മക്കള് മഹാത്മ്യം; മന്ത്രി പുത്രനെ പൂട്ടാന് കേന്ദ്ര ഏജന്സി എത്തുന്നു; കോടിയേരി ബാലകൃഷ്ണന് പുറമേ ഇ.പി ജയരാജനും മകള് തലവേദനയാകുന്നു; കോവിഡ് ക്വാറന്റീന് ലംഘിച്ച് എത്തി മന്ത്രി പത്നി ബാങ്ക് ലോക്കറില് നിന്നു മാറ്റിയത് എന്ത് ?
സംസ്ഥാനത്ത് ഇനി നടക്കാന് പോകുന്നത് ഒരു കുട്ടപൊരിച്ചിലാണ്. അത് മനസിലാക്കിയാണ് മടയില് കനമില്ലാത്തവര് അന്വേഷണ എജന്സികളെ കുറ്റം പറഞ്ഞു തുടങ്ങിയത്. മുഖ്യമന്ത്രി പിണറായി വിജയന്റെ മനസാക്ഷി സൂക്ഷിപ്പുക്കാരനായിരുന്ന എം ശിവശങ്കറിനെ ചോദ്യം ചെയ്തപ്പോഴോ സെക്രട്ടറിയേറ്റില് കയറി പരിശോധന നടത്തിയപ്പോഴോ സര്ക്കാരിന് ഇത്ര പരിഭ്രമം തോന്നിയിരുന്നില്ല. കാര്യങ്ങള് സ്വര്ണക്കടത്തില് മാത്രം ഒതുങ്ങില്ലെന്ന് വ്യക്തമായതോടെ അന്വേഷണ ഏജന്സികള് രാഷ്ട്രീയ കളിക്കുന്നുവെന്ന ആരോപണവുമായി അവര് എത്തിയിരിക്കുകയാണ്. സ്വര്ണക്കടത്തില് മന്ത്രി കെ.ടി ജലീല്, ലഹരി കടത്തില് കോടിയേരി ബാലകൃഷ്ണന്റെ മകന് ബിനീഷ് കോടിയേരി, ലൈഫ് മിഷന് പദ്ധതിയില് കമ്മീഷന്റെ ഷെയര് പറ്റിയ ഇ.പി ജയരാജന്റെ മകന് എന്നിങ്ങനെ അന്വേഷണം ഓരോ തലങ്ങളില് കയറികയറി പോകുകയാണ്. ഇതാ ഇപ്പോള് ഇ.പിയുടെ പുത്രന് ലൈഫ് മിഷന് പദ്ധതിയിലെ കമ്മീഷന് കിട്ടിയെന്ന സംശയത്തില് കേന്ദ്ര ഏജന്സികള് അന്വേഷണം തുടങ്ങിയതായിയാണ് പുറത്ത് വരുന്ന വിവരം.
സ്വര്ണക്കളളക്കടത്ത് കേസ് പ്രതി സ്വപ്ന സുരേഷിനെ ചോദ്യം ചെയ്തതില് നിന്നാണ് ഇ.പിയുടെ മകന് കമ്മീഷന് പറ്റിയതായി സൂചന കിട്ടിയത്. അത് മന്ത്രി ഇ പി ജയരാജന്റെ മകനാമെന്ന് ആരോപണവുമായി ബിജെപി രംഗത്തെത്തി. സ്വര്ണക്കളളക്കടത്ത് കേസ് പ്രതി സ്വപ്ന സുരേഷിന്റെ ലോക്കറില് നിന്ന് കിട്ടിയ പണത്തില് ഒരു കോടി രൂപ ലൈഫ് മിഷന് പദ്ധതിയിലെ കമ്മീഷനെന്നായിരുന്നു എന്നാണ് കണ്ടെത്തല്. യു എ ഇയിലെ സന്നദ്ധ സംഘടനായ റെഡ് ക്രസ്ന്റ് പ്രളയ ദുരിതാശ്വാസ പ്രവര്ത്തനങ്ങളുടെ ഭാഗമായി 20 കോടി രൂപയാണ് കേരളത്തിനായി മുടക്കിയത്. ലൈഫ് മിഷന് പദ്ധതി വഴി വടക്കാഞ്ചേരിയില് ഫ്ലാറ്റുകള് നിര്മിക്കുന്നതിനാണ് യൂണിടെകിന് കരാര് കിട്ടിയത്. നിര്മാണ കരാര് കിട്ടാന് 4 കോടിയോളം രൂപ കമ്മീഷന് നല്കിയതായി കണ്ടെത്തിയിരുന്നു. ഈ ഇടപാടിന് ചുക്കാന് പിടിച്ചത് മന്ത്രി പുത്രനാണെന്ന സൂചനകളെത്തുടര്ന്നാണ് കേന്ദ്ര ഏജന്സികള് പരിശോധിക്കുന്നത്.
മന്ത്രി പുത്രന്റെ ദുബായ് യാത്രകളും അന്വേഷിക്കുന്നുണ്ട് സ്വപ്ന സുരേഷും മന്ത്രി പുത്രനും ഒരുമിച്ചുളള ചിത്രങ്ങളും അന്വേഷണ സംഘങ്ങള്ക്ക് കിട്ടിയിട്ടുണ്ട്. തനിക്ക് കിട്ടിയ ഒരു കോടി കൂടാതെ കോണ്സല് ജനറല് അടക്കമുളള മറ്റ് ചിലര്ക്കും കമ്മീഷന് കിട്ടിയതായി സ്വപ്ന സുരേഷ് തന്നെ കേന്ദ്ര ഏജന്കളോട് പറഞ്ഞിരുന്നു. ഇതിന്റെ ചുവടുപിടിച്ചാണ് വിവരശേഖരണം. എന്നാല്, മന്ത്രി ഇപി ജയരാജന്റെ മകന് ജയ്സണ് ലൈഫ് മിഷന് പദ്ധതിയില് കമ്മീഷന് കിട്ടിയെന്ന ആരോപണവുമായി ബിജെപി സംസ്ഥാന അധ്യക്ഷന് രംഗത്തെത്തി. മന്ത്രി പുത്രന് ആരെന്ന് കണ്ടെത്താന് വിശദമായ അന്വേഷണം വേണമെന്ന് കോണ്ഗ്രസും ആവശ്യപ്പെട്ടു. ലൈഫ് മിഷനിലെ കമ്മീഷന് സംബന്ധിച്ച് കെട്ടിട നിര്മാതാക്കളായ യൂണിടെക് ഉടമകളെ വീണ്ടും ചോദ്യം ചെയ്യാനും കേന്ദ്ര ഏജന്സികള് തീരുമാനിച്ചിട്ടുണ്ട്.
അതെ സമയം മന്ത്രി ഇ.പി ജയരാജന്റെ ഭാര്യ കോവിഡ് ബാധിതയായി ക്വാറന്റീനില് ഇരിക്കെ ബാങ്കില് എത്തിയതിനെ പ്രതിപക്ഷം ഇപ്പോള് ആയുധമാക്കുന്നുണ്ട്. ലൈഫ് മിഷന് പദ്ധതിയുമായി ബന്ധപ്പെട്ട് മകന് കമ്മീഷന് ലഭിച്ചത് മന്ത്രി ജയരാജന് അറിയാതെയായിരിക്കില്ല. പണം വാങ്ങിയത് മന്ത്രിക്ക് വേണ്ടി തന്നെയാണ്. കോവിഡ് നിരീക്ഷണത്തില് ഇരിക്കെ ജയരാജന്റെ ഭാര്യ ബാങ്കില് പോയി ലോക്കറില് നിന്ന് എടുത്തു മാറ്റിയത് എന്താണ് ഷാഫി പറമ്പില് എം.എല്.എ ചോദിച്ചു.
https://www.facebook.com/Malayalivartha