കോഴിക്കോട്ടുകാരുടെ പ്രിയ കളക്ടര്‍. ന്യൂജനറേഷന്‍കാരുടെ പ്രിയപ്പെട്ട കളക്ടര്‍. അതാണ് കലക്ടര്‍ എന്‍. പ്രശാന്ത്. പുതുതലമുറയിലെ ചെറുപ്പക്കാര്‍ക്ക് എന്നും ആവേശവും മാതൃകയുമാണ് പ്രശാന്ത്. കോഴിക്കോട്ടുകാര്‍ ദൈവത്തെ പോലെയാണ് പ്രശാന്തിനെ കാണുന്നത്. ജനങ്ങള്‍ക്കൊപ്പം എന്നും കൈതാങ്ങായി നില്‍ക്കുന്ന പ്രശാന്ത് കോഴിക്കോട്ടുകാരുടെ പ്രിയ കളക്ടറാണ്.

ഓപ്പറേഷന്‍ സുലൈമാനി, മൊബൈല്‍ ആപ്ലിക്കേഷന്‍, കലക്ടേഴ്‌സ് ഇന്റേന്‍ഷിപ് പ്രോഗ്രാം ഇങ്ങനെ പറഞ്ഞ തീര്‍ക്കാന്‍ പറ്റാത്തത്ര സല്‍പ്രവൃത്തികളാണ് പ്രശാന്ത് കോഴിക്കോട്ടുകാര്‍ക്കായി ചെയ്തതു. കോഴിക്കോട് ജില്ലാ കലക്ടറുടെ ഫെയ്‌സ് ബുക്ക് ഹിറ്റായത് മുതല്‍ തുടങ്ങി പ്രശാന്തിന്റെ നിറസാന്നിധ്യം. ജനങ്ങള്‍ക്ക് കലക്ടറുമായി സംസാരിക്കാനുളള പേജാണ് കോഴിക്കോട് ജില്ലാ കലക്ടറുടെ ഫെയ്‌സ് ബുക്ക് പേജ്.
അവര്‍ നല്‍കുന്ന നിര്‍ദേശങ്ങള്‍ക്കും പരാതികള്‍ക്കും മറുപടിയും പരിഹാരവും പെട്ടെന്നുണ്ടായപ്പോള്‍ ആളുകള്‍ കൂടുതല്‍ ശ്രദ്ധിക്കാന്‍ തുടങ്ങി. അങ്ങനെ ഈ ഫെയ്‌സ് ബുക്ക് പേജും ഹിറ്റായതായി എന്‍ പ്രശാന്ത് പറയുന്നു. ന്യൂജെന്‍ കളക്ടമാരുടെ കാലമാണോ ഇനി വരാന്‍ പോകുന്നത് എന്ന ചോദ്യത്തിന് പ്രശാന്ത് പറഞ്ഞ ഉത്തരം ഇങ്ങനെ. സിവില്‍ സര്‍വീസിനകത്ത് ന്യൂജെന്‍ കാലം തുടങ്ങി എന്നാണു വിശ്വസിക്കുന്നത്. സ്വതന്ത്രമായ പദവികള്‍ പുതിയ തലമുറ ഏറ്റെടുത്തു തുടങ്ങുമ്പോള്‍ ആ വ്യത്യാസം മനസ്സിലാക്കാം.
സിവില്‍ സര്‍വീസ് ഇല്ലെങ്കില്‍ പട്ടിണിയായി പോവും എന്നു കരുതുന്ന കൂട്ടരല്ല പുതിയ തലമുറ. ഇത് അഹങ്കാരമായി ഒരിക്കലും എടുക്കരുത്. പഠിച്ച തൊഴില്‍ ചെയ്ത് ജീവിക്കാം എന്ന ആത്മവിശ്വാസമുളള വിഭാഗമാണ് അവര്‍ എന്നും പ്രശാന്ത് പറയുന്നു. വേരുകള്‍ തലശേരിയില്‍ ആണെങ്കിലും പഠിച്ചതും വളര്‍ന്നതു മെല്ലാം തിരുവനന്തപുരത്തായിരുന്നുവെന്നും പ്രശാന്ത് പറഞ്ഞു. സിവില്‍ സര്‍വ്വീസില്‍ വരാന്‍ ഉണ്ടായ സാഹച്ചര്യത്തെ കുറിച്ചും പ്രശാന്ത് പറയാന്‍ മറന്നില്ല. സ്‌കൂളില്‍ പഠിക്കുന്ന കാലത്താണ് ഐഎഎസ് സ്വപ്നം ജനിക്കുന്നത്. അതിനൊരു സന്ദര്‍ഭവുമുണ്ടായി. ഒരു ദിവസം തിരുവനന്തപുരം മെഡിക്കല്‍ കോളജ് പ്രിന്‍സിപ്പലിനെ കാണാന്‍ പോയപ്പോള്‍ അമ്മ എന്നെയും കൂട്ടി. എന്തോ സര്‍വീസ് കാര്യത്തിനായിരുന്നു.

ഞങ്ങളെ ശ്രദ്ധിക്കുക പോലും ചെയ്യാതെ പ്രിന്‍സിപ്പല്‍ ഫയലില്‍ മുഖം താഴ്ത്തി ഇരുന്ന് എന്തൊക്കെയോ പറഞ്ഞു കാര്യം നടന്നില്ല എന്നു മാത്രം മനസ്സിലായി. പിന്നീട് പോയത് മെഡിക്കല്‍ എജ്യൂക്കേഷന്‍ ഡയറക്ടറെ കാണാന്‍. അദ്ദേഹവും ഇതു പോലെ എന്തൊക്കെയോ പറഞ്ഞു. അവിടെ നിന്നും കാര്യം നടന്നില്ല. ഒടുവില്‍ സെക്രട്ടറിയേറ്റിലേ ക്കു പോയി. അവിടെ വച്ചു കണ്ട ഉദ്യോഗസ്ഥന്‍ ഇവരില്‍ നിന്നു വ്യത്യസ്തമായി ഞങ്ങളോട് ഇരിക്കാന്‍ പറഞ്ഞു ചിരിയോടെ, സൗമ്യമായി കാര്യങ്ങള്‍ ചോദിച്ചു.
എനിക്ക് ആ ഉദ്യോഗസ്ഥന്റെ പെരുമാറ്റം ഒരുപാടിഷ്ടമായി. തിരിച്ചിറങ്ങുമ്പോള്‍ പുറത്തു വച്ച ബോര്‍ഡിലെ പേരു വായിച്ചു. രാജീവ് സദാനന്ദന്‍ ഐഎസ്. ഹെല്‍ത്ത് സെക്രട്ടറി. ഐഎഎസ് മോഹം ഉണ്ടായത് ഈയൊരു സംഭവത്തില്‍ നിന്നാണ്. രാജീവ് സദാനന്ദന്‍ സാറിന് ഇപ്പോഴും ഇതറിയില്ലെന്നും പ്രശാന്ത് പറഞ്ഞു. ഓപറേഷന്‍ സുലൈമാനി എന്ന പദ്ധതി കൊണ്ട് വരാനുണ്ടായ സാഹച്ചര്യവും പ്രശാന്ത് പറയുന്നു. കോഴിക്കോടിന്റെ നന്മ മനസ്സ് വലുതാണ്. അപ്പോള്‍ അതിനെ നല്ല രീതിയില്‍ ഉപയോഗപ്പെടുത്തണം എന്നു തോന്നി.
ഇവിടുത്തെ പല ഹോട്ടലുകളും സന്നദ്ധ സംഘടനകളും പാവപ്പെട്ട വര്‍ക്കു ഭക്ഷണം കൊടുക്കാറുണ്ട്. പക്ഷേ, ഈ കരുണ പലരും ചൂഷണം ചെയ്യുന്നുണ്ട്. മെഡിക്കല്‍ കോളജില്‍ ഭക്ഷണ വിത രണം നടക്കുമ്പോള്‍ ചിലര്‍ രണ്ടും മൂന്നും പായ്ക്കറ്റുകള്‍ വാങ്ങും. നല്ലത് എടുത്ത് ബാക്കി കളയും. വിശപ്പ് ആരുടേയും കുറ്റമൊന്നുമല്ല. വിശക്കുന്നവന് അഭിമാനത്തോടെ ചെന്ന് ഭക്ഷണം കഴിക്കാനാവണം. ലഞ്ച് ബോക്‌സ് നഷ്ടപ്പെട്ട കുട്ടിക്കു മുതല്‍ പോക്കറ്റ് അടിച്ചു പോയതു കൊണ്ട് പട്ടിണിയായ വൃദ്ധനു വരെ എവിടെയും കൈ നീട്ടാതെ ഭക്ഷണം കിട്ടണം.
അതാണ് ഓപ്പറേഷന്‍ സുലൈമാനി. വിചിത്രമായ പേരാണെങ്കിലും ഹിറ്റായെന്നും പ്രശാന്ത് പറഞ്ഞു. പ്രശാന്ത് തന്റെ മനസിലുള്ള സ്വപ്‌നങ്ങളെ കുറിച്ചും പറയുന്നു. കോഴിക്കോട്ടുകാരുടെ സഹായിക്കാനുളള മനസ്സും ആവശ്യക്കാരെയും കൂട്ടിമുട്ടിച്ചു കൊടുക്കുക. ഒറ്റവരിയില്‍ അങ്ങനെ പറയാം. നിര്‍ബന്ധിത ടാക്‌സ് പിരിവിലൂടെ കിട്ടുന്ന പണം ഉപയോഗിച്ചല്ലാതെയും കാര്യങ്ങള്‍ ചെയ്യാം എന്ന വിചാരമാണ് മനസ്സിലുളളത്. പ്രശാന്ത് തന്റെ സിനിമ ചര്‍ച്ചകളെ കുറിച്ചും വാതോരതെ പറഞ്ഞു.
മൂന്നു സിനിമകള്‍ പ്രീ പ്രൊഡക്ഷന്‍ ഘട്ടത്തിലാണ്. ഞാനും തീരദേശ വികസന കോര്‍പറേഷന്‍ എംഡി അമ്പാടി സാറും ഒരുമിച്ചാണ് എഴുത്ത്. ഒരുമിച്ചു സിനിമ കാണാന്‍ പോയി തുടങ്ങിയ സൗഹൃദമാണ് ഇപ്പോള്‍ തിരക്കഥയെഴുത്തില്‍ എത്തി നില്‍ക്കുന്നത്. രാഷ്ട്രീയക്കാര്‍ കുഴപ്പക്കാരാണെന്ന് തോന്നിയിട്ടില്ല. പല ജന കീയ കാര്യങ്ങളും അവരാണ് പറയാറുളളത്. തുടക്കത്തില്‍ ചില മല്‍പിടുത്തങ്ങള്‍ നടത്തേണ്ടി വന്നിട്ടുണ്ട്. അജണ്ടകള്‍ ഇല്ല എന്നു തിരിച്ചറിയിക്കുന്നിടം വരേ മാത്രമേ പ്രശ്‌നമുളളൂ. ഞാന്‍ ഇലക്ഷനു നില്‍ക്കാനൊന്നും പോവുന്നില്ലല്ലോ എന്നും നിറഞ്ഞ ചിരിയോടെ പ്രശാന്ത് പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha