളാണു പരസ്യത്തോടു പ്രതികരിച്ചത്. അവരില്നിന്ന് അക്സാനി തിരഞ്ഞെടുത്തതു നോവാ സ്കോഷിയയില്നിന്നുള്ള 23 വയസ്സുകാരി എലിസബത്തിനെ. ഇതുവരെ ഇരുവരും നേരില് കണ്ടിട്ടില്ല. ഒരുമാസം നീണ്ട യാത്രയില് മിലനിലും പ്രാഗിലും പാരിസിലും ബാങ്കോക്കിലും ഡല്ഹിയിലും സ്റ്റോപ്പുകള്. ജോര്ദാന് അക്സാനി പെണ്കുട്ടിയുമായി ഇന്റര്നെറ്റിലൂടെ മാത്രമേ സംസാരിച്ചിട്ടേയുള്ളൂ. യാത്രയ്ക്കിടെ പ്രതിശ്രുതവധു പോയ ദുഃഖത്തില് ഇരുവരും പ്രണയത്തിലാകുമോ?
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha