സ്ത്രീകള് ഇങ്ങനെയും സഹിക്കുമോ? ആദ്യം ബലാത്സംഗത്തിനിരയായി, അത് വ്യഭിചാരമാക്കി കോടതി ശിക്ഷിച്ചു, ഒടുവില് പീഡിപ്പിച്ച ആളെ തന്നെ ഭര്ത്താവായി സ്വീകരിക്കേണ്ടിവന്നു.
നല്ലൊരു വിവാഹം ചെയ്യുക എന്നത് ഏതൊരു പെണ്കുട്ടിയുടേയും അതിയായ ആഗ്രഹമാണ്. നല്ലൊരു കുടുംബജീവിതം കിട്ടുമ്പോഴേ ഏതൊരു പെണ്കുട്ടിയും പൂര്ണ സന്തോഷവതിയാവുകയുമുള്ളൂ. ബലാത്സംഗം ചെയ്ത വ്യക്തിയെ ഭര്ത്താവായി സ്വീകരിക്കേണ്ടി വരുന്ന അവസ്ഥ ഒരു സ്ത്രീയ്ക്കും സഹിക്കാന് പറ്റില്ല. എന്നാല്, അടുത്തിടെ അത്തരമൊരു ദയനീയ അവസ്ഥ അഫ്ഗാനിസ്ഥാന് തലസ്ഥാനമായ കാബൂളില് നടന്നു.
കാബൂള് സ്വദേശിയായ ഗുല്നാസ് എന്ന യുവതിക്കാണ് ബലാല്ത്സംഗം ചെയ്ത ആളെ ഭര്ത്താവായി സ്വീകരിക്കേണ്ടി വന്നത്. അപ്രതീക്ഷിതമായി നേരിടേണ്ടി വന്ന ഈ ദുരനുഭവം ഈ യുവതിയുടെ ജീവിതത്തെ മാറ്റിമറിച്ചു. പതിനാറാം വയസിലാണ് ഗുല്നാസിനെ കസിന്റെ ഭര്ത്താവ് ബലാത്സംഗം ചെയ്തത്. ഗുല്നാസ് പീഡനത്തിന് ഇരയായെന്നു മാത്രമല്ല, ബലപ്രയോഗത്തിലൂടെ വ്യഭിചാരം നടത്തിയെന്ന കുറ്റം ആരോപിച്ച് കോടതി രണ്ടു വര്ഷത്തെ തടവിനു ശിക്ഷിക്കുകയും ചെയ്തു.
പിന്നീട് അപ്പീല് കേട്ട കോടതി ശിക്ഷ 12 വര്ഷമാക്കി വര്ധിപ്പിക്കുകയും ചെയ്തു. വീട്ടുകാരും ബന്ധുക്കളും സുഹൃത്തുക്കളും ആരും ഈ യുവതിയെ തിരിഞ്ഞ് നോക്കിയില്ല. ജയിലില് വച്ച് ഗുല്നാസ് ഒരു കുഞ്ഞിന് ജന്മം നല്കി. ഈ കുഞ്ഞിന്റെ ഭാവിയോര്ത്ത് അവള് അവസാനം പീഡിപ്പിച്ച ആളെ വിവാഹം ചെയ്യാന് തീരുമാനിക്കുകയായിരുന്നു. തന്നെ പീഡിപ്പിച്ച ആളെ വിവാഹം ചെയ്യാമെന്ന് സമ്മതിച്ചതിനെ തുടര്ന്ന് ജയിലില് നിന്ന് മോചിക്കപ്പെടുകയായിരുന്നു.
മകള്ക്ക് നല്ലൊരു ഭാവി ഉണ്ടാകണമെങ്കിലും തടവു ശിക്ഷയില് ഇളവ് ലഭിക്കണമെങ്കിലും അസദുല്ലയെ വിവാഹം ചെയ്യാതെ മറ്റ് വഴികള് ഇവളുടെ മുന്നില് ഇല്ലായിരുന്നു. ചീത്തപ്പേരുമായി ജീവിക്കുന്നതിനേക്കാള് നല്ലത് മരണമാണ് കാബൂളിലെ പരമ്പരാഗത രീതിയെന്നും ഗുല്നാസ് സങ്കടത്തോടെ പറയുന്നു. 2013 ലാണ് ഇരുവരും വിവാഹിതരായത്.
വിവാഹത്തിനു തയാറായതിലൂടെ താന് ഗുല്നാസിനെ രക്ഷിക്കുകയായിരുന്നെന്നാണ് അസദുദ്ദീന് പറയുന്നത്. ഗുല്നാസിനെ പീഡിപ്പിച്ചതില് യാതൊരു പ്രശ്നവും അസദുദ്ദീനിനില്ല. ഞാന് ഗുല്നാസിനെ വിവാഹം ചെയ്തില്ലായിരുന്നുവെങ്കില് സമൂഹത്തില് അവള്ക്ക് ജീവിക്കാന് കഴിയുമായിരുന്നില്ല. ഇപ്പോള് ഗുല്നാസിന് ഒരു പ്രശ്നവുമില്ല,\' അസദുല്ല പറയുന്നു. വിവാഹം കഴിഞ്ഞ് രണ്ടു വര്ഷങ്ങള്ക്കിപ്പുറം ഗുല്നാസ് മൂന്നാമതു ഗര്ഭിണിയായിരിക്കുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha