ഷീന ബോറ മരിച്ചിട്ടില്ല… യു.എസില്‍ ജീവനോടെയുണ്ടന്ന് ഇന്ദ്രാണി മുഖര്‍ജി; നിര്‍ണായകമായ വെളിപ്പെടുത്തലില്‍ വട്ടം ചുറ്റി പോലീസ്
ഷീന ബോറ മരിച്ചിട്ടില്ലെന്ന ഉറച്ച നിലപാടില്‍ അമ്മയായ ഇന്ദ്രാണി മുഖര്‍ജി. ഇതോടെ ഷീന ബോറ
വധക്കേസ് നിര്‍ണായകമായ വഴിത്തിരിവിലേക്ക് നീങ്ങുകയാണ്. ഷീന മരിച്ചിട്ടില്ലെന്നും അവര്‍ യു.എസില്‍ ജീവനോടെയുണ്ടന്നും ഇന്ദ്രാണി മുഖര്‍ജി ചോദ്യം ചെയ്യലിനിടെ വെളിപ്പെടുത്തി. തന്നോട് മകള്‍ക്ക് വെറുപ്പാണെന്നും അതിനാലാണ് അവള്‍ മുന്നോട്ട് വരാത്തതെന്നും ഇന്ദ്രാണി വ്യക്തമാക്കി. ഇതേ തുടര്‍ന്ന് ഷീന മരിച്ചതായി കണക്കാക്കുന്ന സമയത്ത് യു.എസിലേക്ക് യാത്ര ചെയ്തവരുടെ വിശദാംശങ്ങള്‍ പൊലീസ് ശേഖരിച്ചു വരികയാണ്.
മുന്‍ സ്റ്റാര്‍ ഇന്ത്യ സി.ഇ.ഒയുടെ ഭാര്യ ഇന്ദ്രാണി മുഖര്‍ജിയും അവരുടെ മുന്‍ ഭര്‍ത്താവ് സഞ്ജീവ് ഖന്നയും െ്രെഡവറും ചേര്‍ന്ന് ഷീനയെ 2012 ഏപ്രില്‍ 24ന് കൊലപ്പെടുത്തിയെന്നാണ് കേസ്. വാടകയ്‌ക്കെടുത്ത കാറിനുള്ളില്‍ മൂവരും ചേര്‍ന്ന് ഷീനയെ ശ്വാസം മുട്ടിച്ച് കൊലപ്പെടുത്തുകയും തുടര്‍ന്ന് മൃതദേഹം കത്തിച്ച ശേഷം അത് മുംബയില്‍ നിന്നും 84 കിലോമീറ്റര്‍ മാറി റായ്ഗഡ് എന്ന വനപ്രദേശത്ത് ഉപേക്ഷിക്കുകയും ചെയ്‌തെന്നുമാണ് കേസ്.
മൂന്ന് വര്‍ഷമായി ഷീന യു.എസിലാണെന്നായിരുന്നു ഇന്ദ്രാണി കുടുംബാംഗങ്ങളോടും സുഹൃത്തുക്കളോടും പറഞ്ഞിരുന്നത്. ഇന്ദ്രാണിയുടെ മകനോടും ഷീനയുടെ കാമുകനുമായ രാഹുല്‍ മുഖര്‍ജിയയോടും അവര്‍ ഇതു തന്നെയാണ് പറഞ്ഞിരുന്നത്. ഷീനയുടെ മൊബൈല്‍ ഫോണ്‍ ഇന്ദ്രാണി ഒരു വര്‍ഷത്തോളം ഉപയോഗിച്ചിരുന്നു. അവളുടെ പേരില്‍ വ്യാജ കത്തുകളെഴുതുകയും ഷീനയുടെ ഓഫീസിലേക്ക് വ്യാജ രാജിക്കത്ത് അയക്കുകയും ചെയ്തിരുന്നു. കത്ത് തയ്യാറാക്കാന്‍ ഉപയോഗിച്ച ലാപ്പ്‌ടോപ്പ് കണ്ടെത്തുകയും ചെയ്തു.
മൂന്ന് വര്‍ഷം മുമ്പ് ഷീന കൊല്ലപ്പെട്ടെന്ന് തന്നെയാണ് പൊലീസ് വിശ്വസിക്കുന്നത്. വനപ്രദേശത്തിലേക്ക് മൃതദേഹം കൊണ്ടു പോകാന്‍ ഉപയോഗിച്ചതെന്ന് കരുതുന്ന വലിയ സ്യൂട്ട്‌കേസുകള്‍ ഞായറാഴ്ച പൊലീസ് കണ്ടെത്തിയിരുന്നു. കഴിഞ്ഞ ആഴ്ച ഷീനയുടെ തലയോട്ടിയും കണ്ടെത്തിയിരുന്നു. കേസില്‍ കുറ്റാരോപിതരായ ഇന്ദ്രാണി, മുന്‍ ഭര്‍ത്താവ് സഞ്ജീവ് ഖന്ന, അവരുടെ െ്രെഡവര്‍ ശ്യാം റായ് എന്നിവരെ കഴിഞ്ഞ ദിവസം കോടതിയില്‍ ഹാജരാക്കിയിരുന്നു. ഇവര്‍ക്കെതിരെ കൊലപാതകശ്രമത്തിനും വിഷം നല്‍കിയതിനും കേസ് ചുമത്തിയിട്ടുണ്ട്. ഷീനയുടെ സഹോദരനായ മിഖായേല്‍ ബോറയേയും ഇന്ദ്രാണി കൊല്ലാന്‍ ശ്രമിച്ചതായി ആരോപണമുണ്ട്. തന്റെ മക്കളെ സഹോദങ്ങളാണെന്ന് പറഞ്ഞാണ് ഇന്ദ്രാണി എല്ലാവര്‍ക്കും പരിചയപ്പെടുത്തിക്കൊടുത്തിട്ടുള്ളത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
