ചാലിയ കടല്തീരത്തു നിന്ന് ഇടതുകൈയുടെ ഭാഗം ആദ്യം കിട്ടിയതോടെ അന്വേഷണം വ്യാപിപ്പിച്ചു; മൂന്നു ദിവസത്തിനുശേഷം ഇതേ സ്ഥലത്തുനിന്ന് വലതുകൈയും ലഭിച്ചു... അന്വേഷണം നടക്കുന്നതിനിടെ കൈകളും കാലും തലയും വെട്ടിമാറ്റിയ നിലയില് ഉടല് മാത്രം ചാക്കിനുള്ളില് കണ്ടെത്തിയതോടെ കേസിൽ വഴിത്തിരിവുണ്ടായി... രണ്ടരവര്ഷത്തെ അന്വേഷണത്തിനൊടുവിൽ നിര്ണായക കണ്ടെത്തലുമായി ക്രെെംബ്രാഞ്ച്... കൊല്ലപ്പെട്ടത് ഒരു സ്ത്രീയും പുരുഷനും; ഒരാൾ പിടിയിലായതോടെ നാടിനെ നടുക്കിയ ആ അരുംകൊലയുടെ ചുരുളഴിയുന്നു...
വർഷങ്ങൾക്ക് മുൻപ് നാടിനെ നടുക്കിയ ആ അരുംകൊലയുടെ ചുരുളഴിയുന്നു. ചാലിയ, മുക്കം എന്നിവിടങ്ങളില് നിന്നായി മനുഷ്യശരീരഭാഗങ്ങള് കണ്ടെത്തിയ കേസില് പ്രതി പിടിയിലായതോടെ മാഞ്ഞുപോകാൻ സാധ്യതയുണ്ടായിരുന്ന കേസിനാണ് ഇപ്പോൾ വഴിത്തിരിവുണ്ടാകുന്നത്. കൊല്ലപ്പെട്ടത് ഒരു സ്ത്രീയും പുരുഷനുമാണെന്നാണ് വിവരം. കൊലപ്പെടുത്തിയതിനു ശേഷം തെളിവുനശിപ്പിക്കാനായി ശരീരഭാഗങ്ങള് പല സ്ഥലത്തായി ഉപേക്ഷിക്കുകയായിരുന്നെന്ന് ക്രൈംബ്രാഞ്ച് കണ്ടെത്തി. 2017 ജൂണ് 28നാണ് ആദ്യ ശരീരഭാഗം ചാലിയം കടപ്പുറത്തുനിന്ന് ലഭിച്ചത്.
രണ്ടരവര്ഷത്തെ അന്വേഷണത്തിനൊടുവിലാണ് കൊല്ലപ്പെട്ടവരെയും കൊലപ്പെടുത്തിയവരെക്കുറിച്ചും വ്യക്തമായ വിവരം ലഭിച്ചത്. ചാലിയ കടല്തീരത്തു നിന്ന് ഇടതുകൈയുടെ ഭാഗമാണ് ആദ്യം കിട്ടിയത്. മൂന്നു ദിവസത്തിനുശേഷം ഇതേ സ്ഥലത്തുനിന്ന് വലതുകൈയും ലഭിച്ചു. അന്വേഷണം നടക്കുന്നതിനിടെ മലയോര മേഖലയായ മുക്കം എസ്റ്റേറ്റ് റോഡരികില്നിന്ന് കൈകളും കാലും തലയും വെട്ടിമാറ്റിയ നിലയില് ഉടല് മാത്രം ചാക്കിനുള്ളില് കണ്ടെത്തി. ഒരാഴ്ച കഴിഞ്ഞ് കൈകള് ലഭിച്ച ചാലിയം തീരത്തുനിന്ന് തലയോട്ടിയും ലഭിച്ചു. വിദഗ്ധ പരിശോധനയില് എല്ലാ ശരീര ഭാഗങ്ങളും ഒരാളുടേതാണെന്ന് കണ്ടെത്തി. മുക്കം പൊലീസാണ് കേസ് അന്വേഷിച്ചിരുന്നത്. എന്നാല്, ലോക്കല് പൊലീസിന്റെ അന്വേഷണത്തില് നിര്ണായക പുരോഗതി ഉണ്ടാകാതിരുന്നതോടെ, അന്വേഷണം ക്രൈംബ്രാഞ്ച് ഏറ്റെടുക്കുകയായിരുന്നു. ഒരു തുമ്ബും ലഭിക്കാതെ വന്നതോടെ കൊല്ലപ്പെട്ട ആളോട് സാമ്യമുള്ള രേഖാചിത്രം കഴിഞ്ഞ നവംബറില് ക്രൈംബ്രാഞ്ച് തയ്യാറാക്കി. കേസുമായി ബന്ധപ്പെട്ട് മൂന്ന് വ്യത്യസ്ത രേഖാചിത്രം തയ്യാറാക്കിയിരുന്നു.
https://www.facebook.com/Malayalivartha