പോയ് പണി നോക്കാന് പറ... പൊന്മുട്ടയിടുന്ന ആ കത്ത് തരാനോ; കത്ത് പിടിച്ചെടുക്കാന് വിഗ്രഹ മോഷണ കേസുകള് അന്വേഷിക്കുന്ന സംഘം
സരിത എസ് നായരുടെ വിവാദ കത്ത് പിടിച്ചെടുക്കാനായി പുറപ്പെട്ടിരിക്കുകയാണ് പോലീസുകാര്. എന്നാല് തന്റെ കൊക്കിന് ജീവനുള്ളപ്പോള് ആ കത്ത് വിട്ടു കൊടുക്കില്ലെന്ന പക്ഷക്കാരിയാണ് സരിത.
തന്നെ അപകീര്ത്തിപ്പെടുന്ന തരത്തില് സരിയുടേതായി ദൃശ്യ മാദ്ധ്യമങ്ങളിലൂടെ പുറത്ത് വന്ന കത്തിന്റെ ഉറവിടം അന്വേഷിക്കണമെന്നാവശ്യപ്പെട്ട് ജോസ് കെ. മാണി ഡി.ജി.പിക്ക് നല്കിയ പരാതിയെ തുടര്ന്നാണ് സരിതയുടെ കൈവശമുള്ള ഒറിജിനല് കത്ത് കണ്ടെടുക്കാനുള്ള ശ്രമം നടത്തുന്നത്.
ഈ കേസ് ഇപ്പോള് അന്വേഷിക്കുന്നത് വിഗ്രഹ മോഷണക്കേസുകള് അന്വേഷിക്കുന്ന സംഘമാണ്. സരിതയുടെ കത്തിന്റെ ഉറവിടവും നിജസ്ഥിതിയും സംബന്ധിച്ച അന്വേഷണ ചുമതല. ക്രൈം ബ്രാഞ്ചിന് കൈമാറാന് ആഭ്യന്തര വകുപ്പ് കഴിഞ്ഞ ദിവസം ഡി.ജി.പിക്ക് നിര്ദ്ദേശം നല്കിയിരുന്നു. തുടര്ന്ന് ക്രൈം ബ്രാഞ്ച് അന്വേഷണത്തിനുള്ള ഉത്തരവ് ഡി.ജി.പി കെ.എസ് . ബാലസുബ്രഹ്മണ്യന് വ്യാഴാഴ്ച വൈകിട്ട് ഇറക്കിയിരുന്നു. ജോസ് കെ.മാണിയുടെ പരാതി െ്രെകംബ്രാഞ്ച് എ.ഡി.ജി.പി അനന്തകൃഷ്ണന് ഇന്നലെ രാവിലെയാണ് ആന്റി ടെമ്പിള് തെഫ്റ്റ് സ്ക്വാഡ് എസ്.പി ജയരാജിന് കൈമാറിയത്.
ലഭ്യമായ വിവരങ്ങളുടേയും മാദ്ധ്യമവാര്ത്തകളുടേയും അടിസ്ഥാനത്തില് അന്വേഷണം തുടങ്ങാനാണ് തീരുമാനം. സരിതയില് നിന്നും ജോസ്.കെ.മാണിയില് നിന്നും അന്വേഷണസംഘം മൊഴിയെടുക്കും. സാങ്കേതികമായിക്രൈംബ്രാഞ്ചിന് കീഴിലാണ് ടെമ്പിള് സ്ക്വാഡ്.
വിഗ്രഹ മോഷണക്കേസുകള് അന്വേഷിക്കുന്ന സംഘത്തിന് അനേഷണം കൈമാറിയത് അന്വേഷണം കൈമാറിയതിനെതിരെ ആക്ഷേപം ഉയരുന്നുണ്ട്.
ജോസ് കെ.മാണിയുടെ പരാതി സരിതയുടേതായി പുറത്ത് വന്ന ആദ്യ കത്തിനെക്കുറിച്ചാണ്. ഈ കത്തും രണ്ടാമത് സരിത വാര്ത്താസമ്മേളനത്തില് പ്രദര്ശിപ്പിച്ച കത്തും ഒന്നാണോയെന്ന് പരിശോധിക്കുകയാണ് അന്വേഷണത്തിന്റെ ആദ്യഘട്ടം. ഇതിനായി സരിതയുടെ യഥാര്ത്ഥകത്ത് പിടിച്ചെടുക്കേണ്ടിവരുമെന്ന് െ്രെകംബ്രാഞ്ച് വ്യക്തമാക്കി.
പക്ഷേ അന്വേഷണസംഘത്തിന് കത്ത് കൈമാറില്ലെന്നാണ് സരിത പറഞ്ഞു. രണ്ട് കത്തുകളും ഒത്തുനോക്കാനായില്ലെങ്കില് ആദ്യഘട്ടത്തില് തന്നെ അന്വേഷണം അവസാനിക്കും.
അതേസമയം തന്റേതെന്ന പേരില് വ്യാജകത്താണ് പുറത്തുവിട്ടതെന്ന് ചൂണ്ടിക്കാട്ടി പരാതി നല്കുമെന്ന് സരിത പറഞ്ഞിരുന്നെങ്കിലും അതും ഉണ്ടായില്ല. പരാതി നല്കിയാല് ആ ഒറിജിനല് കത്ത് കാണിക്കേണ്ടി വരും. അങ്ങനെ കാണിച്ചാല് പോലീസുകാരല്ലേ ആള്ക്കാര്. അവര് എല്ലാ വിഐപികളുടേയും പേര് ചോര്ത്തും.
സരിതയുടെ കത്ത് പിടിച്ചെടുക്കണമെന്ന് ആവശ്യപ്പെട്ട് എ.ഐ.വൈ. എഫ് സംസ്ഥാന സെക്രട്ടറി കെ.രാജനും ഇന്നലെ സോളാര് കമ്മിഷനെ സമീപിച്ചു.
അതേസമയം ഈ കത്തിന്റെ പേരില് ഇനിയും തീ തിന്നാന് വയ്യെന്നാണ് മന്ത്രിമാരുള്പ്പെടെയുള്ള വിവിഐപികളുടെ മനസിലിരുപ്പ്. അടുത്ത തെരഞ്ഞെടുപ്പിന്റെ വക്കില് കത്ത് ചോരുന്നതിനേക്കാളും ഇപ്പോള് കത്ത് പിടിച്ചെടുക്കണമെന്നാണ് ഇവര് ആഗ്രഹിക്കുന്നത്.
എന്നാല് ഈ കത്താണ് സരിതയുടെ തുറുപ്പ് ചീട്ട്. ഈ കത്തിലെ പേരുകള് തരാതരം കാണിച്ച് മന്ത്രിമാരെ വിരട്ടുക എന്നതാണ് സരിതയുടെ തന്ത്രം. ഒറ്റയടിക്ക് ഈ പൊന്മുട്ടയിടുന്ന താറാവിനെ എങ്ങനെ കൊല്ലും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha