ഉമ്മന്ചാണ്ടി പ്രചാരണ സമിതി ചെയര്മാന്? തീരുമാനം ഉമ്മന്ചാണ്ടിക്ക് വിട്ടുനല്കിയേക്കും; നിയമസഭാ തിരഞ്ഞെടുപ്പിന് തയ്യാറെടുക്കാന് ഹൈകമാന്റ് നിര്ദേശം; ഉമ്മന്ചാണ്ടി വരുന്നത് രമേശ് ചെന്നിത്തലക്ക് ഭീഷണി
തദ്ദേശ തിരഞ്ഞെടുപ്പിലുണ്ടായ തിരിച്ചടി കോണ്ഗ്രസിന് ഇപ്പോഴും ഉള്ക്കൊള്ളാന് സാധിച്ചിട്ടില്ല. കാലപകൊടി ഉയര്ത്തി നേതാക്കള് ആവശ്യപ്പെടുന്നത് നേതൃത്വമാറ്റാണ്. അതിനിടെയാണ് കേരളത്തിലെ നിയമസഭാ തിരഞ്ഞെടുപ്പിന് തയ്യാറെടുക്കാന് കോണ്ഗ്രസ് ഹൈകമാന്റ് നിര്ദേശം നല്കിയിരിക്കുന്നത്. തിരഞ്ഞെടുപ്പ് പ്രചാരണസമിതി ചെയര്മാനെ വൈകാതെ തീരുമാനിക്കും. അതിനായി സജീവമായി പരിഗണിക്കുന്നത് ഉമ്മന്ചാണ്ടി, കെ. സുധാകരന്, കെ. മുരളീധരന് എന്നിവരാണ്. ഉമ്മന്ചാണ്ടിയോട് പ്രചാരണം ഏറ്റെടുക്കാന് ഹൈമാന്റ് നേരിട്ട് ആവശ്യപ്പെടാനുള്ള സാധ്യതയാണ് കൂടുതല്.
ഡല്ഹിയിലുളള കേരളനേതാക്കളുമായി ഹൈക്കമാന്ഡ് കൂടിയാലോചനകള് ആരംഭിച്ചിട്ടുണ്ട്. പ്രചാരണസമിതി അധ്യക്ഷനെ കണ്ടെത്തുന്നതിന് വേണ്ടിയുളള ചര്ച്ചകളാണ് പുരോഗമിക്കുന്നത്. കേരളത്തിലെങ്ങും ഒരുപോലെ സ്വാധീനമുളള ഒരു നേതാവ് പ്രചാരണസമിതി അധ്യക്ഷനായി വരണം എന്നതാണ് ഹൈക്കമാന്ഡിന്റെ താല്പര്യം. ഉമ്മന്ചാണ്ടി പ്രചാരണത്തിന്റെ നേതൃത്വത്തില് വരുന്നത് ഗുണം ചെയ്യുമെന്ന കണക്കുകൂട്ടലാണ് ഹൈകമാന്റിനുള്ളത്. ന്യൂനപക്ഷങ്ങളുടെ വിശ്വാസം തിരിച്ച് പിടിക്കാന് സഹായകമാകും. ഒപ്പം തന്നെ സമുദായ സംഘടനകളുമായി ഉമ്മന്ചാണ്ടിക്ക് നല്ല അടുപ്പവുമുണ്ട്.
അതോടൊപ്പം വരാനിരിക്കുന്ന നിയമസഭാതെരഞ്ഞെടുപ്പില് ഉമ്മന് ചാണ്ടി മത്സരിക്കുമോ എന്ന കാര്യവും ഉയര്ന്ന് വരുന്നുണ്ട്. അക്കാര്യത്തില് തീരുമാനം ഹൈക്കമാന്ഡ് എടുക്കാന് ഇടയില്ല. തീരുമാനം ഉമ്മന്ചാണ്ടിക്ക് വിട്ടുനല്കിയേക്കുമെന്നാണ് വിവരം. എന്നാല് ഉമ്മന്ചാണ്ടി പ്രചാരണം ഏറ്റെടുക്കുകയും തിരഞ്ഞെടുപ്പില് മത്സരിക്കുകയും ചെയ്താല് അത് കഴിഞ്ഞ തിരഞ്ഞെടുപ്പുകളില് കോണ്ഗ്രസിന് നേതൃത്വം നല്കിയ രമേശ് ചെന്നിത്തലക്ക് അത് അത്ര നല്ല വാര്ത്തയല്ല. യു.ഡി.എഫ് അധികാരത്തില് വരുകയാണെങ്കില് ചെന്നിത്തലക്കും ഉമ്മന്ചാണ്ടിക്കും ഇടയില് മുഖ്യമന്ത്രി പദത്തിനായിയുള്ള പോര് ശക്തമാകുമെന്ന കാര്യത്തില് സംശയമില്ല.
തദ്ദേശ തിരഞ്ഞെടുപ്പ് തോല്വിയുടെ പശ്ചാത്തലത്തില് ഡിസിസികളിലും അഴിച്ചുപണിയുണ്ടായേക്കും. തിരുവനന്തപുരം, കൊല്ലം, ആലപ്പുഴ, കോട്ടയം, പത്തനംതിട്ട ജില്ലകളിലാണ് ഡിസിസി അധ്യക്ഷന്മാരെ മാറ്റുന്നതുമായി ബന്ധപ്പെട്ട ചര്ച്ചകള് പുരോഗമിക്കുന്നത്. ഈ ജില്ലകളിലെ അധ്യക്ഷന്മാരുടെ പ്രകടനം അത്ര മെച്ചമല്ല എന്നതാണ് പൊതുവേയുളള വിലയിരുത്തല്.
ഇതിന് പുറമേ, അധ്യക്ഷന്മാര് ഇരട്ടപദവി വഹിക്കുന്ന ജില്ലകളായ എറണാകുളത്തെ ടി.ജെ. വിനോദിനെയും പാലക്കാട് വി.കെ. ശ്രീകണ്ഠനെയും വയനാട്ടിലെ ഐ.സി. ബാലകൃഷ്ണനെയും മാറ്റുന്നത് സംബന്ധിച്ച ചര്ച്ചകള് പുരോഗമിക്കുന്നുണ്ട്. ജനുവരി ആദ്യവാരത്തോടെ ഇക്കാര്യങ്ങളില് തീരുമാനമാകുമെന്നാണ് സൂചന.
തദ്ദേശ തെരഞ്ഞെടുപ്പുമായി ബന്ധപ്പെട്ടും അല്ലാതെയും കേരളത്തിലെ കോണ്ഗ്രസില് ഉയര്ന്ന് വന്ന പ്രശ്നങ്ങളില് കോണ്ഗ്രസ് ഹൈക്കമാന്ഡ് വിശദ റിപ്പോര്ട്ട് ആവശ്യപ്പെട്ടിരികുകയാണ്. വിഷയങ്ങളില് വിശദമായ റിപ്പോര്ട്ട് തയ്യാറാക്കി നല്കാന് കേരളത്തിന്റെ ചുമതലയുളള ജനറല് സെക്രട്ടറി താരിഖ് അന്വറിന് നിര്ദ്ദേശം നല്കി. മൂന്നു ദിവസം താരിഖ് അന്വര് കേരളത്തില് പ്രധാന നേതാക്കളെ കേള്ക്കും. യുഡിഎഫിലെ ഘടകകക്ഷി നേതാക്കളുടെ നിലപാടും എഐസിസി ആരായുമെന്നാണ് വിവരം. നേതാക്കളെ കേട്ട ശേഷമായിരിക്കും റിപ്പോര്ട്ട് നല്കുക.
തദ്ദേശ തെരഞ്ഞെടുപ്പിന് പിന്നാലെ നേതൃത്വത്തിനെതിരെ കടുത്ത വിമര്ശനവുമായി പ്രമുഖ നേതാക്കള് തന്നെ പരസ്യമായി രംഗത്തെത്തിയിരുന്നു. ഇതോടൊപ്പം സംസ്ഥാനത്തിന്റ വിവിധ ഭാഗങ്ങളില് നേതൃത്വം വഹിക്കുന്ന നേതാക്കള്ക്കെതിരെ പോസ്റ്ററുകളും ഉയര്ന്നു. നിയമസഭാ തെരഞ്ഞെടുപ്പ് അടുത്ത വേളയില് ഇതിനെ ഹൈക്കമാന്ഡ് വലിയ പ്രാധാന്യത്തോടെയാണ് കാണുന്നത്. കോണ്ഗ്രസിന് എന്നും തലവേദന സൃഷ്ടിച്ച ഗ്രൂപ്പ് അതിപ്രസരത്തിനെതിരെ ശക്തമായ താക്കീത് നല്കുമെന്നാണ് വിവരം. കേരളത്തില് കൂട്ടായ നേതൃത്വമാകും ഉചിതമെന്ന വിലയിരുത്തലിലാണ് ഹൈക്കമാന്ഡ്.
https://www.facebook.com/Malayalivartha