പെരുമ്പാവൂരിലെ നിയമവിദ്യാര്‍ത്ഥിനി ജിഷയുടെ കൊലപാതകിയുടെ രേഖാചിത്രവുമായി സാമ്യമുള്ളതുകൊണ്ട് മാത്രം സോഷ്യല്‍ മീഡിയ ആഘോഷമാക്കിയ യുവാവിന്റെ അവസ്ഥ ദയനീയമാണ്. നാടാകെ കൊലപാതകിയായി ചിത്രീകരിച്ചപ്പോള്‍ ഗര്‍ഭിണിയായ ഭാര്യയില്‍ നിന്നും അത് മറച്ച് വയ്ക്കാന്‍ ഏറെ പാടുപെട്ടു.
താന്‍ ജിഷയെ ജീവിതത്തില്‍ ഇതുവരെ കണ്ടിട്ടില്ലെന്നും ആരോ കാണിച്ച കുസൃതി തന്റെ ജീവിതം തന്നെ വഴിമുട്ടിച്ചിരിക്കുകയാണെന്നും തസ്‌ലീഖപറഞ്ഞു. ഈ സംഭവം തനിക്ക് മാനസികമായി ഏറെ ബുദ്ധിമുട്ടുണ്ടാക്കി.
ജിഷയുടെ ഘാതകന്റെ രേഖാചിത്രം കഴിഞ്ഞദിവസമാണ് അന്വേഷണോദ്യേഗസ്ഥര്‍ പുറത്തുവിട്ടത്. തുടര്‍ന്ന് രേഖാചിത്രം വാട്‌സ്ആപ്പിലും ഫെയ്‌സ്ബുക്കിലും ഉള്‍പ്പെടെ സോഷ്യല്‍മീഡിയയില്‍ പ്രചരിച്ചു. ഇതിനിടയില്‍ ഘാതകിയുടെതെന്ന് തോന്നിപ്പിക്കുന്ന ഛായയുള്ള യുവാവിന്റെ ചിത്രവും സോഷ്യല്‍മീഡിയയില്‍ രേഖാചിത്രത്തോടൊപ്പം പ്രചരിച്ചത്.
ജിഷയുടെ മരണവാര്‍ത്തയുമായി ബന്ധപ്പെട്ട് സോഷ്യല്‍ മീഡിയയിലെ ഫോട്ടോ മാത്രമേ താന്‍ കണ്ടിട്ടുള്ളൂവെന്ന് തസ്‌ലീഖ് പറയുന്നു. പെരുമ്പാവൂരില്‍ ജിഷയുടെ കൊലപാതകം നടന്ന ഭാഗത്തേക്കൊന്നും ഇതുവരെ പോയിട്ടില്ല. ഓണ്‍ലൈനിലൂടെ പ്രചരിച്ച ചിത്രം പുറത്തു വന്നതില്‍ പിന്നെ ധാരാളം ആളുകള്‍ വിളിച്ചിരുന്നു. കൂടാതെ അനേകം ആരോപണങ്ങളും ഉയര്‍ന്നു വന്നു.
താന്‍ പിപി തങ്കച്ചന്റെ െ്രെഡവറാണെന്നും ജിഷയുടെ കൊലപാതകിയുടേതിന് സാമ്യമുള്ള പല്ല്, മുടി, കണ്ണ് എന്നിവയുള്ളതിനാല്‍ താന്‍ കൊലപാതകിയാണെന്നുമായിരുന്നു ആരോപണങ്ങള്‍. ഭാര്യയുടെ പ്രസവം ഈ മാസമാണ്. അതിനാല്‍ തന്നെ തീരാ വേദനയിലും അത് മറച്ചു വച്ചു. ഇന്ന് ഇപ്പോഴാണ് ഭാര്യയും കുടുംബാംഗങ്ങളുമെല്ലാം വിവരം അറിഞ്ഞതെന്നും തസ്‌ലീഖ് പറഞ്ഞു.
പറവൂരിലെ ഒരു തുണിക്കടയില്‍ സെയില്‍സ്മാനായി ജോലി ചെയ്യുന്ന തസ്‌ലീഖ് കാഴ്ചയില്‍ സാമ്യമുള്ളതിനാല്‍ മാത്രമാണ് സോഷ്യല്‍മീഡിയയിലൂടെ ചര്‍ച്ചയായത്. അഞ്ചാംപുര തുടങ്ങിയ ചില മലയാള സിനിമകളില്‍ ചെറിയ വേഷങ്ങളില്‍ തസ്‌ലിക് അഭിനയിച്ചിട്ടുണ്ട്. പുതിയ ചിത്രത്തിന്റെ അണിയറക്കാരെ താന്‍ വിളിച്ചിട്ട് ഫോണെടുക്കുന്നു പോലുമില്ല...

ചിലര്‍ അവരുടെ സാമൂഹിക പ്രതിബദ്ധത തെളിയിച്ചു. പാമ്പ് കടിച്ച ശേഷം ഇടിമിന്നലേറ്റ് ചാവനേ എന്ന് പോലും മുഖ പുസ്തകത്തില്‍ ഇരുന്ന് പ്രാര്തിച്ചവര്‍ ഉണ്ട് എന്ന് ചില കമന്റുകളിലൂടെ വായിച്ചറിയാന്‍ കഴിഞ്ഞു. പക്ഷെ എന്റെ നഷ്ടങ്ങളുടെ ആരംഭം ആണിത്. ജീവിതത്തില്‍ ഒരു അഭിനേതാവ് ആകണം എന്നായിരുന്നു എന്നായിരുന്നു ആഗ്രഹം. അതിനായി ഒരുപാട് കഷ്ടപ്പെട്ടിടുണ്ട്. അതിനിടയില്‍ കുടുംബവും കുട്ടിയും ഉള്ളത് കൊണ്ടാണ് അഷ്ടിക്കു വക തേടി മറ്റു ജോലികള്‍ക്കായി പോയിരുന്നത്. അതും നിലച്ച മട്ടാണ്. ഇപ്പോള്‍ ഇതാ ഞാന്‍ അഭിനയിച്ചു കൊണ്ടിരിക്കുന്ന സിനിമയില്‍ നിന്ന് എന്നെ ഒഴിവാക്കിയതായും അറിയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha