യുവത്വത്തിന്റെ രഹസ്യം കണ്ടെത്തുന്നയാള്ക്ക് 6.3 കോടി രൂപ ഇനാം!
യൗവനത്തിന്റെ രഹസ്യം കണ്ടുപിടിക്കാമോ, എങ്കില് ഒരു മില്യണ് ഡോളര് തരാം എന്നാണ് പാലോ ആള്ട്ടോ ഇന്വെസ്റ്റേഴ്സ് എന്ന സംഘടന പറയുന്നത്.
പ്രമുഖ വ്യവസായി ജൂണ് യുനാണ് സംഘടനയുടെ പ്രസിഡന്റ്. \'പാലോ ആള്ട്ടോ ലോഞ്ചിവിറ്റി പ്രസ്\' എന്നാണു സമ്മാനത്തിന്റെ പേര്. ആയുസ് വര്ദ്ധിപ്പിക്കാനുള്ള ഗവേഷണങ്ങള്ക്ക് പ്രചോദനമാകുവാന് വേണ്ടിയാണ് ഇത്രയും വലിയ തുക സമ്മാനമായി പ്രഖ്യാപിക്കുന്നത് എന്ന് ജൂണ് അറിയിച്ചു. മനുഷ്യായുസ് 120 വര്ഷം വരെ എങ്ങനെ ദീര്ഘിപ്പിക്കാം എന്നതാണ് മുഖ്യമായും കണ്ടെത്തേണ്ടത്.
ശാസ്ത്രജ്ഞരുടെ 15 ടീമുകളെ ഇതുവരെ പുരസ്കാര പട്ടികയിലുള്പ്പെടുത്തിയിട്ടുണ്ട്. വാര്ധക്യത്തിനു തടയിടാനാകുമെന്നും മനുഷ്യന് അനന്തകാലം ജീവിക്കാന് കഴിയുമെന്നുമാണ് ജൂണ് വിശ്വസിക്കുന്നത്. മനുഷ്യായുസ് വര്ധിപ്പിക്കാന് എന്താണ് ചെയ്യേണ്ടതെന്നറിയാന് ശാസ്ത്രലോകം അനേകകാലങ്ങളായി ശ്രമങ്ങള് നടത്തിവരികയാണ്.
ഗൂഗിളിന്റെ നേതൃത്വത്തില് 2013ല് കാലിക്കോ എന്ന കമ്പനി രൂപവല്ക്കരിച്ച് ഗവേഷണങ്ങള് നടത്തിയിരുന്നു. അമേരിക്കയിലെ പ്രമുഖ ശാസ്ത്രജ്ഞനായ ക്രെയ്ഗ് വെന്ററും എക്സ് െരെപസ് ഫൗണ്ടേഷന് എന്ന പേരില് സമാനമായ പരീക്ഷണങ്ങള് ഈ മേഖലയില് നടത്തുകയുണ്ടായി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha