ഗിരിജയും സൗദാമിനിയും, ഗിരിയും മിനി യുമായി നിൽക്കുവാണെ....

എന്നെ ഇതുവരെയും ആരും മിനി എന്ന് വിളിച്ചിട്ടില്ല,

" അതിനെന്താ ഞാൻ വിളിക്കുകയല്ലേ, സന്തോഷമായോ, എന്ന് സൗദാമിനി ചോദിച്ചപ്പോൾ തന്നെ ഗിരിജയ്ക്ക് മനസിലായി,

" ഇവർക്ക് എന്റെ അടുത്ത് നിന്നും, എന്തോ അറിയണം. അതിനു വേണ്ടിയാ ഈ വട്ടം ചുറ്റൽ... എനിക്കും അത് നല്ലതാ, ഇവരുടെ കൂടെ കൂടിയാൽ അല്ലേ മാളുവിനെ പറ്റി എല്ലാം അറിയാൻ പറ്റൂ...

എന്നൊക്കെ ഗിരിജ ചിന്തിക്കുവാണ്....

അപ്പോൾ സൗദാമിനി ചോദിക്കുന്നുണ്ട്,

അന്ന് നിങ്ങളല്ലേ പറഞ്ഞത്, ഈ മാളുവിന്റെ ഡിഎൻഎ ടെസ്റ്റ് നടത്തണമെന്ന് പിന്നെ അത് എന്തായി??

ഞാൻ പറഞ്ഞതാ, പക്ഷേ, പിന്നീട് ആരും മൈൻഡ് ചെയ്തില്ല എന്ന് ഗിരിജ പറഞ്ഞു.

അപ്പൊ ഗിരിജ ചോദിക്കുവാണ്, നിനക്ക് അവൾ മാളു ആണോ എന്ന് സംശയം ഉണ്ടല്ലേ...

സൗദാമിനി കേൾക്കാൻ കൊതിച്ചിരുന്ന ചോദ്യം തന്നെ...

" പിന്നെ ഇല്ലാതിരിക്കുമോ, ആ അവിനാശ് കൊണ്ടുവന്നതാണ് ഇവളേ.... അവനെ ഒരു മുഴു കള്ളൻ, ഇവൾ ഇനി കള്ളി ആണോ അല്ലയോ എന്ന് എങ്ങനെ അറിയാം. "

സൗദാമിനി ഇങ്ങനെ പറഞ്ഞപ്പോൾ, ഗിരിജ പറയുകയാണ്....

" ഇതുപോലെത്തെ ഒരു ചെറിയ സംശയം എനിക്കും ഉണ്ടായിരുന്നു. "

ഇതേസമയം, തുമ്പി പവിത്രയുടെ മുന്നിൽനിന്ന് വിയർക്കുകയാണ് കേട്ടോ....

" അല്ല വീട് എവിടെ എന്നാ പറഞ്ഞത്??

എന്ന് പവിത്ര ചോദിക്കുമ്പോൾ, തുമ്പി പറയുകയാണ്.... ടൗണിൽ തന്നെയാ....

ടൗണിൽ ഓ, അവിടെ എവിടെ ആയിട്ട് വരും?

അവിടെ അടുത്ത് തന്നെയാണ്... എന്നൊക്കെ പറഞ്ഞു, ഒഴിയാൻ തുമ്പി നല്ലോണം നോക്കുന്നുണ്ട് കേട്ടോ....

പക്ഷേ, പവിത്ര വിടുന്ന മട്ടില്ല...

" എന്റെ അച്ഛന്റെ നാട് കോട്ടയത്താ... എനിക്ക് അവിടെ കുറെ റിലേറ്റീവ്സും ഫ്രണ്ട്സ് ഒക്കെ ഉണ്ട്, അപ്പോൾ നമുക്ക് പരിചയമുള്ളവർ ആണോ എന്ന് അറിയാൻ വേണ്ടിയാണ്... ഞാൻ ഇങ്ങനെയൊക്കെ ചോദിക്കുന്നത് കേട്ടോ... "'

തുമ്പി യാണെങ്കിൽ ആകെ വിളറി, എന്തുപറയണമെന്നറിയാതെ നിൽക്കുവാണേ...

എന്നിട്ട് ഇങ്ങനെ മനസ്സിൽ പറയുന്നുണ്ട്,

" ഓ... എനിക്ക് കോട്ടയവും അറിയില്ല, അവിടെയുള്ള ഒരു സ്ഥലവും നേരെ ചൊവ്വേ അറിയില്ല... ഇവൾ എന്നെ കുരുക്കുമല്ലോ. "

തുമ്പിയുടെ മുഖഭാവം ഒക്കെ കണ്ടപ്പോൾ, പവിത്രയ്ക്ക് ചെറിയ ഡൗട്ട് തോന്നി കേട്ടോ....

" എന്തോ കള്ളത്തരം ഉണ്ടല്ലോ ഇവളുടെ മുഖത്ത്...

എന്നൊക്കെ ചിന്തിച്ചിട്ട്, തുമ്പിയോട് ചോദിക്കുവാണ്..

കോട്ടയത്തെ ഏതു കോളേജിലാ പഠിച്ചത്, നാട്ടകത്തെ ആ കോളേജിൽ ആണോ... "

പവിത്ര വീണ്ടും ഇങ്ങനെ ചോദിക്കുമ്പോൾ, എനിക്ക് എന്ത് ചെയ്യണം എന്ന് അറിയില്ല.... കൂടെ ശ്രേയയും ഉണ്ടല്ലോ. പെട്ടാൽ പിന്നെ തീർന്നു.

പറ്റിയ അവസരം നോക്കി, പവിത്ര ഒരു കുരുക്കിട്ട്

" മാളു വിന്റെ വീട് കോട്ടയത്ത് അല്ലേ.... നമുക്ക് മൂന്നു പേർക്കും കൂടി ഒരു ദിവസം അങ്ങോട്ട് പോയാലോ... ചേച്ചി ഓക്കേ ആണോ?? അവിടെ പോയി, എനിക്ക് ഫ്രണ്ട്സിനെയും റിലേറ്റീവ്സ്നെയും കാണാമായിരുന്നു. "

പവിത്ര ചോദിക്കേണ്ട താമസം, ശ്രേയ ഒക്കെ പറഞ്ഞു.

" ഇവൾ ഇവിടെ വന്നിട്ട്, ഇതുവരെയും തിരിച്ച് അങ്ങോട്ട് പോയില്ലല്ലോ.... നമുക്ക് മൂന്നു പേർക്കും കൂടി ഒരുദിവസം പോകാം. "

ശ്രേയ ഇങ്ങനെ പറഞ്ഞതും, തുമ്പിക്ക് ഒന്നും പറയാൻ പറ്റിയില്ല. ഇനി അതിനുവേണ്ടി തുമ്പി എന്ത് വഴി കണ്ടെത്തുമോ എന്തോ...

അടുത്ത് കാണിക്കുന്നത്, സൗദാമിനിയും ഗിരിജയെയുമാണ്.

" അവൾക്കേ ഏതോ ഒരു കാമുകൻ ഉണ്ടെന്നാ തോന്നുന്നത്. അവൾ ഇടയ്ക്ക് ചാടി പോകാൻ ഒക്കെ ശ്രമിച്ചതാ. ഇപ്പോഴത്തെ പെൺപിള്ളേർക്കെ, സ്വന്തക്കാരെ ക്കാളും വലുതാ കാമുകന്മാർ. "

സൗദാമിനി ഇങ്ങനെ പറഞ്ഞപ്പോൾ, ആകാംക്ഷയോടെ കേൾക്കുകയാണ് ഗിരിജ. പിന്നെ വേറെ വല്ലതും സംഭവിച്ചോ??

" ആ ഉണ്ട് ഉണ്ട്... ഇടയ്ക്ക്, ഈ ശ്രേയയ്ക്ക് ഒരു ശിങ്കിടി ഉണ്ട്. റിട്ടയേഡ് എസ്പി... അയാൾ ഒരിക്കൽ വീട്ടിൽ വന്നപ്പോൾ, ഇവൾ ഉണ്ടല്ലോ ഈ മാളു... മുഖത്തു കുറെ ക്രീം ഒക്കെ വാരിയിട്ട്, മനസ്സിലാക്കാൻ പറ്റാത്ത രീതിയിൽ ആ അയാളുടെ മുന്നിൽ വന്നു നിന്നത്. എനിക്ക് അന്നേ ഒരു സംശയമുണ്ട്, ഇനി ഇവളെയും ഇവളുടെ കാമുകനെയും കൂടെ എവിടെയെങ്കിലും റെയ്ഡിൽ വെച്ച് അയാൾ പിടിച്ചിട്ട് ഉണ്ടെങ്കിലോ... അതായിരിക്കും അവൾ അന്ന് അങ്ങനെ വന്നത്. "

ഇത് കേട്ടപ്പോൾ ഗിരിജ, അന്തിച്ചൊരു നിൽപ്പാണേ... എന്നിട്ട് പറയുകയാണ്,

" നമ്മൾ ഒരുമിച്ച് നിന്നാൽ, അവളെ കയ്യോടെ പൂട്ടാം. കൂടെ നിൽക്കുമോ. "

ആഹാ, സൗദാമിനി കേൾക്കാൻ കൊതിച്ചിരുന്ന ചോദ്യം.

