കോട്ടയം ഉഴവൂർ ഇടക്കോലി റോഡിലൂടെ അൽപ നേരം സഞ്ചരിച്ചാൽ ആരും അന്തം വിട്ടു പോകും. ഇവിടെ കൈപ്പറേട്ട് കെ യു എബ്രാഹാമിന്റെ വീട്ടുമുറ്റത്ത് തലയെടുപ്പോടെ നിൽക്കുന്നത് ഐഎസ്ആർഒ എന്നെഴുതിയ കൂറ്റൻ റോക്കറ്റിന്റെ മാതൃകയാണ്. ചന്ദ്രയാൻ 3 ചരിത്രനേട്ടത്തിൽ തിളങ്ങുന്ന സമയത്ത് ചന്ദ്രയാൻ 3 ന്റെ പൂർണ്ണമായ മാതൃക നിർമ്മിച്ച് നാടിന് സമർപ്പിക്കുകയാണ് ഇദേഹം. ഒരു ലക്ഷത്തിൽ അധികം രൂപ മുതൽ മുടക്കി റോക്കറ്റും വിക്രം ലാൻഡറും.

റിമോർട്ടിൽ പ്രവർത്തിക്കുന്ന റോവറും . ചന്ദ്രന്റെ ഉപരിതലവും ഉൾപെടെ നീർമ്മിച്ച് തദേശവാസികളെ അത്ഭുതപ്പെടുത്തുകയാണ് കെ യു എബ്രാഹം.10 ദിവസം കൊണ്ട് ഇരുമ്പ് പൈപ്പ് , മെറ്റൽ ഷീറ്റ് , പി.വി.സി പൈപ്പ്, തടി അലുമിനിയം ബക്കറ്റ്, അരിപ്പ, റബർ, ചിരട്ട എന്നിവയോഗിച്ചാണ് ഈ മനോഹര കാഴ്ച്ച നിർമ്മിച്ചത്.

അമ്പിളിക്കലയിൽ രാജ്യം ചരിത്രമെഴുതിയപ്പോൾ ദിവസങ്ങൾ നീണ്ട എബ്രാഹാമിന്റെ പരിശ്രമത്തിനും ചന്ദ്രശോഭ പോലെ തിളക്കമായി മുംബൈയിൽ റെയിൽവേ മെക്കാനിക്കായിരുന്നു കെ.യു എബ്രാഹമിന്റെ ഈ റോക്കറ്റ് മാതൃക നിർമ്മാണത്തിന് എല്ലാ പിന്തുണയും നൽകി ഭാര്യ റിട്ട അദ്ധ്യാപിക കത്രീനയും കൂട്ടിനുണ്ട്.