ആഘോഷിച്ചോളൂ പക്ഷേ... മാനഹാനി, പണം, തടി എന്നിവ രക്ഷിക്കാന് 10 കല്പനകളുമായി പോലീസ്
ആഘോഷങ്ങള്ക്ക് എല്ലാ ആശംസയും നല്കി പോലീസ്. പക്ഷെ ചില കാര്യങ്ങള് ശ്രദ്ധിക്കണമെന്നാണ് പോലീസിന്റെ നിലപാട്. പുതുവല്സരാഘോഷങ്ങളില് പങ്കെടുക്കുന്നവര്ക്കു മുന്നറിയിപ്പായി പൊലീസ് പത്തു കല്പനകള് പുറപ്പെടുവിച്ചു. ഇവയൊന്ന് ശ്രദ്ധിച്ചാല് മാനഹാനി, പണം, തടി എന്നിവ രക്ഷിക്കാം.
1. പുതുവല്സരാഘോഷത്തിന്റെ പേരില് മദ്യപിച്ച ശേഷം അര്ധരാത്രി കഴിഞ്ഞു റോഡിലിറങ്ങി ബഹളം വയ്ക്കരുത്.
2. ബൈക്കുകളിലും മറ്റു വാഹനങ്ങളിലുമുള്ള റേസിങ് പാടില്ല.
3. വിദേശികളോടും സ്ത്രീകളോടും മാന്യമായി പെരുമാറാന് ശ്രദ്ധിക്കുക.
4. രാത്രി പാര്ട്ടികളില് മയക്കുമരുന്ന് ഉപയോഗത്തിനു നിരോധനമുള്ളതിനാല് ഇവ ഉപയോഗിക്കുന്നതു ശിക്ഷാര്ഹം. പരിശോധനകളോടു സഹകരിക്കുക.
5. ബീച്ചുകളില് ആഘോഷത്തിനെത്തുന്നവര് 11 മണിക്കു ശേഷം കടലില് ഇറങ്ങരുത്.
6. കുടുംബത്തോടൊപ്പമെത്തുന്നവരെ ശല്യം ചെയ്യരുത്.
7. അസ്വാഭാവിക സാഹചര്യങ്ങളില് ആരെയെങ്കിലുമോ ഏതെങ്കിലും വസ്തുക്കളെയോ കണ്ടാല് ചിത്രം പകര്ത്തി
Cbrcelltvm.pol@kerala.gov.in
cptvm.pol@ kerala.gov.in
acpsbtvm.pol.kerala.gov.in
എന്നീ ഇമെയില് വിലാസങ്ങളിലേക്കോ 9497996991, 9497996988, 9497996987, 9497990001 എന്നീ മൊബൈലുകളിലേക്കോ വാട്ട്സ് അപ് മെസേജ് വഴിയോ അയക്കുക.
8. പുതുവല്സരത്തിന്റെ പേരില് അശ്ലീല പ്രവൃത്തികള് അനുവദിക്കില്ല.
9. മറ്റുള്ളവരുടെ സ്വകാര്യതകള് മൊബൈല്
ഫോണിലോ മറ്റോ പകര്ത്താന് അനുവദിക്കില്ല.
10. ഹോട്ടലുകള്, ക്ലബ്ബുകള് എന്നിവിടങ്ങളില് നടത്തുന്ന ആഘോഷ പരിപാടിക്കിടെ ക്രമസമാധാന പ്രശ്നങ്ങള് ഉണ്ടാകാതിരിക്കാനും പുറത്തു നിന്നുള്ളവര് ഇവിടേക്കു കടക്കാതിരിക്കാനും സംഘാടകര് ശ്രദ്ധിക്കണം.
ആര്ക്കെങ്കിലും ശല്യമുണ്ടാക്കുകയോ ഓവറായി അഭ്യാസം നടത്തുകയോ ചെയ്താല് കര്ശനമായി നേരിടാനാണ് പോലീസിന്റെ തീരുമാനം. അല്പമൊന്ന് ശ്രദ്ധിച്ചില്ലെങ്കില് പുതുവര്ഷം സ്റ്റേഷനിലാകും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha