പഠനത്തിലും ഫുട്ബോളിലും മിടുക്കനായിരുന്നു, ഒടുവില് എത്തിയത് ഐസിസ് ഭീകരനെന്ന ലിസ്റ്റില്
സാധാരണ കുടുംബത്തില് നിന്നും ഐസിസ് ഭീകരനെന്ന ലിസ്റ്റില് പേരു പ്രത്യക്ഷപ്പെട്ട നിരവധി ചെറുപ്പക്കാരുണ്ട്. ഐസിസ് ഭീകരരുടെ ലിസ്റ്റില് വന്നവരില് പലരും ചെറുപ്രായത്തിലെ പഠിക്കാന് മിടുക്കന്മാരും വിനയമുള്ളവരുമാണ്. സാധാരണക്കാരായ ചെറുപ്പക്കാര് ഐസിസ് ഭീകരരുടെ ലിസ്റ്റില് എത്തിച്ചേരാനുണ്ടായ സാഹച്ചര്യമെന്താണ്? ഐസിസ് ഭീകരരുടെ ലിസ്റ്റില് ചേരാന് കാരണമാകുന്ന പ്രധാന ഘടകങ്ങള് എന്തൊക്കെയാണ്? കറുത്ത മുഖംമൂടി ധരിച്ച കൊലയാളിയായി ഐസിസ് ഭീകരരുടെ വീഡിയോകളില് പ്രത്യക്ഷപ്പെട്ട ഒരു സാധാരണ ചെറുപ്പക്കാരനുണ്ട്. ചെറുപ്പത്തിലെ പഠിക്കാന് മിടുക്കനും കായിക കാര്യങ്ങളില് ഒന്നാം സ്ഥാനത്തെത്തുന്ന ചുണക്കുട്ടിയുമായിരുന്നു ജിഹാദി ജോണ് എന്ന മുഹമ്മദ് എംവസി. ഈ ഇരുപത്തിയാറുകാരന് ലണ്ടനിലെ ക്യൂന്സ് പാര്ക്ക് സ്വദേശിയാണെന്ന് അന്വേഷണ ഏജന്സികള് ഒടുവില് കണ്ടെത്തി.
ആറാം വയസ്സിലാണ് ഈ മിടുക്കന് ബ്രിട്ടനിലെത്തിയത്. കുവൈത്തില് ജനിച്ച എംവസിയ്ക്ക് ഫുട്ബോളിനോട് വലിയ പ്രണയമായിരുന്നു. ബ്രിട്ടീഷ് ജീവിതരീതികളുമായി വളരെ പെട്ടെന്നാണ് എംവസി ഇണങ്ങിയത്. മാഞ്ചസ്റ്റര് യുണൈറ്റഡിന്റെ കടുത്ത ആരാധകനായിരുന്നു ഈ ചെറുപ്പക്കാരന്. ചര്ച്ച് ഓഫ് ഇംഗ്ലണ്ട് സ്കൂളിലെ ഒരേയൊരു മുസ്ലീം വിദ്യാര്ത്ഥിയായിരുന്നു എംവസി. പഠിക്കാന് മിടുക്കനും വിനയാന്വിതനുമായ ആളായിരുന്നു ഈ ചെറുപ്പക്കാരനെനെന്നാണ് സുഹൃത്തുക്കള് പറയുന്നത്. ഒരു ഡെലിവറി വാന് ഡ്രൈവറുടെ മകനായ എംവസിയുടെത് ഇടത്തര കുടുംബമായിരുന്നു. ഫുട്ബോളിന് വേണ്ടി മാറ്റിവച്ച ജീവിതമായിരുന്നു എംവസി എന്ന ചെറുപ്പക്കാരന്റെത്. ആയോധന കലകള് അഭ്യസിക്കാനും എംവസിയ്ക്ക് ഇഷ്ടമായിരുന്നു.
എംവസിയുടെ കുടുംബത്തിന്റെയും മറ്റ് വിവരങ്ങളും അധികൃതര് പുറത്ത് വിടാന് തയ്യാറായില്ല.
എംവസി പഠിക്കാന് കഠിനാധ്വാനിയായിരുന്നുവെന്ന് അദ്ധ്യാപകര് പറയുന്നു. യൂണിവേഴ്സിറ്റി ഓഫ് വെസ്റ്റ്മിനിസ്റ്ററില് നിന്ന് കംപ്യൂട്ടര് പ്രോഗ്രാമ്മിംഗില് ബിരുദം നേടിയ എംവസി എങ്ങനെയാണ് ഭീകരവാദത്തിലേക്ക് ആകര്ഷിക്കപ്പെട്ടത്? എംവസിയുടെ വിവരങ്ങള് പുറത്തു വന്നതോടെ ബ്രിട്ടീഷ് സുരക്ഷാ സേനയ്ക്ക് കടുത്ത ചോദ്യങ്ങള് നേരിടേണ്ടി വന്നിരിക്കുകയാണ് ഇപ്പോള്. 2009 മുതല് ബ്രിട്ടീഷ് രഹസ്യാന്വേഷണ ഏജന്സികള്ക്ക് എംവസിയെ അറിയാമായിരുന്നുവെന്നാണ് സൂചനകള്. 2007 മുതല് എംവസി സൊമാലിയയിലെ അല്ശബാബ് തീവ്രവാദികളുമായി ബന്ധം കാത്ത് സൂക്ഷിച്ച് വരികയായിരുന്നുവെന്നാണ് അധികൃതര് പറയുന്നത്.
എം15ന്റെ പട്ടികയിലുള്ള ഭീകരര്ക്കിടയില് വളരെ സുപരിചിതനായിരുന്നു എംവസിയെന്നും സുരക്ഷാ സേനയില് നിന്നും അവര് അറിയാതെ സിറിയയിലേക്ക് രക്ഷപ്പെടുകയായിരുന്നുവെന്നുമാണ് ഇപ്പോള് പുറത്ത് വന്നിരിക്കുന്ന വിവരം. ഭീകര സംഘടനകളുമായി അടുത്ത ബന്ധമുള്ള എംവസിയെ അവരുടെ നീക്കങ്ങളെ കുറിച്ച് വിവരം നല്കുന്ന ഒരു ഇന്ഫോമര് ആക്കി റിക്രൂട്ട് ചെയ്യാനും എം15 ശ്രമം നടത്തിയിരുന്നതായും റിപ്പോര്ട്ടുണ്ട്. എല്ലാം അറിയാമായിരുന്നിട്ടും ഭീകരപ്രവര്ത്തനവുമായി മുന്നോട്ടു പോകാന് എം15 എംവസിയെ അനുവദിക്കുകയായിരുന്നെന്നാണ് ഇപ്പോള് അറിയുന്ന വിവരം.
ആറു മാസം മുമ്പ് തന്നെ ജിഹാദി ജോണെന്ന എംവസിയെ സുരക്ഷാ സേന തിരിച്ചറിഞ്ഞിരുന്നുവെന്നാണ് റിപ്പോര്ട്ടുകള് സൂചിപ്പിക്കുന്നത്. സിറിയയിലെത്തി ഇസ്ലാമിക് സ്റ്റേറ്റില് ചേര്ന്ന എംവസി പിന്നീട് ബ്രിട്ടനില് നിന്നെത്തി ഐസിസില് ചേര്ന്ന ഭീകരരുടെ നേതാവായി മാറുകയായിരുന്നുവെന്നാണ് അധികൃതര് വ്യക്തമാക്കുന്നത്. ബ്രിട്ടീഷ് സര്ക്കാരും സുരക്ഷാ ഏജന്സികളും ഈ സംഭവത്തിന് ഇപ്പോഴും മൗനം മാത്രമാണ് നല്കുന്ന പ്രതികരണം. പാശ്ചാത്യരെ കൊലപ്പെടുത്തുന്ന വീഡിയോകളില്ലെലാം കൊലയാളിയായി എത്തുന്നതും ഇംഗ്ലീഷ് നന്നായി സംസാരിക്കുന്നതും ജിഹാദി ജോണ് എന്ന മുഹമ്മദ് എംവസിയാണ്. കറുത്ത മുഖമൂടി ധരിച്ച് പാശ്ചാത്യരെ കൊലപ്പെടുത്തുമ്പോള് എംവസി തന്റെ കഴിഞ്ഞ കാലത്തെ കുറിച്ചോ കുടുംബ ബന്ധങ്ങളെ കുറിച്ചോ ഓര്ക്കാന് തയ്യാറാകുന്നില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha