ഈ വീഡിയോ ആ അപകടത്തിന്റേയോ? സംശയം ബാക്കി
ഇപ്പോള് സോഷ്യല് മീഡിയയില് പ്രചരിക്കുന്ന വീഡിയോ നമ്മളില് ഞെട്ടലുണ്ടാക്കുന്നു. തിരുവനന്തപുരം എന്ജിനീയറിങ് കോളേജില് ഓണാഘോഷത്തിനിടെ തെസ്നി ബഷീര് എന്ന മൂന്നാംവര്ഷ വിദ്യാര്ത്ഥിനി ദാരുണമായി മരിച്ച സംഭവം ഓര്മ്മപ്പെടുത്തുന്നതാണ് വീഡിയോ. എന്ജിനീയറിങ് കോളജിലെ മെന്സ് ഹോസ്റ്റലിലെ ഒരു വിഭാഗം വിദ്യാര്ത്ഥികളുടെ ഓണാഘോഷം അതിരുവിട്ടതോടെയാണ് ദാരുണമായ ഈ സംഭവം അരങ്ങേറിയത്. തുറന്ന ജീപ്പുമായി വിദ്യാര്ത്ഥികള് ആഘോഷം നടത്തുന്നതിന് ഇടെയാണ് ക്ലാസ് കഴിഞ്ഞ് ഹോസ്റ്റലിലേക്ക് മടങ്ങുകയായിരുന്ന തെസ്നി ബഷീര് നിയന്ത്രണം വിട്ടുപാഞ്ഞുവന്ന ജീപ്പ് ഇടിച്ചു കൊലപ്പെട്ടത്.
ഇങ്ങനെ വിദ്യാര്ത്ഥിനിയുടെ അപകടത്തിന് ഇടയാക്കിയതെന്ന വിധത്തില് ഒരു വീഡിയോ സോഷ്യല് മീഡിയ വഴി പ്രചരിക്കുകയാണിപ്പോള്. കേരളം ഏറ്റവും അധികം ചര്ച്ച ചെയ്യുന്ന വിഷയമാണ് ഇപ്പോള് തെസ്നിയുടെ മരണവും കേരളത്തിലെ കോളേജ് കാമ്പസുകളിലെ അതിരുവിട്ട ഓണാഘോഷവും. ഈ പശ്ചാത്തലത്തില് തന്നെയാണ് സിഇടി ദുരന്തം എന്ന വിധത്തില് വീഡിയോ വാട്സ് ആപ്പിലും ഫേസ്ബുക്കിലുമായി പ്രചരിക്കുന്നതും.
സിഇടിയിലെ അപകടം വരുത്തിവച്ച കോടാലി ജീപ്പിന്റെ മാതൃകയിലുള്ള ജീപ്പാണ് വീഡിയോയില് കാണുന്നതും. തുറന്ന ജീപ്പില് വിദ്യാര്ത്ഥികള് അതിവേഗം ചീറിപ്പാഞ്ഞു പോകുന്നതും ഒടുവില് നിയന്ത്രണം വിട്ട് അടുത്തുള്ള കെട്ടിടത്തില് തട്ടി മറിയുന്നതുമാണ് വീഡിയോയില് ഉള്ളത്. മൊബൈല് ഫോണില് ഏതോ വിദ്യാര്ത്ഥി പകര്ത്തിയ ദൃശ്യങ്ങളാണ് പ്രചരിക്കുന്നത്.
എന്നാല്, സിഇടിയിലെ അപകടത്തിന്റെ ദൃശ്യങ്ങളെന്ന വിധത്തില് പ്രചരിക്കുന്ന ഈ വീഡിയോയുടെ വസ്തുതകള് ഇനിയും പുറത്തുവന്നിട്ടില്ല. വീഡിയോ തെറ്റാണെന്ന് നിരവധി പേരാണ് ചൂണ്ടിക്കാട്ടുന്നുണ്ട്. മറ്റൊരു സ്ഥാപനത്തില് ഓട്ടോഷോയുടെ ഭാഗമായി നടന്ന പരിപാടിയില് ഉണ്ടായ അപകടമാണ് ഇപ്പോള് സിഇടിയുടേത് എന്ന പേരില് പ്രചരിക്കുന്നതെന്നാണ് സോഷ്യല് മീഡിയയിലൂടെ നിരവധി പേര് അഭിപ്രായപ്പെടുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha