ജേക്കബ് തോമസ് ഇരിങ്ങാലക്കുടയില് ബി.ജെ.പി സ്ഥാനാര്ഥി; തൃകോണ മത്സരം ഉറപ്പായി; സി.പി.എമ്മിന് സിറ്റിംഗ് സീറ്റു നഷ്ടമാകുമെന്ന് ഭയം; ന്യൂനപക്ഷ വോട്ടുകളും ഇത്തവണ ബി.ജെ.പിക്ക് അനുകൂലമാകുമെന്ന് ജേക്കബ് തോമസ്; ബി.ജെ.പിയുടെ അനുകൂലഘടകങ്ങള്
മുന് ഡി.ജി.പി ജേക്കബ് തോമസിന്റെ പേരി ബി.ജെ.പിയുടെ സ്ഥാനാര്ഥി ലിസ്റ്റില് വന്നപ്പോള് തന്നെ കേരളം ഞെട്ടിയതാണ്. ഇതാപ്പോള് മത്സരിക്കാന് പോകുന്ന മണ്ഡലവും അദ്ദേഹം പ്രഖ്യാപിച്ചിരിക്കുകയാണ്. ഇരിങ്ങാലക്കുടയില് നിന്ന് എന്.ഡി.എ. സ്ഥാനാര്ഥിയായി മത്സരിക്കുമെന്ന് ജേക്കബ് തോമസ് തന്നെ വ്യക്തമാക്കിയിരിക്കുകയാണ്. ഇതോടെ ഇരു മുന്നണികളും അങ്കലാപ്പിലായി.
സി.പി.എമ്മിന്റെ സിറ്റിംഗ് സീറ്റാണ് ഇരിങ്ങാലിക്കുട നിയോജന മണ്ഡലം. എന്നാല് കഴിഞ്ഞ ലോക്സഭാ തെരഞ്ഞെടുപ്പില് കോണ്ഗ്രസിലെ ബെന്നി ബഹന്നാന് ഇവിടെ വന് മുന്നേറ്റമാണ് നടത്തിയത്. അതുകൊണ്ടു തന്നെ ഇരുമുന്നണികള്ക്കും വലിയ പ്രതീക്ഷയാണ് ഇരിങ്ങാലക്കുടയിലുള്ളത്. എന്നാല് ജേക്കബ് തോമസ് മത്സരരംഗത്തേക്ക് വരുമ്പോള് ശക്തമായ തൃകോണ മത്സരത്തിന് ഇരിങ്ങാലക്കുട വേദിയാകുമെന്ന കാര്യത്തില് സംശയമില്ല. ഇതോടെ ഇരു മുന്നണികളുടെയും നെഞ്ചിടിപ്പും വര്ധിക്കുകയാണ്. 2016-ല് 59,000 വോട്ടുകള് നേടി സിപിഎം വിജയിച്ച ഇരിങ്ങാലക്കുട മണ്ഡലത്തില് ബി.ജെപി.ക്ക് 30,420 വോട്ടാണ് ലഭിച്ചത്. ഇക്കുറി മണ്ഡലത്തില് ബി.ജെ.പി. വലിയ പ്രതീക്ഷയാണ് വെച്ചുപുലര്ത്തുന്നത്.
ലോക്സഭ തിരഞ്ഞെടുപ്പില് ട്വന്റി-20യുടെ സ്ഥാനാര്ഥിയായി ചാലക്കുടിയില്നിന്ന് ജനവിധി തേടാന് ഒരുങ്ങിയിരുന്നുവെങ്കിലും സംസ്ഥാന സര്ക്കാര് വി.ആര്.എസ്. അംഗീകരിക്കാതിരുന്നതിനാല് ജേക്കബ് തോമസിന് കളത്തിലിറങ്ങാന് സാധിച്ചിരുന്നില്ല. എന്നാല് വിരമിച്ചതോടെ ആ പ്രശ്നം മാറി. എന്നാല് ഇക്കുറി എന്.ഡി.എയ്ക്ക് ഒപ്പമാണ് ജേക്കബ് തോമസ്. ബി.ജെ.പി. നേതൃത്വം അദ്ദേഹത്തെ ബന്ധപ്പെട്ടിരുന്നു.
കഴിഞ്ഞവര്ഷം ഇരിങ്ങാലക്കുടയില് പോയിരുന്നു. അതിന്റെ ഒരുക്കങ്ങള് നടത്തിയിരുന്നു. തന്റെ അഴിമതി വിരുദ്ധ നിലപാട് എല്.ഡി.എഫിനും യു.ഡി.എഫിനും ഇഷ്ടമല്ല. പിന്നെ എന്.ഡി.എ. മാത്രമേയുള്ളൂ. അതിന്റെ സന്ദേശം എന്.ഡി.എ. അഴിമതിവിരുദ്ധ നിലപാട് കേരളത്തില് ഉണ്ടാകുമെന്ന് തന്നെ ആയിരിക്കുമെന്നും ജേക്കബ് തോമസ് പറയുന്നു. ബി.ജെ.പിയുടെ നിലപാടുകളെ പിന്തുണച്ച ജേക്കബ് തോമസ്, ന്യൂനപക്ഷ വോട്ടുകളും ഇത്തവണ പാര്ട്ടിക്ക് അനുകൂലമാകുമെന്നും പറഞ്ഞു. ദേശീയത ഉണ്ടാകുന്നത് നല്ലതാണ്. അത് നമ്മള് ഉയര്ത്തിപ്പിടിക്കണം. മുസ്ലിം ആയാലും ക്രിസ്ത്യന് ആയാലും ഒക്കെ ബി.ജെപിക്ക് മറ്റു സംസ്ഥാനങ്ങളില് സപ്പോര്ട്ട് ചെയ്യുന്നുണ്ട് എന്ന് കണ്ടിട്ടുള്ള കാര്യങ്ങള് തന്നെയാണ്. എന്തുകൊണ്ട് കേരളത്തില് ആയിക്കൂടയെന്നും ജേക്കബ് തോമസ് ചോദിക്കുന്നു.
അതെ സമയം ഇനിയുള്ള നാല് മാസം സര്ക്കാര് മികച്ച പ്രകടനം കാഴ്ചവെക്കുകയാണെങ്കില് ഭരണത്തുടര്ച്ചയ്ക്ക് സാധ്യതയുണ്ടെന്ന ജേക്കബ് തോമസിന്റെ നിലപാട് ബി.ജെ.പിക്കുള്ളില് വിമര്ശനത്തിന് ഇടയാക്കിയിരുന്നു. തദ്ദേശ തിരഞ്ഞെടുപ്പില് എല്ഡിഎഫിന്റെ വിജയ ഫോര്മുല ആയിരുന്നത് സ്ഥാനാര്ത്ഥി നിര്ണയമാണ്. അത്തരത്തിലുള്ള നീക്കം നിയമസഭ തിരഞ്ഞെടുപ്പിലും ഉണ്ടാകുകയാണെങ്കില് സാധ്യതയുണ്ട്. മറ്റ് മുന്നണികളും സ്ഥാനാര്ത്ഥി നിര്ണയത്തില് ശ്രദ്ധചെലുത്തിയാല് തിരഞ്ഞെടുപ്പ് ചിത്രം തന്നെ മാറും. കിറ്റും , ക്ഷേമ പെന്ഷനും ജനങ്ങളുടെ പണമാണെങ്കിലും സര്ക്കാരിന്റെ മുഖം ചിത്രം മാറ്റി. 21 വയസ്സുകാരിയെ പോലും മേയര് ആക്കാന് കാണിച്ച ധൈര്യം സര്ക്കാരിന് വലിയ മൈലേജ് ഉണ്ടാക്കി കൊടുത്തിട്ടുണ്ടെന്നുമാണ് ജേക്കബ് തോമസ് അഭിപ്രായപ്പെട്ടത്.
ഭരണത്തിലുള്ള സര്ക്കാരിന് തീര്ച്ചയായും ഒരു മേല്കൈ തിരഞ്ഞെടുപ്പിലുണ്ട്. എന്നാല് ഇക്കുറി ന്യൂനപക്ഷ- ഭൂരിപക്ഷ ഭേദമില്ലാതെ എല്ലാത്തരം ജനങ്ങളും ബിജെപിയോട് അടുക്കും. സ്ഥാനാര്ഥി നിര്ണയം മികച്ചതാണെങ്കില് എന്ഡിഎക്ക് വിജയം ഉണ്ടാകും. ഒരു 20- ട്വന്റിക്കാകുമെങ്കില് എന്ഡിഎക്ക് എന്തുകൊണ്ട് ഭരണം പിടിക്കാന് ആകില്ല..? കേരളത്തിലെ ജനങ്ങള്ക്ക് സ്ഥായിയായ എല്ഡിഎഫ്-യുഡിഎഫ് സ്നേഹമില്ല. എന്നാല് യുഡിഎഫിന് കേന്ദ്രത്തിലും കേരളത്തിലും ഭരണമില്ലാത്തതിനാല് കാര്യങ്ങള് അവര്ക്ക് പ്രതികൂലമാണ്. മികച്ച സ്ഥാനാര്ത്ഥി നിര്ണയത്തിലൂടെ മാത്രമെ ഇരുകൂട്ടര്ക്കും വിജയം ഉണ്ടാക്കാനാകുവെന്നു ജേക്കബ് തോമസ് പറഞ്ഞു.
https://www.facebook.com/Malayalivartha