പൊട്ടിവീണ വൈദ്യുതി കമ്പി കടിച്ചുമാറ്റി യജമാനന്റെ ജീവന് രക്ഷിച്ച വളര്ത്തുനായ ചത്തു!
പൊന്കുന്നത്തിനടുത്ത് ചാമംപതാല് വാഴപ്പള്ളി വിജയന്റെ മകന് അജേഷിന്റെ ജീവന് രക്ഷിക്കാന് വീട്ടിലെ വളര്ത്തുനായ അപ്പു നല്കിയത് സ്വന്തം പ്രാണന്.
രാവിലെ പാല് വാങ്ങാന് അജേഷ് വീട്ടില്നിന്ന് ഇറങ്ങിയപ്പോള് പതിവുപോലെ അപ്പു മുന്നില് നടന്നു. വീടിനു സമീപം ഇടവഴിയില് വൈദ്യുതി കമ്പി പൊട്ടിവീണു കിടന്നിരുന്നു.
മുമ്പില് നടന്നിരുന്ന അപ്പു വഴിയില് കിടന്ന വൈദ്യുതി കമ്പി കടിച്ചുമാറ്റിയതോടെ തെറിച്ചുവീണു. അജേഷ് ഓടിയെത്തിയപ്പോള് കുരച്ചുകൊണ്ടു തടഞ്ഞു. വീണ്ടും എണീറ്റു കമ്പി കടിച്ചുമാറ്റി. ഇതിനിടെ ഷോക്കേറ്റ അപ്പു ചത്തു. അപ്പു കടിച്ചുമാറ്റാന് ശ്രമിച്ചില്ലായിരുന്നെങ്കില് അജേഷ് ഇതില് ചവിട്ടുകയും അപകടമുണ്ടാവുകയും ചെയ്യുമായിരുന്നു.
കാലപ്പഴക്കം ചെന്ന കമ്പിയുടെ കൂട്ടിക്കെട്ടിയ ഭാഗമാണു പൊട്ടിവീണത്. കെ.എസ്.ഇ.ബി. ജീവനക്കാരെത്തി വൈദ്യുതി ബന്ധം വിച്ഛേദിച്ച ശേഷമാണു അപ്പുവിന്റെ ജഡം മാറ്റിയത്.
https://www.facebook.com/Malayalivartha