അറക്കല്‍ രാജ കുടുംബാംഗമാണെന്ന് പരിചയപ്പത്തെി വിവാഹം കഴിച്ച് വഞ്ചിച്ച കേസില്‍ പിടിയിലായ കോഴിക്കോട്ടെ നസീമ ജയില്‍ ചാടി. തിരുവനന്തപുരം, കൊച്ചി, തൃശൂര്‍, പത്തനംതിട്ട, മലപ്പുറം ജില്ലകളിലായി നസീമയുടെ പേരില്‍ മോഷണക്കേസുകളുണ്ട്.
കുതിരവട്ടം മാനസികാരോഗ്യ കേന്ദ്രത്തില്‍ നിന്നുമാണ് നസീമ തടവുചാടി രക്ഷപ്പെട്ടത്. പന്ത്രണ്ടോളം കേസുകളിലെ പ്രതിയായ പരപ്പനങ്ങാടി സ്വദേശി നസീമയാണ് സിനിമാക്കഥയെ വെല്ലുന്ന തരത്തില്‍ രക്ഷപ്പെടല്‍ നടത്തിയത്. 
പിടിയിലാതിനു ശേഷം മാനസിക രോഗമുണ്ടെന്ന് നസീമ പറഞ്ഞതിനത്തെുടര്‍ന്നാണ് പൊലീസ് ഇവരെ കുതിരവട്ടം മാനസിക രോഗ ആശുപത്രിയില്‍ പ്രവേശിപ്പിച്ചത്. ശനിയാഴ്ച പുലര്‍ച്ചെയോടെയാണ് ആശുപത്രി കുളിമുറിയിലെ ഭിത്തി തുരന്ന് നസീമ രക്ഷപ്പെട്ടത്. മരത്തടി ഉപയോഗിച്ച് മതിലില്‍ കയറിയതിന് ശേഷം തുണി കെട്ടി പുറത്ത് ചാടിയാണ് രക്ഷപ്പെട്ടത്. 
നസീമയെ മാനസിക ബുദ്ധിമുട്ടുകള്‍ കണ്ടെത്തിയതിനെത്തുടര്‍ന്ന് രണ്ടാഴ്ച മുന്‍പാണു കുതിരവട്ടം മാനസികാരോഗ്യകേന്ദ്രത്തിലേക്കു മാറ്റിയത്. സെല്ലില്‍ ഒറ്റയ്ക്ക് പാര്‍പ്പിച്ചിരിക്കുകയായിരുന്ന നസീമ സെല്ലില്‍ വലിയൊരു ദ്വാരമുണ്ടാക്കി പുറത്തുചാടി. സെല്ലിനു പുറകിലെ കാടുപിടിച്ചു കിടക്കുന്നസ്ഥലത്തു കൂടി 10 അടിയിലേറെ പൊക്കമുള്ള മതില്‍ ചാടി ഇവര്‍ രക്ഷപ്പെടുകയായിരുന്നു. ആശുപത്രിയിലെ ജീവനക്കാരാണ് സംഭവം കണ്ടെത്തിയത്. ഇവര്‍ ഭിത്തി തുരക്കാനുപയോഗിച്ച മഴു പൊലീസ് ആശുപത്രി വളപ്പില്‍ നിന്നും കണ്ടെടുത്തു.
വിവിധ ജില്ലകളിലായി 15 മോഷണക്കേസുകളില്‍ പ്രതിയാണ് നസീമ. വീട്ടുജോലിക്കാരിയായി നിന്ന് വീടുകളില്‍ നിന്ന് സ്വര്‍ണ്ണവും ആഭരണവും കവര്‍ന്ന് മുങ്ങുന്നതാണ് ഇവരുടെ രീതി. അറയ്ക്കല്‍ രാജകുടുംബാംഗം എന്ന് വിശ്വസിപ്പിച്ചു വേങ്ങര സ്വദേശിയെ വിവാഹം കഴിച്ച ശേഷം മുങ്ങിയ കേസിലായിരുന്നു ഇവര്‍ വേങ്ങര പൊലീസിന്റെ പിടിയിലായത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha