സിനിമാ സ്റ്റൈല് കാറോട്ടത്തിലൂടെ ആ യുവതി പോലീസിന് മുന്നില് കീഴടങ്ങി, കൊള്ളയടിച്ചതിന് ഇന്ത്യന് വംശജയ്ക്ക് അഞ്ചര വര്ഷം തടവ്
വ്യത്യസ്തമായ രീതിയില് എങ്ങനെയെല്ലാം കൊള്ളയടിക്കാമെന്നാണ് പല മോഷ്ടാക്കളും ചിന്തിച്ച് കൊണ്ടിരിക്കുന്നത്. എന്നാല്, സിനിമ സ്റ്റൈല് കാറോട്ടത്തിലൂടെ പോലീസിന് മുന്നില് കീഴടങ്ങിയ ഒരു സ്ത്രീ മോഷ്ടാവുണ്ട്. ആരാണ് ആ മഹതി എന്നല്ലേ?.പേര് സന്ദീപ് കൗര്. വയസ് ഇരുപത്തി നാല്. കലിഫോര്ണിയയിലെ യൂണിയന് സിറ്റിയില് താമസിച്ച് വരികയായിരുന്നു സന്ദീപ്. ജനുവരിയിലാണ് ഈ യുവതി പ്രതിയാണെന്ന് പോലീസ് കണ്ടെത്തിയത്.
നീണ്ട കാറോട്ടത്തിന് ശേഷമാണ് പോലീസ് ഈ യുവതിയെ പിടികൂടിയത്.വാല് ബാങ്ക് കവര്ച്ചക്കോസുകളില് പ്രതിയാണ് ഇവര്. അമേരിക്കയില് 66 മാസത്തെ തടവുശിക്ഷയാണ് കോടതി നടപ്പിലാക്കിയത്. ജൂലൈ 31ന് ഇവരെ പിടികൂടി. തുടര്ന്ന്, സന്ദീപ് കൗര് മറ്റു മൂന്നു ബാങ്ക് കവര്ച്ചക്കേസുകളിലും ഉള്പ്പെട്ടിട്ടുണ്ടെന്ന് ഫെഡറല് ബ്യൂറോ ഓഫ് ഇന്വെസ്റ്റിഗേഷന് ഉദ്യോഗസ്ഥര് കണ്ടെത്തുകയായിരുന്നു.
സാന് ഡിയഗോയിലെ കൊമേഴ്സ്യല് ബാങ്ക് കഴിഞ്ഞ ജൂലൈ 14നും അരിസോണയിലെ വെല്സ് ഫര്ഗോ ബാങ്ക് ജൂലൈ എട്ടിനും കലിഫോര്ണിയയിലെ ബാങ്ക് ഓഫ് ദ് വെസ്റ്റ് ജൂണ് ആറിനും അവര് കവര്ച്ച ചെയ്യുകയായിരുന്നു. സന്ദീപ് കൗറിന് 66 മാസത്തെ തടവുശിക്ഷ വിധിച്ച യൂട്ടാ ഡിസ്ട്രിക്ട് ജഡ്ജി ടെഡ് സ്റ്റുവര്ട്ട് അവരെ ജയില്ശിക്ഷയ്ക്കു ശേഷം മൂന്നു വര്ഷം നിരീക്ഷിക്കാനും ഉത്തരവിട്ടിട്ടുണ്ട്. സന്ദീപ് കൗറിന്റെ പ്രായം കണക്കിലെടുത്ത് 48 മാസത്തെ ജയില് ശിക്ഷ നല്കണമെന്ന് അവരുടെ അഭിഭാഷകന് വാദിച്ചെങ്കിലും കോടതി അംഗീകരിച്ചില്ല.
കുടുംബ പ്രശ്നങ്ങളാണ് ബാങ്ക് കവര്ച്ച നടത്താന് കാരണമായതെന്നും ഇവര് പറഞ്ഞു. നിശ്ചയിച്ച വിവാഹത്തില് നിന്ന് ഒഴിവാകാന് കാമുകനൊപ്പം സന്ദീപ് ഒളിച്ചോടിയിരുന്നു. പക്ഷേ ആ വിവാഹ ബന്ധവും ഏറെ നാള് നീണ്ടു നിന്നില്ല. ഓഹരി വിപണയില് നിക്ഷേപം നടത്തി കാശുണ്ടാക്കാനുള്ള ശ്രമവും പൊളിഞ്ഞു. ഇതോടെയാണ് ബാങ്ക് കവര്ച്ചയിലൂടെ സാമ്പത്തിക ഭദ്രതയിലേക്ക് ശ്രമം തുടങ്ങിയത്. മോഷ്ടിച്ച തുക ബാങ്കുകള്ക്ക് തിരിച്ച് നല്കുകയും ചെയ്തു. അക്രമത്തിലൂടെയല്ല തന്ത്രത്തിലൂടെയാണ് മോഷണങ്ങള് നടത്തിയത്. ആക്രമണ സ്വഭാവം പ്രകടിപ്പിക്കുന്ന സ്ത്രീയല്ല കൗറെന്നും കോടതിയില് വിശദീകരിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha