ശാഖക്ക് വേണ്ടിയിരുന്നത് ഒരു കുഞ്ഞ്, അരുണിന് വേണ്ടത് ശാഖയുടെ സ്വത്ത്; വാര്ഡ് മെമ്പറും അയല്വാസിയും മലയാളി വാര്ത്തയോട് പ്രതികരിക്കുന്നു; എല്ലാദിവസവും വാക്ക് തര്ക്കം സ്വത്തിനെ ചൊല്ലി; പ്രായവ്യത്യാസം അരുണിന് അപമാനമായി തോന്നിയെന്ന് അയല്വാസി
ത്രേസ്യാപുരം സ്വദേശി ശാഖാകുമാരി (51) ഷോക്കേറ്റ് മരിച്ച സംഭവം അരുണ് നടത്തിയ കൊലപാതകമാണെന്ന തെളിഞ്ഞതോടെ ദുരൂഹതയും അവസാനിച്ചിരിക്കുകയാണ്. പോലീസിന് ആദ്യമേ തന്നെ അരുണിനെ സംശയിച്ചിരുന്നു. പോലീസിന്റെ ചോദ്യംചെയ്യലില് പിടിച്ചുനില്ക്കാനാവാതെ അരുണ് (28) കുറ്റം സമ്മതിക്കുകയും ചെയ്തു. എന്തിന് വേണ്ടിയാണ് കൊലപാതകമെന്നതിന് വ്യക്തമായ മറുപടി തന്നെയാണ്് നാട്ടുകാരും ബന്ധുകളും ഹോംനേഴ്സും മോഴികളില് നിന്നും പോലീസിന് ലഭിച്ചത്.
വാര്ഡ് മെമ്പര് വിജി ഉള്പ്പെടെയുള്ള നാട്ടുകാര് മലയാളി വാര്ത്തയോട് നടത്തിയത് ഞെട്ടിപ്പിക്കുന്ന വെളിപ്പെടുത്തലാണ്. വിവാഹമേ വേണ്ട എന്ന തീരുമാനം മാറ്റി 51-ാം വയസില് വിവാഹിതയാപ്പോള് ഇങ്ങനെയൊരു ദുര്മരണം ശാഖ സ്വപ്നത്തില് പോലും പ്രതീക്ഷിച്ചുകാണില്ല. രണ്ടുമാസം മുന്പ് മതാചാര പ്രകാരമായിരുന്നു അരുണും ശാഖയും വിവാഹിതരായത്. പിന്നീട് പ്രായവ്യത്യാസം അരുണിന് അപമാനമായി തോന്നിയെന്ന് അയല്വാസി പറയുന്നത്.
അമ്മയെ ആശുപത്രിയില് ചികില്സക്ക് കിടത്തിയപ്പോള് ശാഖയുടെ സാഹയത്തിന് ഓടി നടന്ന അരുണ് എന്ന ചെറുപ്പക്കാരനെ അവര് ജീവിതത്തില് പങ്കാളിയാക്കി. എന്നാല് അരുണിന്റെ ലക്ഷ്യം ശാഖയുടെ സാമ്പദ്യം മാത്രമായിരുന്നു. വിവാഹത്തിന് ശേഷം ശാഖയുടെ ഏറ്റവും വലിയ ആഗ്രഹം ഒരു കുഞ്ഞ് എന്നതായിരുന്നു. ഇതിനായി പണവും കാറും അരുണ് എന്തു ചോദിച്ചോ അതെല്ലാം ശാഖ അയാള്ക്ക് നല്കി. എന്നാല് വിവാഹം തന്നെ അപമാനമായി കരുതിയ അരുണ് കുഞ്ഞ് എന്ന ശാഖയുടെ ആവശ്യത്തോട് മുഖം തിരിച്ചു. മധുവിധു സമയം എല്ലാം വ്രതമെന്ന പേരിലാണ് അരുണ് ശാഖയെ ഒഴിവാക്കിയതെന്ന് ശാഖയുടെ സുഹൃത്ത് മലയാളി വാത്തയോട് പ്രതികരിച്ചു.
ശാഖയും അരുണും തമ്മില് വഴക്ക് പതിവായിരുന്നത്രെ. വലിയ ഭൂസ്വത്ത് ശാഖയുടെ കുടുംബത്തിനുണ്ട്. ഒരേക്കറിലധികമുള്ള സ്ഥലത്താണു വീട്. അരുണുമായി പ്രണയമായതോടെ വിവാഹത്തിനു ശാഖയാണു മുന്കയ്യെടുത്തത്. വീട്ടുകാരോ ബന്ധുക്കളോ ഇല്ലാതെയാണ് അരുണ് വിവാഹത്തിനെത്തിയത്. പത്താംകല്ല് സ്വദേശി എന്നു മാത്രമാണ് അരുണിനെപ്പറ്റി നാട്ടുകാര്ക്കുള്ള വിവരം. അരുണിന്റെ പെരുമാറ്റത്തില് ആദ്യംമുതലേ നാട്ടുകാര്ക്കു ചില സംശയങ്ങളുണ്ടായിരുന്നു. ബന്ധുക്കളുടെ മൊഴി പൊലീസ് രേഖപ്പെടുത്തി.
10 ലക്ഷം രൂപയ്ക്കു പുറമെ കാറും അരുണിനു ശാഖ വാങ്ങിക്കൊടുത്തിരുന്നു. ദിവസങ്ങള്ക്കു മുന്പു വിവാഹം റജിസ്റ്റര് ചെയ്യാനായി ഇവര് പഞ്ചായത്ത് ഓഫിസില് പോയിരുന്നെന്ന് അയല്ക്കാര് പറഞ്ഞു. ക്രിസ്മസ് വിളക്കുകള് തൂക്കാനെടുത്ത കണക്ഷന് രാത്രി വിച്ഛേദിച്ചിരുന്നില്ലെന്നും പുലര്ച്ചെ ശാഖ ഇതില് സ്പര്ശിച്ചപ്പോള് ഷോക്കേറ്റെന്നുമായിരുന്നു അരുണ് എല്ലാവരോടും പറഞ്ഞത്. പക്ഷേ ശാഖയുടെ മരണം രാത്രി തന്നെ സംഭവിച്ചിയിരുന്നവെന്നാണ് ആശുപത്രി വൃത്തങ്ങള് അറിയിച്ചത്.
ഷോക്കേല്പിച്ചാണു കൊന്നതെന്നും വിവാഹമോചനം നടക്കാത്തതിനാലായിരുന്നു കൃത്യമെന്നും അരുണ് ഏറ്റുപറഞ്ഞെന്നാണു പോലീസ് പറയുന്നത്. ശാഖാകുമാരിയുടെ കൊലപാതകത്തില് നാട്ടുകാരും ഞെട്ടലിലാണ്. മൃതദേഹം പോസ്റ്റ്മാര്ട്ടത്തിന് ശേഷം ഇന്ന് ബന്ധുകള്ക്ക് വിട്ടു നല്കി.
https://www.facebook.com/Malayalivartha