ഇതാണ് യഥാര്ത്ഥ ആഡംബര വിവാഹം, പൊന്നില് തീര്ത്ത വസ്ത്രങ്ങള്, ഇരിപ്പിടങ്ങള്: ബ്രൂണൈ സുല്ത്താന്റെ ഇളയമകന് വിവാഹിതനായി
ആഡംബര വിവാഹത്തെ എന്നും എല്ലായിടത്തം എതിര്ക്കുന്നവരാണ് പലരും. വിവാഹത്തിനായി പണം അനാവശ്യമായി ഉപയോഗിക്കുന്ന പല രാജ്യങ്ങളില് പലരുമുണ്ട്. വസ്ത്രം സ്വര്ണം, ചെരിപ്പ് സ്വര്ണം, ആരും കാണാത്ത വ്യത്യസ്തമായ ഭക്ഷണങ്ങള് ഇതൊക്കെ ഏതൊരു ആര്ഭാട വിവാഹത്തിന്റെയും ഒരു ഭാഗമാണ്. എന്നാല് ഇത്തരത്തിലുള്ള ആര്ഭാടങ്ങള് നിറഞ്ഞ വിവാഹ ദിവസങ്ങള്ക്ക് മുമ്പ് നടന്നു.
ആരെയും അതിശയിപ്പിക്കുന്ന വ്യത്യസ്തമായ വിവാഹ രീതികള്, ആചാരങ്ങള്, അനുഷ്ഠാനങ്ങള് അങ്ങനെ പലതും. കണ്ണഞ്ചിപ്പിക്കുന്ന കാഴ്ച്ചകളും ഏവരെയും അതിശയിപ്പിച്ചു. പണത്തിന്റെ മുകളില് കിടന്നുറങ്ങുന്ന ബ്രൂണൈ സുല്ത്താന്റെയും സലേഹ രാജ്ഞിയുടെയും ഇളയമകനായ അബ്ദുല് മാലിക്ക് ദിവസങ്ങള്ക്ക് മുമ്പാണ് വിവാഹിതനായത്. 31 വയസുകാരനായ വരന് അബ്ദുല് മാലിക്ക് അണിഞ്ഞിരുന്നത് പൊന്നില് തീര്ത്ത വസ്ത്രങ്ങളായിരുന്നു. ഇരിപ്പിടവും കിരീടവുമെല്ലാം തനിത്തങ്കം. ആഡംബരത്തിന്റെ പര്യായമായ ബ്രൂണൈ കൊട്ടാരത്തിലായിരുന്നു കണ്ണഞ്ചിപ്പിച്ച ഈ വിവാഹം.
ഐ.ടി വിദഗ്ധയായ റാബിഅത്തുല് അദവിയ്യയായിരുന്നു വധു. വിവാഹ സമയത്ത് വധുവും വരനും അണിഞ്ഞിരുന്നത് വജ്രം പതിച്ച, സ്വര്ണത്തില് തുന്നിയ പരമ്പരാഗതവേഷവും. വധു ധരിച്ച വിവാഹ കിരീടത്തില് ആറ് വലിയ മരതകക്കല്ലുകള് പതിച്ചിരുന്നു. അവര് ധരിച്ച വജ്ര നെക്ലസിലുമുണ്ടായിരുന്നു മരതകക്കല്ലുകള്.
അവയ്ക്ക് മുന്തിരിയുടെ ആകൃതിയുമുണ്ട്. മരതകം കൊളുത്തിയ മറ്റൊരു വജ്രമാലയും വധു അണിഞ്ഞു. കാലില് സ്വരോസ്കി ക്രിസ്റ്റലുകള് കൊണ്ട് നിര്മ്മിച്ച ചെരുപ്പുകളാണ് വധു അണിഞ്ഞിരുന്നതും. വിവാഹവേളയില് പൊതുവെ വധുവിന്റെ കൈയില് നാം എല്ലാവരും കാണാറുള്ളത് പൂക്കള് കൊണ്ടുള്ള പൂച്ചെണ്ടല്ലെ.
എന്നാല്, വധു റാബി പിടിച്ചിരുന്നത് പൂക്കള് കൊണ്ടുള്ള പൂച്ചെണ്ടല്ല. മറിച്ച് രത്നങ്ങള് കൊണ്ടുള്ള പൂച്ചെണ്ടാണ്. ബ്രൂണൈയുടെ തലസ്ഥാനമായ ബാന്ദര് സെരി ബെഗവാനിലെ 1788 മുറികളുള്ള ഇസ്താന നൂറല് ഇമാന് കൊട്ടാരത്തിലാണ് വിവാഹ വേദി സജ്ജീകരിച്ചിരുന്നത്. വധൂവരന്മാര് ഇരുന്ന കസേരകളും രത്നം പതിപ്പിച്ചിരുന്നു.
സൗദി രാജകുമാരന് സൗദ് ബിന് അബ്ദുള് മൊഹ്സേന് ബിന് അബ്ദുള് അസീസ് ഉള്പ്പടെ വിശിഷ്ടാതിഥികള്ക്ക് മുന്നിലാണ് ചടങ്ങുകള് നടന്നത്. ലോകത്തെ പ്രായം കുറഞ്ഞ ധനാഢ്യരിലൊരാളാണ് അബ്ദുള് മാലിക്. ബ്രൂണൈയുടെ കിരീടവകാശമുള്ള രണ്ടാമത്തെ രാജകുമാരന്. ബ്രൂണൈ കൊട്ടാരത്തിലെ സിംഹാസനത്തിലിരുന്നുകൊണ്ടാണ് വധൂവരന്മാര് പരമ്പരാഗത ചടങ്ങളുകളില് പങ്കുകൊണ്ടത്.
ഏപ്രില് അഞ്ചിന് വിവാഹച്ചടങ്ങുകള് ആരംഭിച്ചിരുന്നു. എന്നാല്, വധൂവരന്മാര് ഒരുമിച്ച് പ്രത്യക്ഷപ്പെട്ടത് ഈ ചടങ്ങില് മാത്രമാണ്. പരമ്പരാഗത ചടങ്ങുകള്ക്ക് ശേഷം 5000ത്തോളം അതിഥികള്ക്കായി ആര്ഭാടപൂര്ണമായ വിരുന്നുസല്ക്കാരത്തില് പങ്കെടുത്തിരുന്നു. അതോടെ 11 ദിവസം നീണ്ട വിവാഹച്ചടങ്ങുകള്ക്ക് സമാപനമായി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha