എന്‍.ഐ.എയും ഐ.ബിയും കാര്യങ്ങള്‍ നിയന്ത്രിച്ചു; കേരളാ പോലീസ് പിടികൂടി; ഭീകരര്‍ വലയിലായത് ഇങ്ങനെ; ഡി.ജി.പിക്ക് എന്‍.ഐ.എ നേരത്തെ റിപ്പോര്‍ട്ട് നല്‍കി; റിപ്പോര്‍ട്ടിന്റെ അടിസ്ഥാനത്തില്‍ സ്‌പെല്‍ബ്രാഞ്ച് അന്വേഷണം ആരംഭിച്ചു
എന്‍.ഐ.എക്ക് മാത്രം അവകാശപ്പെട്ടതല്ല അല്‍ ഖായിദ ഭീകരുടെ അറസ്റ്റിന്റെ ക്രഡിറ്റ്. എന്‍.ഐ.എയും ഐ.ബിയും സംയുക്തമായി കാര്യങ്ങള്‍ കൃത്യമായ പ്ലാനോട് കൂടി നടപ്പിലാക്കിയ പദ്ധതിയില്‍ ആള്‍ ബലമായി കേരളാ പോലിസും പങ്കെടുത്തു. പ്രതികളെ അറസ്റ്റ് ചെയ്ത് കേരളാ പോലീസാണെന്നാണ് സൂചന. അല്‍ഖാദിയ സാന്നിധ്യം വര്‍ധിക്കുന്നതായുള്ള ഇന്റലിജന്‍സ് റിപ്പോര്‍ട്ടുകളെത്തുടര്‍ന്ന് അന്വേഷണ ഏജന്‍സികള്‍ ജാഗ്രതയിലായിരുന്നു. ഒരാഴ്ച മുന്‍പാണ് തീവ്രവാദികളുടെ സാന്നിധ്യത്തെപ്പറ്റി എന്‍ഐഎ, ഡിജിപിക്ക് വിവരം കൈമാറിയതും സഹായം ആവശ്യപ്പെട്ടതും. ഡിജിപി ഇന്റലിജന്‍സ് മേധാവിക്കു വിവരം കൈമാറി. തീവ്രവാദ വിരുദ്ധസേനാ മേധാവിയെയും വിവരം അറിയിച്ചു. ഡല്‍ഹിയില്‍ നിന്ന് എന്‍ഐഎ ഉദ്യോഗസ്ഥരെത്തിയശേഷം ആലുവ റൂറല്‍ പോലീസും സംസ്ഥാന ഇന്റലിജന്‍സ് വിഭാഗവും തീവ്രവാദ വിരുദ്ധസേനയിലെ ഉദ്യോഗസ്ഥരും ചര്‍ച്ച നടത്തി. എന്‍ഐഎ നല്‍കിയ വിവരങ്ങളനുസരിച്ച് സ്ഥലത്തെക്കുറിച്ച് കേരള പൊലീസ് വിവരങ്ങള്‍ കൈമാറി. പ്രതികളെ അറസ്റ്റു ചെയ്യുന്ന സംഘത്തോടൊപ്പം കേരള പൊലീസും ഉണ്ടായിരുന്നു. വീട് വളഞ്ഞാണ് മൂന്നു പേരെയും അറസ്റ്റു ചെയ്തത്.
എന്‍ഐഎ കസ്റ്റഡിയിലുള്ള മൂന്ന് തീവ്രവാദികള്‍ കഴിഞ്ഞ കുറേക്കാലമായി കേരളത്തില്‍ ഉണ്ടായിരുന്നതായി സൂചന. കേരളത്തില്‍ നിന്നും ബംഗാള്‍ സ്വദേശികളെക്കുറിച്ച് സംസ്ഥാന രഹസ്യാന്വേഷണവിഭാഗം നടത്തിയ അന്വേഷണത്തിലാണ് ഇക്കാര്യം വ്യക്തമായിരന്നു. കൊച്ചിയില്‍നിന്ന് പിടിയിലായ അല്‍ ഖായിദ ഭീകരന്‍ യാക്കൂബ് ബിശ്വാസ് ഇടുക്കിയിലെ അടിമാലിയില്‍ ജോലി ചെയ്തിരുന്നതായി വിവരം ലഭിച്ചിട്ടുണ്ട്. അടിമാലിയില്‍ പെരുമ്പാവൂര്‍ സ്വദേശിയായ ആള്‍ നടത്തിയ ചപ്പാത്തിക്കടയിലായിരുന്നു യാക്കൂബ് വിശ്വാസ് ജോലി ചെയ്തത്. ഏഴ് മാസം മാത്രമാണ് ഈ ചപ്പാത്തി കട അടിമാലിയില്‍ പ്രവര്‍ത്തിച്ചത്. പിന്നീട് ഇത് അടച്ചു പൂട്ടി. ചപ്പാത്തിക്കടയുടെ ഉടമയെ കേന്ദ്രീകരിച്ച് പൊലീസ് ഇപ്പോള്‍ അന്വേഷണം ആരംഭിച്ചിട്ടുണ്ട്. പെരുമ്പാവൂരില്‍ നിന്നും പോലീസ് പിടികൂടിയ മൊഷറഫ് ഹുസൈന്‍ എന്നയാള്‍ കഴിഞ്ഞ ഏഴ് വര്‍ഷമായി കൊച്ചിയിലുണ്ട് എന്നാണ് ഇയാളെ പരിചയമുള്ളവര്‍ പറയുന്നത്. പെരുമ്പാവൂരിലെത്തിയ അന്ന് മുതല്‍ ഒരു തുണിക്കടയിലാണ് ഇയാള്‍ ജോലി ചെയ്തിരുന്നത്. കുടുംബസമേതം പെരുമ്പാവൂരില്‍ താമസിച്ചിരുന്ന ഇയാളുടെ കൂടെ ഭാര്യയും രണ്ട് മക്കളും ഉണ്ടായിരുന്നു. പെരുമ്പാവൂര്‍ നടക്കല്ലിലാണ് ഇയാള്‍ കുടുംബത്തോടൊപ്പം താമസിച്ചിരുന്നത്.
കളമശ്ശേരിക്ക് അടുത്ത പാതാളത്ത് നിന്നും പിടിയിലായ മുര്‍ഷിദ് രണ്ട് മാസം മുന്‍പാണ് ഇവിടെ താമസിക്കാനെത്തിയത് എന്നാണ് കെട്ടിട ഉടമ പറയുന്നത്. ആധാര്‍ അടക്കം തിരിച്ചറിയല്‍ രേഖ നല്‍കിയാണ് ഇയാള്‍ ഇവിടെ കേറിപ്പറ്റിയത്. ഇയാളില്‍ നിന്നും ഒരു ലാപ്പ് ടോപ്പും രണ്ട് മൊബൈലും പോലീസ് പിടിച്ചെടുത്തിട്ടുണ്ട്. അതേസമയം മൂന്ന് തീവ്രവാദികളേയും എന്‍ഐഎ അറസ്റ്റ് ചെയ്തതല്ലെന്നും ലോക്കല്‍ പോലീസ് പിടികൂടി കൈമാറുകയായിരുന്നുവെന്നുമാണ് വിവരം. എന്‍ഐഎയുടെ ആവശ്യപ്രകാരമാണ് പോലീസ് മൂന്ന് പേരേയും താമസസ്ഥലത്ത് നിന്നും പിടികൂടിയത്. മൂന്ന് പേരുടേയും വിശദാംശങ്ങള്‍ എന്‍ഐഎ പോലീസിന് കൈമാറിയില്ല. രണ്ട് പേരെ പെരുമ്പാവൂര്‍ പൊലീസ് പിടികൂടിയപ്പോള്‍ ഒരാളെ ചേരാനെല്ലൂര്‍ പോലീസാണ് അറസ്റ്റ് ചെയ്തത്. ബംഗാളില്‍ നിന്നും ആറ് പേരേയും കേരളത്തില്‍ നിന്നും മൂന്ന് പേരേയും അറസ്റ്റ് ചെയ്തുവെന്നാണ് ഇന്ന് രാവിലെ പുറത്തു വിട്ട വാര്‍ത്താക്കുറിപ്പില്‍ എന്‍ഐഎ പറയുന്നത്. ഇവരില്‍ നിന്നും ആയുധങ്ങള്‍ കണ്ടെടുത്തതായും എന്‍ഐഎ വാര്‍ത്താക്കുറിപ്പിലുണ്ട്. എന്നാല്‍ കേരളത്തില്‍ പിടിയിലായ മൂന്ന് പേരുടെ കൈവശവും ആയുധങ്ങളൊന്നും തന്നെയില്ലെന്നാണ് പോലീസ് നല്‍കുന്ന വിവരം.
പെരുമ്പാവൂരില്‍ നിന്നാണ് മൊഷറഫ് ഹുസൈനേയും വിശ്വാസിനേയും പിടികൂടിയത്. മുര്‍ഷിദിനെ കളമശ്ശേരിക്ക് അടുത്ത പാതാളത്തെ വാടക കെട്ടിട്ടത്തില്‍ നിന്നും അറസ്റ്റ് ചെയ്തു. ഇയാള്‍ സ്ഥിരമായി ജോലിക്ക് പോകുന്നവരായിരുന്നില്ലെന്നും പക!ല്‍ മുഴുവന്‍ ഇന്റര്‍നെറ്റില്‍ സമയം ചിലവഴിക്കുന്നതായിരുന്നു രീതിയെന്നും കൂടെ താമസിക്കുന്നവര്‍ മൊഴി നല്‍കിയിട്ടുണ്ട്. പാതാളത്ത് നിന്നും പിടിയിലായ മുര്‍ഷിദില്‍ നിന്നും ലാപ്പ് ടോപ്പും രണ്ട് മൊബൈലുകളും എന്‍ഐഎ പിടികൂടിയിട്ടുണ്ട്. ലോക്ക് ഡൗണിന്റെ ഇടയിലാണ് മുര്‍ഷിദ് ഞങ്ങളുടെ റൂമിലേക്ക് വരുന്നത്. ആഴ്ചയില്‍ രണ്ട് ദിവസമൊക്കെയേ ജോലിക്ക് പോകൂ. അല്ലാത്ത സമയത്തെല്ലാം റൂമില്‍ തന്നെ കാണും. വീട്ടില്‍ അത്യാവശ്യം സാമ്പത്തിക ഭദ്രതയുള്ളതിനാലാണ് ജോലിക്ക് പോകാതിരിക്കുന്നതെന്നാണ് അവന്‍ ഞങ്ങളോട് പറഞ്ഞിരുന്നത് മുര്‍ഷിദിനൊപ്പം താമസിച്ചിരുന്ന അന്യസംസ്ഥാന തൊഴിലാളി പറയുന്നു. ഇയാളടക്കം ആറ് പേരാണ് മുര്‍ഷിദിനൊപ്പം താമസിച്ചിരുന്നത്. കളമശ്ശേരിക്ക് അടുത്ത പാതാളത്തെ എസ്ബിഐ ബ്രാഞ്ചിന് സമീപമുള്ള കെട്ടിട്ടത്തില്‍ നിന്നാണ് മുര്‍ഷിദിനെ കസ്റ്റഡിയില്‍ എടുത്തത്. പ്രതികളെ പിടികൂടി കൊണ്ടു പോകുന്നതിന്റെ സിസിടിവി ദൃശ്യങ്ങള്‍ പുറത്തു വന്നിട്ടുണ്ട്.
പെരുമ്പാവൂരില്‍നിന്ന് അറസ്റ്റിലായ മൊഷറഫ് ഹുസൈന്‍ 7 വര്‍ഷമായി കേരളത്തിലുണ്ടായിരുന്നെന്ന് സംശയിക്കുന്നതായി സ്പഷ്യല്‍ ബ്രാഞ്ച് വൃത്തങ്ങള്‍ അറിയിക്കുന്നു. പെരുമ്പാവൂരിലെ തുണിക്കടയില്‍ ജോലി ചെയ്യുകയായിരുന്നു ഇയാള്‍. മുര്‍ഷിദും നേരത്തെ പെരുമ്പാവൂരില്‍ തങ്ങിയിരുന്നുവെന്നാണ് പുറത്തു വരുന്ന വിവരം. എന്‍ഐഎ അറസ്റ്റിന്റെ വിവരം പുറത്തു വന്നതിന് പിന്നാലെയാണ് കേരള പൊലീസിന്റെ സ്‌പെഷ്യല്‍ ബ്രാഞ്ച് ഇതേക്കുറിച്ച് അന്വേഷണം ആരംഭിച്ചത്. അതെ സമയം തീവ്രവാദ കേസുകളില്‍ കേരള പോലീസിന്റെ അന്വേഷണം ശരിയായ ദിശയില്‍ നടക്കുന്നില്ലെന്ന് ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍ പറഞ്ഞു. തീവ്രവാദ പ്രവര്‍ത്തനം തടയാനുള്ള ഒരു സംവിധാനവുമില്ല. കേരളത്തിലെ തീവ്രവാദ വിരുദ്ധ സേന ചത്തുകിടക്കുകയാണെന്നും ഒരു അനക്കവുമില്ലെന്നും സുരേന്ദ്രന്‍ ആരോപിച്ചു.
https://www.facebook.com/Malayalivartha