" പിന്നെ നിൽക്കാതെ, പക്ഷേ എനിക്ക് ഒരു കാര്യം ചെയ്തു തരണം... ഒരു ചെറിയ കാര്യം. എന്നിട്ട് ഞാൻ കൈ തരാം... "

അതെന്താടി അക്കാര്യം എന്ന് ഗിരിജ ചോദിക്കുമ്പോൾ, സൗദാമിനി പറയുവാണ്...

" എനിക്ക് അമേരിക്കയിലേക്ക് ഒരു വിസ സംഘടിപ്പിച്ചു തരുമോ??

ഇതുകേട്ടപ്പോൾ ഗിരിജ

" വിസയോ, ഇതാണോ ചെറിയ കാര്യം... അല്ല നിനക്ക് എന്തിനാണ് വിസാ, അവിടെ ജോലി വല്ലതും ഉണ്ടോ?? "

ഇങ്ങനെ ഗിരിജ ചോദിച്ചപ്പോൾ, സൗദാമിനി പറഞ്ഞു.

" ജോലിയൊക്കെ സെറ്റാ... എനിക്കും വിസ സംഘടിപ്പിച്ചു തന്നാൽ മതി. "

ഗിരിജക്ക് എന്തായാലും കാര്യങ്ങളൊക്കെ അറിയണ്ടേ, അതുകൊണ്ട് അങ്ങോട്ട് ഒക്കെ പറഞ്ഞു കേട്ടോ...

ഇതേസമയം, അവിനാശും സഹദേവനും കൂടിവരികയാണ്.

" സുകുമാരൻ തമ്പിയുടെ കാർ അല്ലേ കിടക്കുന്നത്... ഇന്ന് എല്ലാവരും ഉണ്ടല്ലോ... അവളെ ഭീഷണിപ്പെടുത്തി നിലനിർത്തണം. എല്ലാവരുടെയും മുന്നിൽ വച്ച് സത്യങ്ങൾ വിളിച്ചു പറയുമെന്ന്. "

ഇങ്ങനെ അവിനാശ് സഹദേവനോട് പറയുകയാണ്,

"ശരിയാണെടാ, നല്ല പണി കൊടുക്കണം ആ തുമ്പിയ്ക്ക്, ആ മുട്ടയിൽ എനിക്ക് തന്ന പണിക്ക്... രണ്ടു കുപ്പി ഗ്ലൂക്കോസ് ഇറക്കിയപ്പോഴാണ് വയർ ഒന്ന് ശരിയായത്."

സഹദേവന് ഇങ്ങനെയൊക്കെ പറഞ്ഞപ്പോൾ, അവിനാശിന് ചെറിയ ചിരിയും വന്നു കേട്ടോ...

ഇവർ നേരെ വീട്ടിലേക്ക് കയറുമ്പോൾ, ദാ അവിടെ നില്ക്കുന്നു പവിത്ര. പവിത്രയെ കണ്ടതും, പിന്നെ അവിനാശിന് അവിടെ നിൽക്കേണ്ട എങ്ങനെയെങ്കിലും പോയാൽ മതി.

" ഹായ് അവിനാശ്... എത്ര ദിവസമായി കണ്ടിട്ട്, നീ എന്താ എന്നെ ഒന്ന് വിളിക്കാത്തത്... എന്നൊക്കെ ചോദിച്ചിട്ട്. " ഓടിച്ചെന്ന് കെട്ടിപ്പിടിക്കുക യാണ് പവിത്ര.

അവിനാശിനാണെങ്കിൽ എന്ത് ചെയ്യണം എന്ന് അറിയില്ല...

" എന്റെ ഫോൺ കംപ്ലൈന്റ് ആയിരുന്നു അതാ വിളിക്കാത്തത്..

മൂന്നുമാസംകൊണ്ടു നിന്റെ ഫോൺ കംപ്ലൈന്റോ... കൊള്ളാമല്ലോ, എന്താ എന്നെ ഒന്ന് ഹഗ് ചെയ്യാതെ!!

എന്നൊക്കെ പവിത്ര ചോദിക്കുന്നുണ്ട് കേട്ടോ...

ഒന്നും പറയാൻ പറ്റാത്ത അവിനാഷ്, ചെറുതായിട്ട് ഒന്ന് ഹഗ് ചെയ്യുന്നുണ്ട് കേട്ടോ...

അപ്പോഴേക്കും തുമ്പി വന്നിട്ട് പറയുവാണ്, കൊള്ളാലോ രണ്ടുപേരും മെയ്ഡ് ഫോർ ഈച്ച് അതർ....

" എന്താ തുമ്പി ഇങ്ങനെയൊക്കെ പറയുന്നത്, ഇവൾക്ക് എപ്പോഴും എല്ലാം കുട്ടി കളിയാ....'' എന്നുപറഞ്ഞ് അവിനാഷ് തുമ്പിയെ ചെറുതായിട്ട് അടിക്കുന്നുണ്ട് കേട്ടോ..

അപ്പോ സഹദേവൻ ചിന്തിക്കുകയാണ്...

" ഇതാണോ ഇവൻ ഇവൾക്ക് അടി കൊടുക്കും എന്ന് പറഞ്ഞു ഇവൻ കേറി വന്നത്. "

എന്തായാലും വിഷയം മാറ്റണം അല്ലോ... അതുകൊണ്ട് ചാടി കേറി പറയുവാണ്....

" വാ നമുക്ക് കഴിക്കാൻ പോകാം. "

അതിനു നമ്മൾ എല്ലാം കഴിച്ചാലോ.... എന്ന് തുമ്പിയും.

" എങ്കിൽ ഞാനും, സഹദേവൻ അങ്കിളും കൂടി കഴിക്കാം... " എന്ന് അവിനാഷ് പറയുമ്പോൾ..
സഹദേവൻ പറയുകയാണ്,

" നീ കഴിച്ചോ നന്നായിട്ട്.... എനിക്ക് ലൈറ്റ് ആയിട്ട് എന്തെങ്കിലും മതി അതാ എന്റെ വയറിന് നല്ലത്.''

ഇത് കേട്ട്, തേയ്ക്കും തുമ്പിക്കും നല്ല ചിരി വരുന്നുണ്ട്.

ഇതൊക്കെ കഴിഞ്ഞ്, സുകുമാരൻ അങ്കിളും ഗിരിജയും ഒക്കെ ഇറങ്ങാൻ നിൽക്കുവാണ്....

" എടാ അവിനാശേ... ഇന്നു തന്നെ ഓഫീസിൽ വിളിച്ച് എല്ലാം ശരിയാക്കണം. നാളെ മുതൽ മാളു ഓഫീസിൽ ചാർജ് എടുക്കുകയാണ്. "

ഇറങ്ങാൻ നേരം, സുകുമാരൻ ഇങ്ങനെ പറഞ്ഞപ്പോൾ, എല്ലാം ശരിയാക്കാം എന്ന് അവിനാശും പറയുന്നുണ്ട്..

അപ്പോഴേക്കും പവിത്ര വരുവാണേ.... എന്നിട്ട് അവിനാശിനോട് ചോദിക്കുകയാണ്,

" എന്നെ ഇന്ന് വിളിക്കുമോ...

അവിനാഷിന്, ഒന്നും പറയാനും വയ്യ, പറയാതിരിക്കാനും വയ്യ ആ അവസ്ഥയാണ്.

ഇതൊക്കെ കണ്ടിട്ട്, തുമ്പി വിചാരിക്കുന്നുണ്ട്.. ഈ ശ്രേയ ചേച്ചി, എന്താ ഇങ്ങനെ ഇവളുടെ സംസാരം കണ്ടില്ലേ...

എന്നിട്ട്, അവിനാശിനോട് പോയി പറയുന്നുണ്ട് നിങ്ങൾ രണ്ടുപേരും നന്നായി ചേരുന്നുണ്ട് എന്ന്..

പവിത്ര അപ്പോൾ ചിരിക്കുന്നുണ്ടെങ്കിലും, അവിനാശിന്റെ മുഖം ഒക്കെ വല്ലാതെ ഇരിക്കുവാണെ...

എന്നിട്ട് തുമ്പിയെ വിളിച്ച്, മാറ്റി നിർത്തി അവിനാഷ് സംസാരിക്കുകയാണ്.

" ദേ നിന്റെ കളി ഇത്തിരി കൂടുന്നുണ്ട്. ശ്രേയ ഒരിക്കലും ഞാനും പവിത്രയും ആയിട്ട് ഉണ്ടായിരുന്ന ബന്ധമൊന്നും അറിയരുത്. നമ്മൾ മൂന്നുപേരും ഒരുമിച്ചു നിന്നാൽ, ഗുണം നമുക്കായിരിക്കും. " എന്നൊക്കെ അവിനാശ് പറയുമ്പോൾ,

നിന്റെ എല്ലാ കളികളും, ഞാൻ തീർത്തു തരാം.... നിന്റെ കയ്യിൽ നിന്നും ശ്രേയ ചേച്ചിയെ രക്ഷിച്ച് സത്യങ്ങൾ അറിയിച്ചിട്ടെ, ഞാൻ ഇവിടെ നിന്നും പോകൂ.... എന്നിങ്ങനെ മനസിൽ പറയുകയാണ് തുമ്പി.

എന്തായാലും അവിനാഷിനെ തുമ്പി കുരുക്കുന്നത് നമുക്ക് കാത്തിരുന്ന് കാണാം