സ്റ്റാര്‍ തൂക്കാന്‍ മരത്തില്‍ കയറി പിന്നാലെ സംഭവിച്ചത്... നിവിന്‍ ഇപ്പോള്‍ കടന്നു പോകുന്ന അവസ്ഥ എന്താണെന്ന് എനിക്ക് ചിന്തിക്കാന്‍ പോലുമാകുന്നില്ലെന്ന് ദുല്‍ഖര്‍; ആ കടം വീട്ടാന്‍ എനിക്കായില്ല, മറന്നതല്ല ഒരായിരം മാപേക്ഷയുമായി അജു; മേക്കപ്പ് ആര്‍ട്ടിസ്റ്റ് ഷാബു പുല്‍പ്പള്ളിയുടെ വേർപാട് താങ്ങാനാകാതെ താരങ്ങൾ...
മലയാള ചലച്ചിത്ര മേഖലയിലെ പ്രശസ്ത മേക്കപ്പ് ആര്‍ട്ടിസ്റ്റ് ഷാബു പുല്‍പ്പള്ളി അന്തരിച്ചു. നടന്‍ നിവിന്‍ പോളിയുടെ പേഴ്‌സണല്‍ മേക്കപ്പ്മാനായിരുന്നു ഇദ്ദേഹം. ക്രിസ്തുമസ്സ് സ്റ്റാര്‍ തൂക്കാന്‍ മരത്തില്‍ കയറിയപ്പോഴുണ്ടായ വീഴ്ചയിലെ ആന്തരിക രക്തസ്രാവമാണ് മരണ കാരണം. ഉടന്‍തന്നെ ഇദ്ദേഹത്തെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല .
'പുതിയ തീരം' മുതല്‍ നിവിന്‍ പോളിയുടെ പേര്‍സണല്‍ മേക്കപ്പ് ആര്‍ട്ടിസ്റ്റ് ആയി വര്ക്ക് ചെയ്ത് തുടങ്ങിയത് ഇപ്പോള്‍ നിവിന്‍ പോളി പ്രൊഡ്യൂസ് ചെയ്ത 'കനകം കാമിനി കലഹം ' എന്ന സിനിമയില്‍ ചീഫ് മേക്കപ്പ് ആര്‍ട്ടിസ്റ്റ് ആയി വര്ക്ക് ചെയ്തിരുന്നു. പ്രശസ്ത മേക്കപ്പ് മാന്‍ ആയ പാണ്ഡ്യന്‍ കൂടെ ആണ് മലയാള സിനിമയില്‍ മേക്കപ്പ് രംഗത്ത് കടന്ന് വന്നത്.
ഇപ്പോഴിതാ ഷാബു പുല്‍പ്പള്ളിയുടെ വിയോഗത്തില്‍ അനുശോചനം രേഖപ്പെടുത്തി രംഗത്തെത്തിയിരിക്കുകയാണ് താരങ്ങള്‍. നിവിന്‍ ഇപ്പോള്‍ കടന്നു പോകുന്ന അവസ്ഥ എന്താണെന്ന് എനിക്ക് ചിന്തിക്കാന്‍ പോലുമാകുന്നില്ലെന്ന് ദുല്‍ഖര്‍ സല്‍മാന്‍ ഇന്‍സ്റ്റഗ്രാമില്‍ കുറിച്ചു. 'ഷാബു പുല്‍പ്പള്ളിയുടെ വിയോഗത്തില്‍ അദ്ദേഹത്തിന്റെ കുടുംബത്തിന്റെ ദുഃഖത്തില്‍ പങ്കുചേരുന്നു. ബാംഗ്ലൂര്‍ ഡെയ്സ്, വിക്രമാദിത്യന്‍ എന്നീ ചിത്രങ്ങളില്‍ അദ്ദേഹത്തോടൊപ്പം പ്രവര്‍ത്തിച്ചത് ഇപ്പോഴും ഞാന്‍ ഓര്‍ക്കുന്നു.'
'ഈ അവസ്ഥയെ അതിജീവിക്കാന്‍ അദ്ദേഹത്തിന്റെ കുടുംബത്തിന് ശക്തിയുണ്ടാകട്ടെയെന്ന് പ്രാര്‍ത്ഥിക്കുന്നു. ഷൂട്ടിംഗ് സമയത്ത് ഞങ്ങളെ സഹായിക്കുകയും പരിപാലിക്കുകയും ചെയ്യുന്നവര്‍ നമുക്കൊരു വീടൊരുക്കി കുടുംബമായി മാറുന്നു.' 'നിവിന്‍ ഇപ്പോള്‍ കടന്നു പോകുന്ന അവസ്ഥ എന്താണെന്ന് എനിക്ക് ചിന്തിക്കാന്‍ പോലുമാകില്ല. ഈ നഷ്ടം നികത്താനാകാത്തതാണ്. നിങ്ങള്‍ക്കും റിന്നയ്ക്കും സ്നേഹവും പ്രാര്‍ത്ഥനയും,' ദുല്‍ഖര്‍ കുറിച്ചു.
'ഷാബു ഏട്ടാ. ആ കടം വീട്ടാന്‍ എനിക്കായില്ല . മറന്നതല്ല. ഒരായിരം മാപ്പ് . എന്തിനാ ഏട്ടാ ഇങ്ങനെ പോയേ'-അജു വര്‍ഗീസ് കുറിച്ചു. ഷാബു നീ ഞങ്ങളുടെ ഹൃദയം തകര്‍ത്തു കളഞ്ഞു എന്നാണ് ഗീതു മോഹന്‍ദാസ് കുറിച്ചത്.
https://www.facebook.com/Malayalivartha
