കിട്ടാത്ത മുന്തിരി പുളിക്കുന്നു… നിവിന് പോളിയ്ക്കും നസ്രിയയ്ക്കും അവാര്ഡ് കൊടുത്തതിനെ ചോദ്യം ചെയ്യുന്നവരുടെ ലക്ഷ്യം വേറെയാ
സംസ്ഥാന ചലച്ചിത്ര അവാര്ഡുകള് പ്രഖ്യാപിച്ചതോടെ പതിവുപോലെ വിവാദവും വന്നിട്ടുണ്ട്. ഇത്തവണത്തെ മികച്ച നടനായി തെരഞ്ഞെടുത്തത് നിവിന് പോളിയേയും സുദേവ് നായരേയുമാണ്. നായികയായി നസ്രിയയും. അഭിനയത്തിന്റെ ഉയരങ്ങള് താണ്ടിയ മമ്മൂട്ടിയുള്പ്പെടെയുള്ള നടന്മാരെ മൂലയ്ക്കിരുത്തിയാണ് ഈ യുവനിര മുന്നിലെത്തിയത്.
മിക്കപ്പോഴും താര രാജാക്കന്മാര് അടക്കിവാണിരുന്ന മേഖലയാണ് സംസ്ഥാന അവാര്ഡുകള്. വല്ലപ്പോഴും മാത്രം തുടക്കക്കാര്ക്ക് കിട്ടിയെന്നു വരും. താര പ്രമാണിമാരെ സംതൃപ്തിപ്പെടുത്തേണ്ടി വരുമ്പോള് ചെറിയ താരങ്ങള് അഭിനയത്തില് എത്ര മുന്നില് നിന്നാലും അവരെ അവഗണിക്കാറാണ് പതിവ്. ഇത്തവണത്തെ അവാര്ഡ് പ്രഖ്യാപനത്തിന് മുമ്പും അത്തരം വാര്ത്തകളാണ് വന്നിരുന്നത്. മികച്ച നടനായി മമ്മൂട്ടിയേയും നടിയായി മഞ്ജു വാര്യരേയും തെരഞ്ഞെടുത്തു എന്നാണ് കേട്ടത്.
എന്നാല് കേട്ടതൊക്കെ കല്ലുവച്ച നുണയായിരുന്നു. അഭിനയത്തിന്റെ ഉസ്താദായ മമ്മൂട്ടിയേയും മഞ്ജു വാര്യരേയും പിന്തള്ളി നിവിനും നസ്രിയയും മുന്നിലെത്തി. എന്നാല് താരരാജാക്കന്മാരെ മനസാ വണങ്ങുന്ന ചിലര്ക്ക് ഈ പ്രഖ്യാപനം ദഹിച്ചില്ല. മമ്മൂട്ടിയും മഞ്ജുവും എവിടെക്കിടക്കുന്നു നിവിനും നസ്രിയയും എവിടെക്കിടക്കുന്നു. ചോദ്യ ശരങ്ങളുമായി ചിലര് ആഞ്ഞടിച്ചു. ചിലരാകട്ടെ അവാര്ഡ് ജയസൂര്യയ്ക്കും ലാലിനും മഞ്ജുവിനും ലെനയ്ക്കും നല്കണമെന്നും വാദിച്ചു.
മമ്മൂട്ടിയുടെ കഴിവും അഭിനയവും നേരില് കണ്ട് പരിചയിച്ച ആളായ പ്രശസ്ത തിരക്കഥാകൃത്ത് ജോണ് പോളായിരുന്നു ഈ ജ്യൂറിയുടെ ചെയര്മാന്. മമ്മൂട്ടിയുടെ അടുത്ത സുഹൃത്ത് കൂടിയായ ജോണ് പോള് മമ്മൂട്ടിക്ക് വേണ്ടി ഡസണ്കണക്കിന് തിരക്കഥകളാണ് എഴുതിയത്. കാതോട് കാതോരം, യാത്ര, പുറപ്പാട് അങ്ങനെ സൂപ്പര് ഹിറ്റായ എത്ര എത്ര കൂട്ടുകെട്ടുകള്. സിനിമയെപ്പറ്റിയും അഭിനയത്തെ പറ്റിയും നല്ല അറിവും ബോധവും ഉള്ള ആളാണ് ജോണ് പോള്. ആ ജോണ് പോള് നായകത്വം വഹിക്കുന്ന കമ്മറ്റിയില് നിന്നും മമ്മൂട്ടിയെ മന:പൂര്വം തഴയുമെന്ന് ആരും കരുതുന്നില്ല.
മമ്മൂട്ടിയ്ക്ക് അവാര്ഡ് പ്രതീക്ഷിച്ചിരുന്ന ചിത്രം മുന്നറിയിപ്പായിരുന്നു. ഇതിനിടെ മമ്മൂട്ടി ചെയ്ത ജയില് പുള്ളിയ്ക്ക് ഗ്ലാമര് കൂടിയത് കൊണ്ടാണെന്ന ഒരു കമന്റും വന്നു. സൗന്ദര്യത്തിനല്ലല്ലോ അവാര്ഡ് നല്കുന്നത്. കഥാപാത്രത്തിന് അനുയോജ്യമായ വേഷവും ഗ്ലാമറും ഒരുക്കേണ്ടത് തീര്ച്ചയായും സംവിധായകന് ഉള്പ്പെടെയുള്ള അണിയറ പ്രവര്ത്തകര് തന്നെ. സൗന്ദര്യം കൂടി എന്ന ഒറ്റ കാരണം കൊണ്ട് ജോണ് പോള് ഉള്പ്പെട്ട ജ്യൂറി അവാര്ഡ് നിഷേധിക്കില്ല.
അടുത്തത് പരിതപിക്കുന്നത് ജയസൂര്യക്ക് വേണ്ടിയാണ്. സിനിമയില് നിന്നും ഏതാണ്ട് ഔട്ടായി കൊണ്ടിരിക്കുന്ന ജയസൂര്യയ്ക്ക് പ്രതീക്ഷ നല്കുന്ന ചിത്രമായിരുന്നു അപ്പോത്തിക്കിരി. ഇടുക്കിക്കാരന് സുബിനെ ജയസൂര്യ മനോഹരമാക്കി എന്നതില് തര്ക്കമില്ല. കഥാപാത്രമാകാന് ശരീരത്തെ ഒരുക്കാന് ജയസൂര്യ നന്നായ് കഷ്ടപ്പെട്ടിട്ടുമുണ്ട്. എങ്കിലും ജ്യൂറിയുടെ കണ്ണില് ജയസൂര്യ പോര.
അതേസമയം മികച്ച നടനായി ജ്യൂറി തെരഞ്ഞെടുത്തത് നിവിന് പോളിയേയും പുതുമുഖമായ സുദേവ് നായരേയുമാണ്. സ്വവര്ഗാനുരാഗത്തിന്റെ കഥപറഞ്ഞ മൈ ലൈഫ് പാര്ട്ണര് എന്ന ചിത്രത്തിനാണ് സുദേവിന് അവാര്ഡ് കിട്ടിയത്. അതിനാരും തര്ക്കം ഉന്നയിക്കുന്നില്ല. നിവിന് പോളിക്ക് എന്തിന് അവാര്ഡ് കൊടുത്തു എന്നതാണ് ചോദ്യം. 1983, ബാംഗഌര് ഡേയ്സ് എന്നീ സിനിമകളിലെ അഭിനയത്തിനാണ് നിവിന് അവാര്ഡ് ലഭിച്ചത്. ജ്യൂറിയുടെ വാക്കില് പറഞ്ഞാല് പാത്രാവിഷ്ക്കാരത്തില് അവനവനെ ത്യജിച്ചുള്ള പകര്ന്നാട്ടത്തിലെ അനായാസതയ്ക്ക്. ഈ രണ്ട് ചിത്രങ്ങളും അവാര്ഡ് പടങ്ങളല്ല. അതിനാല് തന്നെ ഒട്ടുമിക്ക ജനങ്ങളും ഈ ചിത്രം കണ്ടിട്ടുണ്ട്. അവര് വിലയിരുത്തിയിട്ടുമുണ്ട്. നിവിന് പോളി നല്ല നടന് തന്നെയെന്നതില് അവര്ക്കും തര്ക്കമില്ല.
അടുത്തത് നായികയെ ചുറ്റിപ്പറ്റിയുള്ളതാണ്. ഹൗ ഓള്ഡ് ഓര് യു എന്ന ചിത്രത്തില് നിരുപമയെ അനശ്വരമാക്കിയ മഞ്ജു വാര്യര്ക്ക് അവാര്ഡ് നല്കകാത്തതിനെതിരെയും ചിലര് രംഗത്തു വന്നു. മഞ്ജുവിന്റെ ഏഴയലത്തു വരുമോ നസ്രിയ എന്ന് പലരും ചോദിക്കുന്നു. എന്നാല് നസ്രിയ നസ്രിയയാണ്. മഞ്ജു മഞ്ജുവാണ് എന്ന് മഞ്ജു വാര്യര് തന്നെ വിലയിരുത്തുന്നു. അവാര്ഡ് കിട്ടിയ അനിയത്തിക്കുട്ടിയെ മഞ്ജു അഭിനന്ദിക്കുകയും ചെയ്തു.
ഓം ശാന്തി ഓംശാന, ബാംഗഌര് ഡേയ്സ് എന്നീ ചിത്രങ്ങളിലെ അഭിനയത്തിനാണ് നസ്രിയയെ തെരഞ്ഞെടുത്തത്. കഥാപാത്രങ്ങളുടെ ഭാവസൂക്ഷ്മങ്ങളിലെ പ്രസരിപ്പിനെയും നിസഹായതയെയും ആത്മാവിലേക്കാവാഹിച്ചുകൊണ്ട് അനായാസസുന്ദരമായി കാഴ്ചവെച്ച പ്രകാശനത്തിനുമാണ് ജ്യൂറി അവാര്ഡ് നല്കിയത്.
നസ്രിയയ്ക്കും നിവിനും അവാര്ഡ് കിട്ടിയത് കൊമേഴ്സ്യല് ആയി വിജയം നേടിയ ചിത്രങ്ങളിലെ അഭിനയത്തിനാണ്. അതിനാല് തന്നെ ജനങ്ങള്ക്കറിയാം അവര് അഭിനയിച്ചത് എന്തെന്ന്. ഒരു കാര്യം പ്രത്യേകം ഓര്ക്കണം. ഈ അവാര്ഡ് പ്രഖ്യാപിച്ചത് ഒരു ഡസണില് താഴെ അംഗങ്ങളായ കമ്മറ്റിയാണ്. അവരുടെ വീക്ഷണത്തിനനുസരിച്ച് കമ്മിറ്റിയില് വന്ന ചിത്രങ്ങളേയാണ് അവര് വിലയിരുത്തിയത്. വേറെ പത്തുപോരാണ് നോക്കിയതെങ്കില് വേറെ പലര്ക്കുമായിരുന്നേനെ അവാര്ഡ്.
ഇതൊന്നും മനസിലാക്കാതെയാണ് വിവാദവുമായി ചിലര് ഇറങ്ങിത്തിരിച്ചത്. ഈ അവാര്ഡ് നസ്രിയയ്ക്കും നിവിന് പോളിക്കും പൊന്തൂവല് തന്നെ. ഇനി ആരൊക്കെ എന്തൊക്കെ പറഞ്ഞാലും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha