അഞ്ജാത സ്ത്രീ തട്ടിക്കൊണ്ടു പോയ കുഞ്ഞിനെ കണ്ടെത്താന് സഹായകമായത് വാട്സ്ആപ്പ്
അഞ്ജാത സ്ത്രീ തട്ടിക്കൊണ്ടു പോയ കുഞ്ഞിനെ കണ്ടെത്താന് സഹായകമായത് വാട്സ്ആപ്പ്. ലുധിയാനയിലെ ഫിറോസ്പൂര് സ്വദേശികളായ ദമ്പതികളുടെ മൂന്ന് മാസം പ്രായമുള്ള കുഞ്ഞിനെയാണ് വാട്സ്ആപ്പിന്റെ സഹായത്തോടെ കണ്ടെത്തിയത്. കോമള് കുമാര്, സപ്ന ദമ്പതികളുടെ കുട്ടിയെയാണ് വീണ്ടെടുത്തത്. ചൊവ്വാഴ്ച സുവര്ണ ക്ഷേത്രം സന്ദര്ശിക്കുന്നതിനിടെയാണ് ഇവരുമായി സൗഹൃദത്തിലായ ഒരു സ്ത്രീ കുട്ടിയെ തട്ടിക്കൊണ്ട് പോയത്.
ഭക്ഷണത്തിനായി പോകുമ്പോള് ഈ സ്ത്രീയുടെ അടുത്ത് കുട്ടിയെ ഏല്പ്പിച്ച ശേഷം പോകുകയായിരുന്നു. തിരിച്ചു വന്നപ്പോള് കുട്ടിയുമായി ഈ സ്ത്രീ രക്ഷപെട്ടിരുന്നു. ക്ഷേത്രത്തിലെ സി.സി.ടി.വി ക്യാമറയില് സ്ത്രീയുടെയും കുട്ടിയുടെയും ചിത്രം പതിഞ്ഞിരുന്നു. ഇത് വാട്സ്ആപ്പ് വഴി പ്രചരിപ്പിച്ചാണ് കുട്ടിയെ കണ്ടെത്തിയത്. അമൃത്സര് പോലീസാണ് ചിത്രം വാട്സ്ആപ്പ് വഴി പ്രചരിപ്പിച്ചത്.
കുട്ടിയുമായി ബുധനാഴ്ച രാവിലെ ട്രെയിന് ഇറങ്ങിയ സ്ത്രീയെ മൊഹിന്ദര് സിംഗ് എന്ന യാത്രക്കാരന് തിരിച്ചറിഞ്ഞതോടെയാണ് ഇവര് പിടിയിലായത്. മൊഹീന്ദര് സിംഗിന് വാട്സ്ആപ്പ് വഴി പോലീസ് അയച്ച ചിത്രം കിട്ടിയിരുന്നു. തുടര്ന്ന് മൊഹീന്ദര് സിംഗ് പോലീസിനെ വിവരം അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha