ആ നടന് രക്ഷയ്ക്കെത്തിയില്ലായിരുന്നെങ്കില്; രാത്രി 10 ന് തുടങ്ങി വെളുപ്പാന് കാലം വരെ നടന്നത്; ഞെട്ടലോടെ കാളരാത്രിയെപ്പറ്റി നടി
വളരെ ഞെട്ടലോടെയാണ് നടി കഴിഞ്ഞ ദിവസത്തെ രാത്രി ഓര്ക്കുന്നത്. സിനിമയില് മാത്രം കണ്ടിട്ടുള്ളതും അഭിനയിച്ചതുമായ സംഭവങ്ങള് ജീവിതത്തില് സംഭവിച്ചപ്പോള് മരവിച്ചുപോയി. തനിക്ക് ഏറെ പരിചയമുള്ള സഹോദരനായി കണ്ട സ്വന്തം ഡ്രൈവര് മറ്റുള്ളവരെ കൂട്ടി ഇങ്ങനെ ചെയ്യുമെന്ന് സ്വപ്നത്തില് പോലും വിചാരിച്ചില്ല.
തൃശൂരില് നിന്ന് എറണാകുളത്തേക്ക് വരുമ്പോഴാണ് ഒരു സംഘമാളുകള് തന്റെ കാറിലേക്ക് അതിക്രമിച്ച് കയറിയത്. കാറില്വച്ച് പലവട്ടം തന്നെ ശാരീരികമായി ഉപദ്രവിച്ചുവെന്ന് നടി പറഞ്ഞു. അങ്കമാലിയില് വച്ചായിരുന്നു സംഭവം. ഡ്രൈവറുടെ നേതൃത്വത്തിലുള്ള സംഘമാണ് ഉപദ്രവിക്കാന് ശ്രമിച്ചത്. നടിയുടെ കാറില് അതിക്രമിച്ചുകയറിയ സംഘം അപകീര്ത്തികരമായ വീഡിയോയും ചിത്രങ്ങളും പകര്ത്തിയതായും പരാതിയില് പറയുന്നു.
ഇന്നലെ രാത്രി 10 മണിയോടെയാണ് സംഭവം. അത്താണിക്കു സമീപം നടിയുടെ കാര് തടഞ്ഞുനിര്ത്തിയ സംഘം, അതിക്രമിച്ച് അകത്തുകയറിയ ശേഷം പാലാരിവട്ടം വരെ ഉപദ്രവിവിക്കുകയായിരുന്നു. നടിയുടെ ഡ്രൈവറെ സംഘം എത്തിയ കാറില് ഭീഷണിപ്പെടുത്തി കയറ്റുകയും ചെയ്തു. ഇതിനിടയാണ് സംഘം നടിയുടെ ചിത്രങ്ങളും വീഡിയോയും പകര്ത്തിയത്. അര്ധനഗ്ന ചിത്രങ്ങള് പകര്ത്തിയതായും പരാതിയില് പറയുന്നു.
തുടര്ന്ന് പാലാരിവട്ടത്ത് വച്ച് മറ്റൊരു വാഹനത്തില് കയറിയ സംഘം കടന്നുകളയുകയായിരുന്നു. തുടര്ന്ന് ആ വണ്ടിയില് നടന് ലാലിന്റെ വീട്ടിലേക്ക് ഓടിക്കയറുകയായിരുന്നു എന്നാണ് പറയുന്നത്. ശേഷം കളമശേരി മെഡിക്കല് കോളജ് ആശുപത്രിയില് എത്തിയ നടി വൈദ്യപരിശോധനക്ക് വിധേയമായി.
സംഭവവുമായി ബന്ധപ്പെട്ട് നടിയുടെ വാഹനം ഓടിച്ചിരുന്ന കൊരട്ടി സ്വദേശി മാര്ട്ടിനെ നെടുമ്പാശേരി പൊലീസ് അറസ്റ്റ് ചെയ്തിട്ടുണ്ട്. തട്ടിക്കൊണ്ടുപോകാല്, അപമാനിക്കല് തുടങ്ങിയ വകുപ്പുകള്പ്രകാരമാണ് കേസ് രജിസ്റ്റര് ചെയ്തിരിക്കുന്നത്. കൂട്ടുപ്രതികളെയും തിരിച്ചറിഞ്ഞതായും സൂചനയുണ്ട്.
പെരുമ്പാവൂര് സ്വദേശി സുനിലാണ് സംഭവത്തിന് പിന്നില് പ്രവര്ത്തിച്ചതെന്ന് പൊലീസ് പറയുന്നു. സുനിലിന്റെ നിദേശപ്രകാരം കഴിഞ്ഞദിവസമാണ് മാര്ട്ടിന് നടിയുടെ കാര് ഓടിക്കാന് എത്തിയത്. മാര്ട്ടിനും സുനിലും മുന്കൂട്ടി തയ്യാറാക്കിയ പദ്ധതിയായിരുന്നുവെന്നാണ് പൊലീസിന്റെ നിഗമനം. ചലച്ചിത്ര താരങ്ങള്ക്ക് െ്രെഡവര്മാര് ഏര്പ്പാടാക്കി കൊടുക്കുന്ന ആളാണ് സുനില്. ഇയാളുടെ പേരില് നിരവധി കേസുകളുണ്ടെന്നും പൊലീസ് പറയുന്നു.
https://www.facebook.com/Malayalivartha