കേരളത്തില് പിടിലായ ഭീകരര് ചാവേറുകള്; പൊട്ടിത്തെറിക്കുന്നതിന് മുമ്പേ എല്ലാരെയും ചവിട്ടികൂട്ടി അകത്താക്കി എന്.ഐ.എ; അറസ്റ്റിലാകുന്നത് കാശ്മീരിലേക്ക് ആയുധങ്ങള് സംഘടിപ്പിക്കാന് പോകുന്നതിന് തയ്യാറെടുക്കുമ്പോള്; ലക്ഷ്യമിട്ടത് മുംബൈ മാതൃകയിലെ ആക്രമണം
കേരളത്തില് പിടിലായ ഭീകരര് വന് ആക്രമണങ്ങള്ക്ക് പദ്ധതിയിട്ടിരുന്നതായുള്ള വാര്ത്തകള് ഇന്നലെ പുറത്ത് വന്നിരുന്നു. മുബൈയില് നടത്തിയതുപോലുള്ള ചാവേര് ആക്രമണത്തിനാണ് ഭീകകര് പദ്ധതിയിട്ടതെന്നാണ് ഇപ്പോള് പുറത്ത് വരുന്ന വിവരം. ഇതാനിയി അറസ്റ്റിലായ അല് ഖ്വായ്ദ തീവ്രവാദികള് ആക്രമണ ലക്ഷ്യങ്ങള്ക്കായി ആയുധങ്ങള് സംഭരിക്കാന് പദ്ധതിയിട്ടിരുന്നതായി റിപ്പോര്ട്ടുകള്. പാകിസ്താനിലുള്ള ഇവരുടെ കമാന്ഡര് ഉറപ്പുനല്കിയിരുന്ന ആയുധങ്ങള്ക്കായി ജമ്മു കശ്മീര്, ഡല്ഹി എന്നിവിടങ്ങളിലേക്ക് പോകാനായി തയ്യാറെടുക്കവേയാണ് ഇവര് അറസ്റ്റിലായത്.
സ്ഫോടകവസ്തുക്കള് ഉണ്ടാക്കുന്നതിനായി അലുമിനിയം പൗഡര്, പൊട്ടാസ്യം പെര്ക്ലോറേറ്റ് എന്നീ രാസവസ്തുക്കള് ഇവര് സംഭരിച്ചിരുന്നുവെന്നാണ് വിവരങ്ങള്. അറസ്റ്റ് ചെയ്ത ചിലര് താമസിച്ചിരുന്ന ഇടങ്ങളില് നിന്ന് പൈപ്പുകള്, വയറുകള്, സ്വിച്ചുകള്, ബോള്ട്ടുകള്, തീവ്രവാദവുമായി ബന്ധപ്പെട്ട പുസ്തകങ്ങള് എന്നിവ എന്ഐഎ കണ്ടെടുത്തിട്ടുണ്ട്. രാജ്യത്ത് വിവിധ ഇടങ്ങളിലായി വലിയതോതില് ചാവേര് ആക്രമണങ്ങള് ഉള്പ്പെടെയുള്ള ഭീകരാക്രമണങ്ങള്ക്ക് അല്ഖ്വായ്ദ പദ്ധതിയിട്ടിരുന്നുവെന്നാണ് വിവരം. വാട്ട്സ്ആപ്പ് വഴിയാണ് ഇവര് ആശയവിനിമയം നടത്തിയിരുന്നതെന്നും എന്ഐഎ പറയുന്നു.
കേരളത്തില് നിന്ന് അറസ്റ്റിലായ മുര്ഷിദ് ഹസ്സന് പശ്ചിമ ബംഗാളില് തീവ്രചിന്താഗതിക്കാരായവരുടെ ഇടയില് സാമാന്യം അറിയപ്പെടുന്ന ആളാണ്. സമൂഹമാധ്യമങ്ങളില് വിദ്വേഷകരമായ പോസ്റ്റുകള് ഇട്ടിരുന്നു ഇയാള്. ഇയാളാണ് ഇന്ത്യയിലെ സംഘത്തെ ഏകോപിപ്പിക്കുകയും ധനസമാഹരണം നടത്തുകയും ചെയ്തിരുന്നത്. ഹസ്സനാണ് പാകിസ്താനിലെ അല്ഖ്വായ്ദ കമാന്ഡറുമായി ബന്ധപ്പെട്ടിരുന്നത്. കശ്മീരിലേക്കും അവിടെ നിന്ന് ഡല്ഹിയിലേക്കും ആയുധങ്ങള് എത്തിക്കാമെന്ന് ഇയാള് ഹസ്സന് ഉറപ്പ് നല്കിയിരുന്നുവെന്നാണ് റിപ്പോര്ട്ടുകള്. അറസ്റ്റിലായ ഭീകരരില് ചിലര് നാടന് തോക്കുകളും നിര്മിച്ചിരുന്നു. മൊസാറഫ് ഹൊസ്സീന്, ലിയു യീന് അന്സാരി, നജ്മുസ് സാഖിബ്, യീക്കൂബ് ബിശ്വാസ്, അതിതുര് റഹ്മാന്, അബു സുഫിയാന്, അല് മമൂം കമല് തുടങ്ങിയവരും സ്ഫോടകവസ്തുക്കളും പണവും കണ്ടെത്തിക്കൊണ്ടിരിക്കുകയായിരുന്നു.
രാജ്യത്ത് അല്ഖായിദ തീവ്രവാദ പ്രവര്ത്തനം നടത്താന് ലക്ഷ്യമിടുന്നതായി ഈ മാസം ആദ്യമാണ് എന്ഐഎയ്ക്ക് വിവരം ലഭിക്കുന്നത്. ഇതു സംബന്ധിച്ച് ഡല്ഹിയില് കേസ് റജിസ്റ്റര് ചെയ്തിരുന്നു. തുടര്ന്ന് കഴിഞ്ഞ എട്ടു ദിവസമായി പ്രതികളെ അന്വേഷണ സംഘം സൂക്ഷ്മമായി നിരീക്ഷിച്ചു വരികയായിരുന്നു. പിടിയിലായ തീവ്രവാദികള് പദ്ധതിയിട്ടത് കേരളത്തില്നിന്നു പണം സ്വരൂപിച്ച് കശ്മീരില് എത്തിക്കലായിരുന്നു എന്നാണ് വിവരം. കശ്മീരില്നിന്ന് ആയുധങ്ങള് വാങ്ങുന്നതിന് പണം കണ്ടെത്തുകയായിരുന്നു ലക്ഷ്യം. ഡല്ഹി ഉള്പ്പടെ രാജ്യത്തെ വന് നഗരങ്ങളില് ആക്രമണം നടത്താനായിരുന്നു പദ്ധതിയെന്നാണ് വിവരം. ഒരു ഘട്ടത്തില് കേരളത്തില് നാവികസേനാ ആസ്ഥാനത്തും കപ്പല് നിര്മാണശാലയിലും ആക്രമണത്തിനു പദ്ധതിയിട്ടിരുന്നുവെന്നും ഡല്ഹിയിലാണ് ആദ്യ ആക്രമണം പദ്ധതിയിട്ടതെന്നും അന്വേഷണ സംഘത്തിനു വിവരം ലഭിച്ചിട്ടുണ്ട്.
https://www.facebook.com/Malayalivartha