കണ്ടുപിടിത്തങ്ങളുടെ ലോകമായിരുന്നു ദീപുവിന്റെത്, പഠിക്കാന് മിടുക്കനായിരുന്നു ദീപു പക്ഷേ എപ്പോഴോ മനസിന്റെ താളം തെറ്റി
പഠിക്കാന് മിടുക്കനായിരുന്നു ദീപു എന്ന ചെറുപ്പക്കാരന്. പക്ഷേ, എപ്പോഴോ രക്ഷിതാക്കള് പോലും അറിയാതെ ദീപുവിന്റെ മനസ് തെറ്റായ ദിശയിലേക്ക് സഞ്ചരിച്ചു. കണ്ടുപിടുത്തങ്ങളുടെ ലോകമായിരുന്നു ദീപുവിന്റെത്. ഹെലികോപ്ടറുകള്, പൊട്ടിചിരിക്കുന്ന പാവകള്, സോളാര് ലൈറ്റ്, താനേ പറക്കുന്ന വിമാനങ്ങള് അങ്ങനെ പലതും ഉണ്ടാക്കാന് ദീപുവിന് അതിയായ താല്പര്യമായിരുന്നു. ശരിക്കും പറഞ്ഞാല് കണ്ടുപിടുത്തങ്ങളുടെ താഴ്വരയാണ് പൂവന്തുരുത്ത് കൊച്ചുപറമ്പില് ദീപുവിന്റെ വീട്. ആരോടും അധികം സംസാരിക്കാത്ത പ്രകൃതക്കാരനായിരുന്നു ദീപു. നിഗൂഢതകള് കൊണ്ട് നിറഞ്ഞതായിരുന്നു ദീപുവിന്റെ മനസും മുറിയും.
എല്ലാവരും അലക്ഷ്യമായി ഉപേക്ഷിക്കുന്ന വസ്തുക്കള് ദീപുവിന്റെ കൈകളില് പുതിയ വസ്തുവിന്റെ രൂപമായി മാറും. ദീപു ഒരു മാനസിക രോഗിയാണെന്ന് നാട്ടുക്കാര്ക്കും സുഹ്യത്തുക്കള്ക്കും നല്ലപ്പോലെ അറിയാമായിരുന്നു. പക്ഷേ, ട്രെയിന് അട്ടിമറിക്കാനുള്ള ധൈര്യം ദീപുവിന് ഉണ്ടാകുമെന്ന് ആരും വിശ്വാസിക്കുന്നില്ല. പഠിക്കാന് മിടുക്കനായിരുന്ന ദീപു പള്ളം സി.എം.എസ് സ്കൂളില് പ്രഥമിക വിദ്യാഭ്യാസം പൂര്ത്തിയാക്കി. കോട്ടയം സി.എം.എസ് കോളേജില് പ്രീഡിഗ്രി പഠിച്ചു.
ചെറുപ്പം മുതല്ക്കേ ഇലക്ട്രോണിക് ഉപകരണങ്ങളുടെ പരീക്ഷണശാലയായിരുന്നു ദീപുവിന്റെ മുറിയും മനസും. പ്രീഡിഗ്രി കഴിഞ്ഞാല് ഏത് കോഴ്സ് ചെയ്യണമെന്ന് ദീപുവിനും രക്ഷിതാക്കള്ക്കും തീരെ സംശയമില്ലായിരുന്നു. ബാംഗ്ലൂരിലെ പോളിടെക്നിക് കോളേജില് എന്ജിനീയറിംഗിനയച്ചു. ആദ്യമൊക്കെ പഠിക്കാന് താല്പര്യം കാണിച്ചെങ്കിലും പിന്നീട് ദീപുവില് മാറ്റങ്ങള് കണ്ടു തുടങ്ങുകയായിരുന്നു. എല്ലാവരോടും ചിരിച്ച് പ്രസരിപ്പോടെ നടന്ന ദീപു പിന്നീട് മാനസിക രോഗിയായി മാറി. മാനസികാസ്വസ്ഥ്യം പ്രകടിപ്പിക്കാനും തുടങ്ങി. കോഴ്സ് പൂര്ത്തിയാക്കാതെ വീട്ടിലേക്ക് ദീപു തിരിച്ചു. മകന്റെ അവസ്ഥ ഓര്ത്ത് രക്ഷിതാക്കള് കരയാത്ത ഒരു ദിവസം പോലും ഉണ്ടായിരുന്നില്ല. ദീപുവിന് കുറച്ച് നാള് ചികിത്സ നടത്തിയെങ്കിലും യാതൊരു മാറ്റവും ഉണ്ടായില്ല.
വീണ്ടും പഴയ ലോകത്തേക്ക് ദീപു എത്തി. തന്റെ രോഗം കൂടുതല് ഭേദമാക്കാന് പ്രാര്ത്ഥനകള്ക്കേ സാധിക്കൂ എന്നാണ് ദീപു പിന്നീട് വിശ്വാസിച്ചത്. ഇയാള് പ്രര്ത്ഥനയുടെ വഴിയിലേക്ക് പോവുകയായിരുന്നു. ആ യാത്ര മുംബൈ ആസ്ഥാനമായി പ്രവര്ത്തിക്കുന്ന ഒരു പ്രാര്ത്ഥനാലയത്തിലെത്തിച്ചു. കുറച്ചു നാള് അവരുടെ ജീവകാരുണ്യ പ്രവര്ത്തനങ്ങളിലും മറ്റും സഹകരിച്ച് ജോലി ചെയ്തു. പിന്നീട് രണ്ട് വര്ഷം മുന്പാണ് ദീപു നാട്ടില് തിരികെ എത്തുന്നത്. പ്രാര്ത്ഥന എല്ലാം കഴിഞ്ഞ് ദീപു വീട്ടിലെത്തിയപ്പോള് എല്ലാവരെയും നിരാശപ്പെടുത്തി. ആരോടും മിണ്ടാത്ത ഒരു മാനിസക രോഗിയെ പോലെയായി പിന്നീട് ദീപുവിന്റെ ജീവിതം.
നാട്ടില് ദീപുവിന് സുഹൃത്തുക്കളൊന്നുമില്ലെന്നാണ് അറിയുന്നത്. വീട്ടിലെത്തിയാല് ദീപു തന്റെ ഇരുണ്ട മുറിയില് ഒറ്റയ്ക്ക് ആരോടും മിണ്ടാതെ ഇരിക്കുന്നതാണ് രക്ഷിതാക്കള് കാണാറുള്ളത്. ഫോണില് ചെലവഴിക്കുന്ന ഇയാള് നാട്ടുകാരോടും വീട്ടുകാരോടും അധികമൊന്നും സംസാരിക്കില്ല. ശബ്ദമുണ്ടാക്കുന്ന പാവയും മിന്നിത്തെളിയുന്ന ബള്ബുകളും പുതിയ വാഹനങ്ങളുടെ മോഡലുകളും ദീപുവിന്റെ കൈകളിലൂടെ ജീവന് വച്ചു. പക്ഷേ ദീപുവിന്റെ ജീവിതം മാത്രം ഇരുട്ടിന്റെ കൈകളില്. ചിങ്ങവനത്തില് ട്രാക്കില് ബൈക്ക് കണ്ടെത്തി ദിവസം ദീപു വൈകിയാണ് വീട്ടിലെത്തിയതെന്നാണ് വീട്ടുക്കാര് പറയുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha